كـل عام والجميع بألف خير.. قصيده بمناسبة زواج الابن سلمان بن علي بن جروان

بسم الله الرحمن الرحيم

هذه القصيده بمناسبة زواج الابن سلمان بن علي بن جروان
.....................................


يالشعرمالي بد منك اليوم ولا لي خيار.. الموقف أكبرمن جروح في فؤادي تنزعه

يامرحبا ترحيبة(ن) فيها معزه وإقتدار ..يدفع غلاها حب ربعي والقلوب مشرعه

من عادني طفل صغيروحلمي أحلام الكبار.. أكرم خويـي والرفيق أحفظ مقامه وأرفعه

لن الرفق تبنى على ساس مثل بني الجدار.. والساس مبني والروابع كلها متجـمعـه

البارحه سرتني الذكرى بعد شفت الديار..ولاحزت منها غيردمع جرح قلبي يدفعه

صحيح نفس الآدمي تجزع ويلحقهاإنكسار..وصحيح نخسرفي الحياة أكثرمن اللي نجمعه

وصحيح في بعض المواقف مايفيدالإعتذار..خويك إما يسمعك ولا تحاول تسمعه

ياكبر شرهات الرفيق من اليمين ومن يسار..لاصرت محتاجه وهومحتاجلك تاقف معه

وشمران ربعي مايجي منهم قصور ولا بوار..وإن جابت الدنيا خطأ تليت ساقي واربعه

وحوادث الدنيا تتعبنا لاكن فيها إعتبار..ومن لاصبروقت الشدايد من مصابه يفجعه

مالي وللدنيا نهايتها الفنى والإندثار..راحوا صناديد الرجال ولاخذوا منها دعـه

لاكن تبقى سيرة الرجال لوغاب النهار..يالله تثبتنا على الدرب الصحيح ونتبعه

من لايقدرشآن ربعه في كباروفي صغار..ماقدروه الياحصله موقف من ينفعه

وش لي بخوة واحد(ن) ماهي على عز وقار..الله يقطع خوة(ن) ورى الغشيم ويقطعه

يتعبك في علمه وفي شوره ولاعنده قرار..وآقول كلن يحصد اللي في حياته يزرعه



........................................

والسلام عليكم ورحمة الله وبركاته

صح السسسسسسانك
الله يعطيك العافيه
تحياتي وتقديري

قصيده تعتبر من عيون الشعر وليس مستغرب ان تكون القصيدة تعانق الابداع صح السانك ملايين

صح لسانك يا ابو نايف على هذه القصيدة

والله يبارك لسلمان بن جروان ويوفقه في حياته

لآ هنت يا أبو نايف

بيض الله وجهك يابو نايف وصحت لسانك
والله يوفق سلمان ويجمع بينهم في خير
والطيب ماهو غريب من منبع الطيب وشلون نستغرب من الغيم الأمطار

من عادني طفل صغيروحلمي أحلام الكبار.. أكرم خويـي والرفيق أحفظ مقامه وأرفعه
صح لسانك

وعليكم السلام ورحمة الله وبركاته

صحيح نفس الآدمي تجزع ويلحقهاإنكسار..وصحيح نخسرفي الحياة أكثرمن اللي نجمعه


صح لسانكـ يا أبو نايف

لاهنت على هذهـ القصيدة الرائعة

احترامي

	صحيح نفس الآدمي تجزع ويلحقهاإنكسار..وصحيح نخسرفي الحياة أكثرمن اللي نجمعه صح لسانك ابو نايف دائما مبدع ومميز يعطيك العافية

وصحيح في بعض المواقف مايفيدالإعتذار.. خويك إما يسمعك ولا تحاول تسمعه

ياكبر شرهات الرفيق من اليمين ومن يسار.. لاصرت محتاجه وهومحتاجلك تاقف معه

صح لسانك اخي ابو نايف على هذه الرائعه الحكيمه

صح الله لسانك على جميل كلماتك المليئه
بالنصح والتوجيه والخبره في الحياه.

نتمنى للأخ سلمان التوفيق والفلاح
جزيل شكري لك أخي ابونايف