ونتي ونة خلوج مع وقت العتيم

ونتي ونة خلوج مع وقت العتيم
وكدت مذبح ولدها وحالوا دونها

حالي اللي راحت أشجار وديانه هشيم
مبطي ما قد دب الحيا بغصونها

لا جرى ماها ولا قد حركها النسيم
من بطى المحال فيها تغير لونها

كان مابي وأنا نخفي شي عظيم
كل الارض اليوم ضاقت على ركونها

يا عرب تكفون من كان له قلب رحيم
كل نفسٍ صابها الحزن لا تقصونها

خاطري داروه ياللي تدارون اليتيم
وإن بكت عيني من الدمع لا تنهونها

كبدي اللي لاعها خافي الحزن المقيم
كل ما قلنا تشالت تزيد طعونها

كل ما بريت جروحي من الحزن القديم
جيت دار حايلٍ البطى من دونها


الشاعر؟؟؟؟