مجارتي لـ ابن بديع (قصيدة الحية الوسيمة )::عبدالله بن غصاب

بسم لله الرحمن الرحيم
السلام عليكم ورحمة الله وبركاته


الشاعر / عبدالرحمن بن بديع


يقــــــول


يافكـر ياللـي ضـاري بالخريمـه..تعال قدم لـي مـن الكيـف فنجـال
يافكـر مالـي بالخطـا والشتيـمـه..لكن جرتنـي لهـا بعـض الاشكـال
لي هقـوةٍ فيهـا وعنـدي عزيمـه..كنت احسبنها فزعـةٍ تبهـج البـال
بس المصيبه خالـف السيـل ديمـه..اثـر المظاهـر غررتـنـي والازوال
صحيـح للحيـه وقــار ٍ وقيـمـه..في وجه من له مع هل الطيب منزال
علاقتـه مـع ديـن ربـه قويـمـه..ومصخر ٍ جهده على خيـر الاعمـال
نهـج الظميـر وسيرتـه مستقيمـه..ولاطب في قلبه مـن الكبـر مثقـال
كريـم بخلاقـه وكـفـه كريـمـه..للجـار والعانـي وللضيـف هشـال
متغينـمٍ فعـل المراجـل غنيـمـه..ولاينثني مـن ميلـة الوقـت لامـال
وان كشرت شهب الليالـي صتيمـه..وان صملت يصمل وياقـف ويحتـال
ولا اللحـى تـرا بعضهـا جريمـه..جريمة ٍ لاجات فـي وجيـه الانـذال
كم واحـد لحيتـه صـوره وسيمـه..لكنه يقصر عـن طليقيـن الافعـال
كبده على خطـلان الايـدي سقيمـه..وبخل وضعافة نفس واعراض واهمال
رجال فـي حـذف القفـا والنميمـه..ومجالـس الجهـال والقيـل والقـال
العـزم ثـاوي والروابـع عديـمـه..جرف قصيـرٍ كلمـا حِـرك انهـال
هذا انت ياوجـه الفشـل والهزيمـه..واخذ الكلام المقرحاني وفـي الحـال
لاصار مافي الرجل غيـره وشيمـه..كلمة رجُـل خسـارة ٍ فيـه تنقـال
وانشهدانـك عايشـه فـي ظليمـه..يالحية ن مانتي علـى وجـه رجـال


المجاراه


يا بن بديع اشفي القلوب السقيمه ** وانثر سهامك في نحر كل الانذال
ولى زمان الانفس المستقيمه ** واتبدلت في الأرض افعال واحوال
هذا الزمن يستاهل اقسى شتيمه ** ما عاد به من فيه نضرب بالامثال
• كم روح فيها الروح شينة دميمه ** تحمل من المكر ومن الخبث اثـقال
حروفك اجرت بي حروفٍ حكيمة ** واطلقت قوس الشعر وارسلت الأقوال
يا حاسب ن ( رجال ) مدح وغنيمه ** عارٍ على بعض العرب فيه تنقالْ
رجال ما له في الحياه اي قيمة** لا سيف حامي لا هو بالجود هطالْ
فارغ فؤاده خايرن بالعزيمه** قضى العمر مشغول من غير اشغالْ
ما به رجوله غير أكله ونومه* صوته يهز الدار ويخيف الاطفالْ
بالظلم والسلطان يقهر حريمه * ما له بقلوب الناس في الحب مثقال
الكل من حوله عدو وغريمه ** من سوء طبع وحال بالمكر ميالْ
يتفاخر بشارب ولحيه وسيمه * وما يدري ان الزين ما هو بالأشكال
من هو بلا لحية وبه كل شيمة ** وزين فعاله يستحق وصف ( رجال
رجال يا شين الرجولة العقيمة ** لا تبني مجد ولا بها تحقق آمالْ
بنت الشرف من فيها جود وشكيمه** تسوى من امثالك بألفين رجال

وســـــــــلامتكم

مجاراة في غاية الروعة ومعاني راقية وجميلة
سلمت ياعبدالله بن غصاب وسلم ابن بديع على هذا الإبداع
تقبل تحياتي

مجاراة ممتازة اخوي عبدالله غصاب لبن بديع

صح لسانك يا عبدالله لك كل الود والاحترام

المشاركة الأصلية كتبت بواسطة hasan الشمراني

مجاراة في غاية الروعة ومعاني راقية وجميلة
سلمت ياعبدالله بن غصاب وسلم ابن بديع على هذا الإبداع
تقبل تحياتي

حسان الشمراني

صح بدنك والروعه تواجدك

لاهنت

بيض الله وجهك ياغاااااااااااااااالي
طرح راااااااااااااائع

المشاركة الأصلية كتبت بواسطة عين نجم

مجاراة ممتازة اخوي عبدالله غصاب لبن بديع

صح لسانك يا عبدالله لك كل الود والاحترام

عين نجم

صح ابدنك
ولاهنت على المرور
ولك كل التقدير
/
\

المشاركة الأصلية كتبت بواسطة وليد

بيض الله وجهك ياغاااااااااااااااالي
طرح راااااااااااااائع

ولـــيد

ووجهك ابيض
ولاهنت على المرور
/
\