... مرت سنين العمر ...

	بسم الله الرحمن الرحيم { مرت سنين العمر } يالله إنا نطلبــك يا كريم ويا معين كلمــة للحـق يـالله ثبتنــا بهــا الصداقـة في زمانـك يا عام ألـفـين يضحك اللي ساليٍ سالماً من ظلمها وين بلقى صاحبٍ يحفظ المعروف وين ون لقيته مثل درٍ غلا باثمانها ما لقيت ألا جحود و نكران و رين قد ما قدمت من خير تلقى شرها من مكر بالخلق فالله خير الماكرين اكفنا يالله شر النفوس و مكرها الخسيس يسن رمحه يباغت كل حين محتصي له بالدروع وسيوف أحدها الصحيب اللي نعده لظرف ووقت شين قام يتناساك صار الجفا في طبعها يا صحيبي كان خوتك كذب و بين بين بين هرج ومرج كب الضعافه كبها تدري إن الوقت دوار متعب كل عين لطمته تعمي ولا عاد ينفع طبها صحبة ما هي بالله و بتقوى و ديـن والله إني عايفنها وعايف صحبها مرت سنين العمر لين طافً بي أربعين شفت في دنياي كل العجايب شفتها والصلاة على نبي الهدى حق مبين من ربى مكة وطيبة دعا العالم بها وسلامتكم ...