قصيدة بن لهبي للأمير محمد بن نايف بمناسبة سلامته

قصيدة ابن لهبي بمناسبة سلامة صاحب السمو الملكي الأمير محمد بن نايف بن عبدالعزيز آل سعود من محاولة الاغتيال الفاشلة :ــ

بسم من له في سمـأ الخلـق عـين له ترى
رافــع الـسـبـع الـسـمــوات رب الـعـالـمـيــن

مرسي السبع الأراضيـن من تحـت الثرى
معـتـلي عـرشه عـلى الكـون خير الخالـقـيـن

سيـدي هـذا قـضى الله قــدر مـا جــــرى
نـحـمـد الله فـي سـلامـتـك حـمـّد الـشـاكـريـن

ياحـفـيـد مـوحـد الشـعـــب لـلـزابـن ذرى
ياعـشيـر الطـيب والطيب عـشـرة غـانمـيـن

مـافعـل الإرهـاب مستـنكـر إلا مـنـكـرى
دام تـدبــيــره يــدمــر بــلاد الـمـســــلـمـيــن

ديـنـنـا ديـن السـمـاحـة وهـو مـنهـم برى
خـالـفـوة بـمـذهـب الكـفـر وابـلـيـس الـلعـيـن

حـلـلـو قـتـل المـعـاهــد بـغــدرة مـا درى
وكـفـروا مـفـتـيـن دولـه رجـال صـالـحـيـــن

وهـاجـمـوا قـادتـنا الشـّم فـوق المنـبـرى
وعـاثـهـم رب الـجــلالـة وبـاتـوا خـايـبـيــــن

فـيا عـقـول ما لها فـكـر تـفـعـل ما طـرى
مـا تمــيــز سـيئ الـقـول والـفـعـل المـشـيـن

ويـا نـفـوس مـابـهـا حـلـم لـلـشـر سـفـرى
تـطـلـق عـنـان الـحـماقـة وحقــد الحـاقـديـن

وياخبـيـث جـم غيضه على الـدين ظهرى
كـــاد كـيــده والله اعـلــم بـكـيــد الـكـايـديـن

يـسـتـبـيـح الـديـن والـديـن ديـن مـيـسـرى
وضـح أحـكـام الـشـريـعـه ولـلـدايـن مـديـن

جـاهـل يوم نتـسـامـح عــن الـزلـه ضرى
مـادرى ان العـفـو شيـمة ومـيـزة مـؤمـنـيـن

يحسب انـه يــوم جـانـا يـفـوز ويـظـفـرى
مـادرى أن الله رقـيـب يـلــّد الـظــالـمـيـــن

وان قــدره تـو فـعـلـه حـقــيـر مـحــقـرى
وان قـسـمه يـوم الأقـســام قـسـم الـخـاسـرين

فـسـيـدي فـرحة سلامـتك بـارقـهـا سـرى
ورغـبـتـي بمـصافحـة يـدك يـالحـّر الـفطـين

كـلـفـوني لجـل اهـنـيـك شـمـران جـهـرى
أكـبت جـمـاح المـشاعـر ويـظهـرهـا حـنـين

فوالله إنـا رهـن أشارتك يزري من زرى
عـهــدنـا عـهــّد يـوثـقــــه دولاب الـسـنـيـــن

للشاعر \\ سعد بن مصلح آل لهبي الشمراني