شوفوا اش يقول بليهيد العتيبي؟

الورده اللـي تعلـت فـوق كـل الزهـر
ماباقـي ٍ غـيـر قطفتـهـا بتوقيتـهـا
والورد تعرف مهو بمثـل باقـي الزهـر
يبغـى مراعاه..وانـا حيـل راعيتـهـا
طالت واخذ لونهـا يـزداد لـون ٍ حمـر
محفوظة ٍ عن غبـار الجـو فـي بيتهـا
والسالفه يـوم جيـت اليـوم والا الأمـر
مقطوفـة ٍ وردتـي..!! ياليـت ماجيتهـا
صدمه ..و.. وقّفت بلكي ايجوز خان النظر
بعـد التأكد..وقـفـت اقــول ياليتـهـا
ياليتها قبـل تقّطـف لـو عطتنـي خبـر
والله محـد ٍ يجيـهـا يــوم حبيتـهـا
قطفت-ومعها قطف نومي-وحل السهـر!!
ياحيـف راحـت وانـا مايـوم شميتهـا
اسقيتها عذب صافي مثـل مـي المطـر
لو اعرف ابخاتمتها كـان مـا اسقيتهـا
لوقصر الفعل ماغني عنه صـدق العـذر
واعذارهـم رحـت حتـى ماتوحيتـهـا
وقعت..منها..ومعها..وبعدهـا بالسـفـر
كم ديرة ٍ مـع صـلاة الصبـح طبيتهـا
امشـي بظلمـا ونوب..مخـاوي ٍ للقمـر
كـم ليلـة ٍحنـدس ٍ بالبـرد قاسيتـهـا
اشوف نجم ٍ سرى واشوف نجـم ٍ ظهـر
وثـوابـت ٍ لله الحكـمـه بتثبيـتـهـا
اعـد واغلـط ولـو عـدي بليـا كسـر
وش فايده لـو لـي القـدره وعديتهـا؟؟
ضايق واحاول اخفف عن فـؤادي قهـر
كم مـن قصيـده بتالـي الليـل غنيتهـا
مجالهـا عايـشٍ مـن حينهـا للقـبـر
وعلى الركايـز تسجـل كانـي انهيتهـا
يُكتب عليهـا (بليهيـد العتيبـي) خسـر
غنيمـة ٍ خسّرتـنـي يــوم خزيتـهـا
ياذيب اثري طوال الوقت اصـب ببحـر!!
مـن القهـر قربتـي بالحـال شقيتـهـا
اهل الحسد خلهـا تفـرح طـوال العمـر
بينّتهـا لـجـل مايقـولـون خفيتـهـا
عايش بليـا هـدف سايـح بليـا مقـر
كـم وردة ٍ بعهـا جتـنـي ورديتـهـا؟؟
لعيون ورده!! تعلّـت فـوق كـل الزهـر
ولو اعـرف بخاتمتها..كـان مااسقيتهـا


بليهيد العتيبي