طروش الموت .

ان كانها بالفعل نقلب موازين
المجد يجذبني بذروة سنامه
وان كانها ياعين يا ليل ياعين
كل يدور في حياته غرامه
وان كانها بالشعر والمنطق الزين
شعري لبس درعه وثنى حزامه
وانا من اللي في المهمات وافين
ماني مضريها دروب الرخامه
شاعر ولي موقف ولي درع جنبين
اولاد مفلح محتمين الجهامه
ال بلقرب قبيلة صيتها وين
معروفة من نجد الى اقصى تهامه
وافخر بهم من سالف الوقت للحين
ربع لهم في المدح شده وقامه
ربعي طروش الموت سقم المعادين
كم واحد صادوه صيد الحمامه
ربعي هل التوحيد حماية الدين
واللي يعاديهم خطته السلامه
اولاد مفلح صف ما هم بصفين
ولا يجي بين الاخوان انقسامه
صرح بنوه جدودنا الاوليين
لابد يبقى الين يوم القيامه
سيروا بروس تكسب العز وتبين
والامر وزمامه وغونة اخطامه
للشيخ ابن هندي سعوط المجانين
سالم اليا عدوا رجال الشهامه
حلال عسرات الشرابيك باللين
بالصبر والحكمه يحقق مرامه
اخطل يمين وشوره يدل غادين
واضفى على ربعه جليل اهتمامه
يستاهل المنصب عسى ايامه سنين
وما للزعامه غير رجل الزعامه

حمود القربي الشهراني