فوق هام السحب ( الشعر الشعبي) على متن القوافي

علم اللي كل يوم يدور له رفيق
الرفاقه ماهي بعقد شهري واشتراك
،
لي رفيق لاذكرته وصدري مستضيق
ابتسمت وقلت للضيق هات اللي وراك

....

عسى الله يسمح دربكم يا أهل الدمـام
مشيتوا ومعكم واحد مانـوى الروحـه

وانا جيتكم عاني من اقصى مناطق يام
اعيد النظر وأسكن معاكـم بمنفوحـه

وفجأة تغير وضعكم للظـروف احكـام
تركتوا صلاة الفجر الأبواب مفتوحـه

قريب من المنزل مشيتوا على الاقـدام
وجدنا دموع ً فـي مناديـل ممسوحـه

وصبيت دمعي فوق دمع الـذي قـدام
لأنه مشى معكم وروحي مـع روحـه

وكانت مشاهد لوتوفـق بهـا رسـام
تميز برسم أصدق عبارة على لوحـه

وخلوني ابكي راعي الحـب ماينـلام
وجودي مع وجده ونوحي مع نوحـه

عسى مايسوى في وليفه سواة العـام
ترك في الرياض أكباد وقلوب مجروحه

وشكواي لك يالواحـد العالـي العـلام
على غيرك الشكوى ذليله ومفضوحـه


علي القحطاني

في وجه غيرك مسكر عيني وبابي
غالي وزاد الغلا يوم اني اغليتك

شفني ليا مر طيفك فزة اهدابي
وشلون لامن ندهت اسمي ولبيتك


...

يآبنت مآعندي . . غرآم وموده
لا تلمحي لي بالعيون آلمدآعيج

توك من آهل آلجآمعة مستجده
وآنآ بآخر كورس يآ بنت خريج

...

جيت المكان اللي لنا فيه*ذكرى*
قلت*أتسلى عن غيابك بذكراك

ماني لحالي فاقدك .. واتحرى
حتى المكان اللي جمعنا تحراك


...

اعمارنا مثل الحطب في طرف نار
شي احترق واللي بقى جايه الدورظ*

وارزاقنا مثل السحايب والامطار
اللي مهو مقسوم ماهو بممطور

...

حليت ضيف ورحت من غير تكليف
واقفيت ما تدري عن اللي خــذيته

رد الامانه لااهــل الدار يا ضيــف
قلبن رهيف احساس وانت ابتلــيته

...

‏يا مخترع بالطب تصغير البطون
‏لو تخترع لنا بالطب تقصير اللسان

‏عن الكذب و الغيبة و شر الظنون
‏و عن النميمة و الشتيمة و اللعان

...

كلن يعاتبني اليا صرت ضايق
اصحاب واقراب ومعارف وخلاّن

وانا بشر ماكل الاوقات رايق
اضيق بعض احيان واستانس احيان

...

‏تظاهرت اني سالي ولاعلي خلاف
‏وعيني تروب بصافي الدمع وتريقه

‏هني من غفت عينه بنومه وجر لحاف
‏ولاقزته بعض التفاكير و الضيقه

...