اخترنا لكم

‏ما للبيوت العامره طعم يا سعود
إذا خلت في يوم من حس شايـب

بيبانها طرما وجدرانها ســــــود
ويصفق درايشها قوي الهبايـــب

في كل ركن لحزنها اثبات وشهود
على فراق مهونين الصعايــــــب

كانوا هنا وكان السعد ماله حـدود
وكان الرضا يملا قلوب الحبايــب

- - - - - - - - - - -

‏والله ان الادمي طول عمره في صراع
والحضيض يعيش جهده لـ ربّه ساخره

ياإلهي سجدتي لك خضوع وارتفاع
الخضوع لهيبتك كنزي اللي ذاخره

والضياع اللي يسمونه العالم ضياع
غفلة الانسان عن موعده فـ الآخره

- - - - - - - - - - - - -

ليت النوايا .. مالها. ستر ولباس
تظهر من صدور . المخاليق جردى

اللي تظنّه غير. عن كلّ. هالناس
بكره تشوفه مثل هالناس و اردى

- - - - - - - - - - - -

‏اعطيك من نبع القصائد رسالة
مكتوب فيها انت من دون غيرك

انت الوحيد اللي ملكني لحاله
ارفق على قلبي وراعي ضميرك