‏اخذ معي ضيقتي وانحر طوال الدروب

‏اخذ معي ضيقتي وانحر طوال الدروب
‏ماتعرف الصاحب الا في السفر والعنا

‏شف كيف احاول ادور في هروبي هروب
‏عن ذكرياتي وعن ذا الواقع اللي هنا

‏احس قلبي بقايا من بقايا الحروب
‏والصبر احسه مثل عودن ما عنده ظنا

‏الشوق ياكل فوادي مثل مكل الذنوب
‏للمذنب اللي يشوف الموت منه دنا

‏ياغايب اللي تخبره كان صدره رحوب
‏له عام ماذاق طعم العافيه والهنا

‏لاعاد اعدد عيوب ولا تعدد عيوب
‏ان كان مات الغلا لاتهدم اللي انبنا

‏يمكن يجي يوم ترجع للقلوب القلوب
‏من قبل ربي لايكتب للعمار الفنا

لا‏زلت احبك وعن حبك ماودي اتوب
‏حتى لو ان خنجرك وسط الضمير انثنا

‏لاحن قلبك لنا عوّد يا اعز محبوب
‏وان كان ما انت بـ لنا ياقلبي الله لنا

....