ضحيت لجلك !!!!!!!!!!!!!!!!!

اتمنى ان تنال هذة القصيده اعجابكم ,,,,, حيث قمت بنقلها فهي قريبه جدا لمشاعري اتمنى ان تنال اعجابكم

ضحيت لجلك
..
..

أكذب عليك إن قلت بالبال مريت
أو لي على الماضي وطاريك نيه
بس أذكر أني يوم طروك فزيـت
وفز الخفوق اللي جـــروحه نديـة
مدري غلا ولا أنا يوم ضحيـت
نسيت كل جروح قلـب ٍ خفيـه
عطيتك إحساسي على ما تمنيـت
عطيت والله ما حسبـــت العطيـة
يوم ٍ رماد الشوق بالجرح غطيت
وتحت الرماد النار بالجــوف حـيه
حاولت أصد وكل ماعنك صديت
ترجع لك الأشــواق ياهـي وفيـه
وتشيل عني كل هـم ٍ تحريـت
ولا الجروح أجروح تقسى عليـه
أدري بكل أشواق قلبي تماديـت
ضحيت لجــلك لين صرت الضحية
شكراً حبيبي يوم كفيـت وفيـت
تعال لك منـي جروحـي هديـه
خذ كل ذكرى حب منها تعنيـت
وأنــا بصيـر لهـم قلبـي خويـه
ويكفيني أني كل ماقلت ضحيـت
ضحيت لجلك لين صــرت الضحيه

..
.