مشكلة العنوسه

طبعا كلكم زيي انذهلتو من الرقم اللي وضعوه مجلس الشورى بخصوص العوانس في البلد وصل الى مايقارب النصف مليون عانس (يعني لو اخذ من كل عانس اربعه ريال بنيت لي قصر في جنيف) يعني نص الجيش الامريكي بالضبط (اللهم اقضي على الجيش العانس اللهم احصهم عددا ولا تترك منهم احدا كانهم آآذو اخوانا في العراق) المهم ان الاخوات العوانس فاق عددهم الجيش العانس اللي ذكرناه سالفا وتبون الصراحه الرقم مخيف لكن كان متوقع وش اتوقع من مجتمع زي مجتمعنا اكثر مافيها المطاعم والبقالات وصالونات التجميل والمكتبات؟؟؟ المهم ان الرقم الخيالي اللي ذكرووه ينبئ بخطر قادم اذا مالحقنا عليه واظن الحلول موجوده ابد ماسهل من الحلول يا مجلس الشورى بس انت عطنا اذنك بالاول يا مجلس الشورى يجب ان تدرك ان بلانا فينا حنا يا معشر الشورى كم واحد فيكم متعدد الزوجات؟ (لو سمحت يا شورى ناظرني لاتناظر الارض) كم واحد فيكم عنده استعداد لتصحيح الاوضاع؟؟ (يؤيؤيؤ وش فيكم ناظرتو كلكم السما؟) طيب تعالو انا بعطيك الحلول واسمعوني جيدا وصدقوني يوضع سره في اسمن خلقه. بالاول قبل اقولكم الحلول ودي اذكر لكم قصة كان فيه خمسه اخوان حبو كلهم يعرسون المهم ان الموضوع اطرحوه على امهم وقالت والله الساعه المباركه ابشركم كل بيت فيه عشر ولا اكثر من الحريم ولا طلبتو الصعب ابد المهم الخمسه ذولا كل واحد جلس يرسم فتاة احلامه في مخيلته لدرجة بعضهم بروك شيلدز لبسها البرقع وبعضهم تخيل وين المكان اللي بيقضي فيه شهر العسل وطبعا خياله تعدا جزر الدوادمي وجبال القويعيه وهضبات شرق الحسا الخضرا وراح لأبعد من كذا انه ماسك ايده بيداه ويتمشون على سواحل الجبيل الصناعيه الخلااابه المهم ان الاخوان الخمسه كل واحد جهز عدته وقال بجلس الحين اختار على كيفي وفيه منهم من قال ابغي طويله وفيه منهو عبا النقص وقال ابغي مزيوووونه تشق وجه الزين كله وضاعو الخمسه في حيرتهم يوم شافو امهم تقول والله ماخليت عرس ولا خليت صالة افراح الا ودخلتها ولا لقيت يمكم اللي تصلح يا مخطوبه يا بنت ناس مايصلحون لنا من الناحية القبليه او شيون او المهر عالي او البنت تبي تكمل دراستها وهات يا تبريرات لين الخمسه نشفت احلامهم وصار كل واحد يرجع لوضعه الطبيعي في الاختيار المهم ان الاخوان في الاخير اتفقو يتزوجون من بلد عربي وفعلا طنخت في روسهم عقب هالتعب اللي لقوه في انهم ياخذون من ديرتهم وجابو من برا خمس بنات طقم عائلي يدعمو الموقف القومي حق النص مليون حقينكم وعقبه وعاشو في زبده ومربى وزيتونات وخلفو منهم اولاد وبنات. المهم توك الحلول يا المجلس وحلفت عليكم ماتحولون لحسابي شي الا اذا تبوني اخوض التجربه اول واحد عطووووووووني المهر وعقبه صفقوني اذا ماسويتها . 1 - منننننننننننننننع الزواج من الخارج باي شكل من الاشكال تبي تعال هنا وانثبر وخذ بنت ديرتك (ناقصينك انت بعد حنا نربي في هالدب ونعلمها وتجي انت بالاخير تطس تسحب لي وحده من شرق اسيا بالكاد تشوف عيونها بالمكركسكوب ؟ وتحسبها علينا مواطنه؟ معصي) 2 - تحديد المهووور من قبل الدوله ومعاقبة المتخلفين واللي يعطون من تحت الطاوله (يعني لايجي قدام الشيخ يقول المهر عشره ودفتر الشيكات شغال تحت الطاوله). 3 - دعم الدوله للراغب في الزواج من سن فوق الثلاثين بمبلغ وقدره(بس للمهر وكم خروف ويطس لمرته). 4 - فتح مكاتب ارشاد وتوعيه لقضية التعدد (خاص للحريم اللي معارضات زواج ازواجهم وياليت تحطون على مقدمة الكتاب استحن على وجيهكن). 5 - زيادة راتب الراغب في التعدد الى الف ريال للزواج او اللي يقدركم الله عليه (ويا ليت معها خمسين ريال للشاش اللي بيربط فيه راسه عقب الفلعه). 6 - مساهمة البلديه في تخطيط الاسكان بحيث تجعل الجيران ملائمين لبعض من ناحية العرق والقبيله فلقد اتضح من دراسه مطوله انا عملتاه ان معظم الزيجات تتم عن طريق الجيران (وربي لو يسئلونك وين الدراسه حقتك ان تجلس تضربها بيت وترك) 7 - وقفوا المسلسلات المكسيكيه لنها خلقت احلام ورديه عند عنسنا قامت فديت الفضاوه تطب واتخير زوج المستقبل على حسب المواصفات اللي يشوفونها في المستقبل وانتو خابرين يا مجلسنا حنا ماعندنا الا الضعوي بنبطي ماصرنا زيهم اقطعووووووووووووووووو دابر هالمسلسلات وحطو لهم مسلسلات جنوب افريقيه. 8 - حلفو كل وحده تستلم راتب لاجيتو تعطونها الراتب ماياخذها ابوها او انكم تشغلونهم بجزء من الراتب وتخشون الباقي لبعد العرس يستلمها زوجها (وش جاب العنس الارض غير طمع الاباء في الرواتب لدرجة بعضهم لاسئله بنتك ماتزوجت؟ قال لا بدري لسه باقي على الاربعين ست سنين ) 9 - تسهيل وسرعة توظيف المواطن الراغب في الزواج مبني على عقد الزواج في الدوائر الحكوميه غير العسكريه والشركات (وانا اشوف في هالقرار التخفيف من التفحيط قدام بوبابات الاسواق وعلى شوارع الموت) 10 - وضع لجنة خاصه مدعومه من الدولة في تزويج الشباب زواج جماااعي حتى يخف الاعباء عنهم (يعني البشت تحت الاباط والعقال في السياره وساعة العرس في الدرج وتعال). 11 - عمل لجنة تسويقيه نسائيه وتوظيف نساء متمكنات في الطرح للعمل على تسويق الفكره في داخل مجتمعنا والمحاوله في ادخال مفهوم التعدد (الله يعينهن ياكني اشوف كم وحده لاجيتو تعطونها خطاب الشكر على مجهوداتها بدل لاتقول لكم شكرا على خطاب الشكر بتقول ثكرا على خثاب الثكر). 12 - ضع لجنه لمحاسبة اولياء الأمور على اسباب الرفض مع وضع المحاذير الخاصه ان كانت والله مزاجيه اسحبو خشته وان كانت لأسباب جوهريه يتم ارشاده (وربي يا كم عانس تسبب فيها ابوها لنه رفض يزوجها لشخص متزوج وكأنه شايل هم مهرها) 13 - دعم الصناديق الخاصه بالزواج من قبل الحكومه والافراد (لني اشوفه هو الامل الحقيقي لبعض الشباب المحتاجين للدعم) في النهايه اتمنى من مجلس الشورى انه فعلا يصل للحلول وفي اسرع وقت وعشمنا بالله ومن ثمن فيه انه فعلا يدرك خطورة الموقف مع تمنياتي انهم يكثفون العمل على هالموضوع والخروج السريع بحلول ترضي جميع الاطراف وتحد من هالظاهره وهالهاجس اللي يوازي هاجس ظاهرة النينو وطبقة الازوون والدبغ اللي بيجيني رفيع الشان

