ابجدية / ارض سيناء

اليكم هذة الرائعه الجديدة من روائع الشاعر / عبيد بن محمد الشمراني
وهي بعنوان ابجدية /ارض سيناء يعني قصيدة من الألف الى الياء يعني ألفيه
حقً انه شاعر وعملاق وقد قارع الكبار لله درك من شاعر فأني اطرب لبلاغة شعرك فمن يقراء هذة القصيده أرجو ان يضع تعليقه

ابجدية / ارض سيناء

ألألف _ الفت منه الف بيتً في كتاب
والكتاب يسكن ضميري لا لغيري منعرف

ب _ بصدري سرمخفي دونه مزلاجً وباب
كني مظلوماً سجينً بلا خطيه واعترف

ت_ توالت وانهكتنى فوق متنى من هضاب
حملها زايد ودربي في مساره وانحرف

ث_ ثواني وزاد همي واكتمل فيه النصاب
مالقا ذا الهم غيري بدع فيه واحترف

ج_ جاني هوعشاني مطلبه مني جواب
ان امرته نفذ امري وان سكت عنى انصرف

ح_ حياتي فيها حيره خايفً اطرد سراب
لا طرا بالي طلبهم موعدي عيشة ترف

خ_ خلا فكري وخالي راح جيه في ذهاب
لا انتصف ليلي وعسس عل فكري واغترف

د_ دارالوقت فيه شاب راسي بالشباب
حاسبوني بالف خطيه لا ني جاني مقترف

ذ _ذيابه تعوي منى وان عوى ذيبي ذياب
ذاب منه ذيب حاوي ولاعوى عز وشرف

را_راوي حوض ماوي شربته عذب الشراب
جيتبه واقفيت طاوي بجيتي كلاًً عرف

ز_ زاهي زهو باهي تغطرس بطرس بالثياب
عيشته نار وندامه من ملذات وقرف

س_ سيناء مانسيناء يوم ترعد مع سحاب
يوم جيناء ارض سيناء سرت انا خصم وطرف

ش_ شقينا وكم شكينا شكوةً ريح وهباب
مالها شكوه ثوابت كن من ماله صرف

ص_ منهو صاد صيده يوم تسماحً بناب
يطحن بنابه الفريسه وفوقها دمعً ذرف

ض_ ضواله كل دربه قمرتاً رغم الضباب
يابصير الشوف اعمى والعقل صابه خرف

ط _طيري طار مني بعد قربي واغتراب
طير ربيته بيدى واكفخ الجنحا ن ورف

ظ_ ظابط له ظوابط والاساس اصله تراب
يارقيق الساس قوه ان حصل سيل انجرف

ع _ عيني وسط عيني غر محشوم بحجاب
لابغى يحكى همسلي طرف عينً له يرف

غ _غادي الوقت مني لا غدا وطول غياب
اكتشف عله بجوفي ويضمحل عمر انكرف

ف_فهد يعدي في قطيعه ينتظريرجف مصاب
مايقاوم انهزامي في الخضوع هو محترف

ق _ قبلى وانا اسمع في كتاب واعظم كتاب
وانتسب بسمه وشانه كم دهاليس وغرف

ك_ كافي منه كافي ماوصل منه خطاب
لا كلام خذناه معنى لا ردود جت من طرف

ل_ لعلع يا مولع في سراجك ضوشهاب
خل من يحوي مكانه يدري بذنبً اقترف

م_ ماني خالي منك عالي وادري ممنوع اقتراب
لاقربنا منك والله العقوبه ترف رف

ن _ ناوي منك غاوي احدب العنق وعقاب
لابغيت عونك وامرك جاك عونً منجرف

هـ _ هذي بيدي هي حياتي نرتضي بعدالعتاب
ما اقول الا حياتي مهما سري انعرف

و_ودي ينوضح لي الامر بعد العذاب
حتى اعرف من عدوي ان عطاني وان غرف

ي_ يميني عن يميني عزوتي اهل الحداب
كل بقعه في جنوبي راسيه ماتنحرف

والسلام منا ختامه ابجدية بسيناء جاب
القوافي في تسلسل بكل حرفً واعترف

الشاعر/ عبيد بن محمد الشمراني

صح لسان الشاعر على ماسطره من روائع الكلم
قصيده فعلا رائعه وأسجل فيها إعجاابي

تقديري لك أخي عز ومهابه على مانقلته لنا

صح لسان الشاعر عبيد بن محمد الشمراني

وبيض الله وجهكـ خي عز ومهابة على طرح القصيدة الرائعة

لاهنت

صح لسان الشاعر عبيد بن محمد الشمراني

وشكرا لك اخي عز ومهابة على طرح هذه القصيدة