فوق هام السحب ( الشعر الشعبي) على متن القوافي

قطف أمل دنياك وأبعد عن الياس
وأضحك وعيش "وتالي العمر" بايد
.
مهما تسوي طيب ما ترضي الناس
من خلقة الدنيا ، رضى الناس كايد
.
حمود البغيلى

‏صدق المشاعر تصنع انسان شاعر
والناس تقرا وش كتب في جديده

عينه تشوف ان القصايد.. مشاعر
وعيونهم تلقى المشاعر ... قصيدة

...

‏عسى ذكرياتي في عيونك خفيفة ظل
‏عيونك هي اللي لا أزال أستحي منها

‏تشره ولا تعذر، ترى ظروفي أخذ وخل
‏مخاوف سنيني غيبتك كانت أزمنها

‏تعال أجمع شتات الحكي والعتاب وقل
‏من اللي مشرد ضحكتك عن مواطنها

‏وقم وارسم البسمة على أيام عمري عل
‏إليا دارت الأيام من بعدك أضمنها


...

يا ونةٍ و نيّتها تالي اللّيل
والعين ملّت نومها من قشرها

عليك ياراعي الرموش المضاليل
اللي يهدد سحرها من نظرها

سودٍ ولا تحتاج للكحل والميل
الله عطاها الزين بدّت بشرها

أحتاجها حاجة بشر مصر للنيل
لولا النهر جاها الجفاف و دمرها

أجمل عباد الله كما نجمة سهيل
وأنت القمر بين النجوم و قمرها

تزورني و زيارتك كنّها السيل
تحيي عروقي لين ينبت ثمرها

و إن غبت عني جاني الهمّ و الويل
وعوّد على الروح الشقيّه كدرها

كم ليلةٍ عقبك بدعت التماثيل
وبيوت شعرٍ جبتها من بحرها

أرسمك في قلبي وأحللك تحليل
و تصوّرك عيني و يسرح بصرها

عز الله إني شفت منك الغرابيل
روحي قزازه مير حبّك كسرها

...

‏يالله برزقٍ يحوّل مثل وبل السحاب
‏ألذ من شربة الماء بعد طول الضما

‏ويالله بدعوة خشوعٍ وقتها مستجاب
‏تروح من خاطري سيده لباب السما

...

لا زاد ظلم الزمـان وكثـرت أوجاعه
‏بـالعزم والصبـر والحكمـه نعالجها

‏مالي ورا الناس لا مطلب ولاحاجه
‏أرفـع يـدينـي وأقـول الله يفرجهـا

...

‏مستعد أعطيك لو تطــلب عيــوني
ما لي أغلى من نظر عيني سواك

لو جميع النــاس من حبك جفوني
يكفي انك مخلص لي في هــــواك

صـورتك بالعين تحميهـــا جفـــوني
وصوره الإخلاص جسدها وفــاك


...

‏لبا مساك وهيبة طلــتك والتفاتك
‏ولباك كلك دامكك عل البال تــطري

‏مدري كيف اوصفك او اعدد صفاتك
‏لكن صفاتك غير البشر كــان تدري

...

‏يا صباح الهيـل والبن النظـيف
نـسكبـه للـي لهـم قـدر و غلا

تدري أن الكيف مايكمل بكيف
الا إذا حطـوا مع القهوه حلا

....

‏اشتقتلك بالامس واليوم مشتاق
وبكرة اذا شفتك يزيد اشتياقي

لجلك يزيد الحب وتزيد الاشواق
ويزيد من بين الظلوع احتراقي

الله جمع فيك الحلاوة والاخلاق
مثلك ولو دورت ماني ملاقي

....