الاعتذار*المبرر / للشاعر *سعد الشليل (العاتب)💙

الاعتذار المبرر

يا ثقل همِ فوق الامتان شايله
ثقل السحاب الي بسمانا نخايله
رضيت بك يالهم ولا رضيت بي
والهم ياما اقساه واقسى عمايله
اتعب اذا انسان محتاج وقفتي
وما في يديني شيِ.. الا دعاي له
وما هي بعاداتي ولا هو بموقفي
لــــه اعتذر وإلا..القّـي قفاي له
والي قُـبل عذري.. وقَدر مواقفي
يصير مثل الي كستني جمايله
يزيد قدره واحترامي..لوقفته
كـنه محججني ويكبر جزاي له
وليت اعتذاراتي سبقتها منيتي
قبل اعتذر للي.. يـتحرَى عطاي له
انا العطاء نهجي وطبعي وعادتي
ولو كنت احوّج منه.. ماني بقايله
وكِـل امنياتي واقف الحظ دونها
للغير انا مسخّر وحظي ..اخايله
والله يسد الحال من فيض رحمته
والكل يسعد والرجاء..منه نايله
لغيري ولي كل امنياتي ودعوتي
يسد حاجتنا بواسع فضايله

سعد الشليل (العاتب)