العنوسة شبح يخيف الفتاة العربية

اشكرك على طرح هذا الموضوع

.. تشير الدراسات الحديثة التي أجريت في السعودية، الى ان أهم الاسباب التي تؤدي الى تأخر زواج المرأة يمكن تلخيصها فيما يلي :

1.إقبال المرأة على التعليم، حيث تشكل نسبة النساء في مراحل التعليم المختلفة واللاتي تجاوزن سن العشرين ولم يتزوجن حوالي 70 بالمائة من السعوديات.

2.انشغال المرأة بالوظيفة، حيث تشكل نسبة الموظفات السعوديات غير المتزوجات، واللواتي تزيد أعمارهن عن 28 سنة حوالي 44 بالمائة.

3. إصرار الأهل على تزويج بناتهم من شباب يماثلونهن في المستوى الاجتماعي والاقتصادي.

4.تفضيل زواج الأقارب او القبائل، حيث تشكل نسبة الشباب السعودي الذي يفضل الزواج من داخل الاسرة، مثل بنات العم أو بنات الخال، حوالي 44 بالمائة.

5. تدخل الأسرة في تحديد معايير و موصفات اختيار الزوج

شمس


هتااااااااااااااااف


مروركم غااااااااااااااااااالي

مشكوور يالغالي بحرالعلوم على الموضوع المهم وحبيت أشارك معك في الموضوع بعد إذنك :

أسبــاب تفاقـــم ظاهـرة العنوســــــة

ارتفاع المهور والمغالاة فيها هو أحد أهم القواسم المشتركة لارتفاع ظاهرة العنوسة في المجتمعات العربية ، فضلا عن التشدد في تحديد مواصفات عش الزوجية والأثاث ، والتي تفوق قدرة ودخول أغلب الشباب العرب .. ففي سوريا – مثلا – يبلغ متوسط دخل الفرد شهريا 42 دولارا ، ويصل أعلى راتب شهري في الدولة إلى ما يوازي 210 دولارات شهريا ، في الوقت الذي تحلق فيه أسعار الشقق عاليا ليصل سعر المنزل المتواضع في وسط دمشق إلى حوالي 20.000 دولار، مما يراكم الديون على العريس لسنوات طوال ثمنا للشقة ولفرشها وللهدايا التي يتوجب عليه تقديمها للعروس من حلي ومجوهرات .





وفي المقابل يدافع أهالي الفتيات عن أنفسهم بأن جميع الأجهزة والأشياء التي كانت تعد سابقا من الكماليات أصبحت اليوم أساسيات وضرورة من ضروريات الزواج التي لا يمكن الاستغناء عنها ، حتى وإن كان أغلب الناس غير قادرين على توفيرها .





وهكذا أصبح المجتمع العربي يتخبطً بين عاداته وتقاليده وبين مفاهيم الحضارة ، وتجسد ذلك واضحا في عدم تفهم الأسر للتحولات الاقتصادية وما صاحبها من أزمات وتغيرات اجتماعية ، فهي لا تزال تطالب من يتقدم للزواج من بناتها بمطالب يعجز عن تلبيتها ، ومن ثم تحولت مشكلة العنوسة وفقا لهذا الاتجاه إلى مشكلة مادية بحتة ، نتيجة التغييرات الحادة التي طرأت على تفكير اغلب الناس ونظام الحياة بشكل عام ، بحيث لم تعد الفتاة نفسها اليوم تحلم بالفارس الذي يحملها على الحصان الأبيض ، ولم تعد تهتم بقوة شخصية الرجل ، وإنما اصبح جل اهتمامها منصبا على قدرته على توفير حياة مرفهة لها .





* و تلعب البطالة دورا مكملا للسبب السابق ، فانحسار الوظائف وفرص العمل أمام الشباب أصبح هاجسا يؤرق كل طالب عمل ، ومحدودية الفرص الوظيفية للنساء ونمطيتها التقليدية صارت إطارا لا يبدو الخروج منه سهلا أو قريبا ، ومن ثم حالت البطالة دون حصول الشاب على فرصة عمل تدر عليه دخلا ثابتا يمكنه من تحمل أعباء الزواج ، ، وإذا وجد الشاب عملا فإنه يتعذر عليه العثور على مسكن ليتزوج فيه ، وهكذا يمتنع عن الزواج ما دام غير قادر ماديا .





* ويشكل العامل الثقافي سببا ثالثا لمشكلة العنوسة ، فخروج الفتاة للتعليم الجامعي والعمل ، واحتكاكها بالشباب ورؤيتها لأنماط مختلفة منهم ، جعلها مترددة في الاختيار ، مما أدى إلى عدم الإقدام على الزواج بشكل جدي ، وبخاصة بعد أن ظنت أغلب الفتيات أنهن يستطعن الحصول على "عريس تفصيل " كما يقول العوام ، مما يؤدي في نهاية المطاف إلى ضياع الوقت وتجاوز الفتاة سن الزواج .





* وفي المقابل ، فإن الشباب أصبح قادرا على إقامة علاقات محرمة مع الفتيات – تتفاوت في عمقها وطبيعتها – فشعر بعدم الحاجة الملحة للزواج ، وبالتالي أرجأ الزواج قدر استطاعته ، لأنه يعلم يقينا أن المجتمع يقبل أن يتزوج الرجل - مهما كان سنه - بفتاة صغيرة وقتما يشاء ، بينما ينظر بتوجس لفتاة تتزوج من هو أصغر منها أو يتأخر زواجها.


وفي النهاية أكرر شكري يالغالي على طرحك لهذا الموضوع المهم

تقبل مني فائق تحياتي وتقديري

أخوك :
رحال الجنوب

شكرا لك رحااااااااااااااااااااال بيض الله وجهك كفيت ووفيت يالغالي

ربما لم يبق لي الا ان اقول جزاك الله خيرا00لان اعضاء المنتدى تناولوا الوضوع من كل جوانبه جعلها الله في موازين حسناتهم00اميييييييين

علم بارز

شكرا لمرورك يالغالي

الاخ بحر مشكور يالغالي تسلم ولاهنت

تقبل مروري فارس شمران

مشكله كبير جدا في هذا الزمن