تاج الراس يا شمران

بسم الله الرحمن الرحيم

بذكرك يا ولي العرش نبدى يا عظيم الشان

جعلنا شعوب و قبايل على التقوى نظريها

بدهن العود والعنبر و مسك وريحه الريحان

مع طيب المشاعر واعذب الألحان نهديها

سلامي لك يابومتعب حبيب الشعب ياكحيلان

على مدحك بيوت الشعر تتزاحم قوافيها

سلامي لسيدي راعي الكرم والجود ياسلطان

وسلامي لسيدى نايف مرسي الأمن وحاميها

سلام الله لحاكم نجد راعـي الطيب يا سـلمان

سلامي للملوك و للوطن قبل ابدع قـوافيها

ورحمك الله يا عود بخيره تنعم البلـدان

أساس المجد كله هو مؤسسها و بانيها

و بدون قصور في كل القبايل شاعر ولهان

و متولع بحب قبيلتي و احب طاريها

بدايتها بحرف الشين شيمه ماضي الأزمان

و حرف الميم مجد ساميٍ متربيٍ فيها
و حرف الراء رايه نصر خفاق في الـميدان

و رماح في نحور خصومها واللي يعاديها

و ألفها شامخ بامان مع أطمئنان

و حرف النون نار تحرق اعداها وتفنيها

واذا كل تفاخر واعتزى من اسمها عنوان

أنا بفخر بلابه واسمها شمران يكفيها

سلام الله تساليم لتاج الراس يا شمران

ياعنوان الوفا والجود في أسمى معانيها

يا ربع للجمايل و المكارم فعلهم ينبان

موا قفهم تنومس كلمه للحق نبديها

ولدهم يطرب لصوت الرصاص وكلهم شجعان

صقور الجو واسباع عوادي من مناديها

وموطنهم جنوب العزذخربالدمي ينصان

أحب اسهولها واجبالها واعشق روابيها

سلام الله على ديار حماها سادة الجدان

ديار العز ياشمران في أولها و تاليها

ونختمها بذكرك يارسول الله ياخير انسان

شفيع امته فى المحشر و قايدها و حاميها