المنتدى العام مخصص للمشاركات العامة والمتنوعة)(تطوير الذات)(سوق الأسهم) |
|
أدوات الموضوع | إبحث في الموضوع | انواع عرض الموضوع |
10-04-2008, 10:50 PM | #1 |
|
كيف نجعل منتدانا هو الأفضل
كيف نجعل منتدانا هو الأفضل ؟
ماهو المنتدى ..!!المنتدى هو بيتك الثاني وفيه اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك وفي هالوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ فكيفك نجعل منتدانا هو الأفضل ؟؟ الحل بسيط ** اولاً : (( تشجيع الأعضاء الجدد )) هذي هي البداية وأنت أكيد تتذكر أول يوم جيت فيه للمنتدى وكتبت موضوع وكم تمنيت يرد عليه الكل ،، وبتشجيعنا للأعضاء الجدد فنحن نحثهم على الإبداع فمنهم سيخرج لنا كتاب رائعين في الأدب والشعر وكتاب متميزين في الصرقعه أو في أي مجالات آخرى والعضو اللي دايم يكون الأول في الترحيب ،، حبيب وقلبه طيب ** ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر )) وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الإبداع أكثر فاكثر وأنت أذا رديت على مواضيعهم الكل بيرد على موضوعك إذا كان يستحق . والعضو اللي دايم يرد على المواضيع يسمى ،، محبوب الكل ** ثالثاً : (( تشجيع المواضيع التي يكتبها اصحابها )) أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر والعضو اللي دايم يكتب مواضيعه بنفسه ،، هذا نشيط ومتميز **رابعاً : (( الكلمة السحرية )) وهي أن تكتب كلمة ( شكرا على هذا الموضوع ) كلمات قليله ماراح تتعبك او تنقص من قدرك او كبريائك المزيف ،، كثير مانشوف مواضيع عدد قرائها فوق السبعين او الثمانين ومن هؤلاء فقد يرد على صاحب الموضوع واحد او اثنين وأكثر الأحيان تجد الموضوع خالي من أي رد ..!! يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. اجل ليه تشارك وتتعب عمرك **خامساً : (( محاربة الشليلة )) وهذا أكبر خطر يهدد أي منتدى وكثير من المنتديات هرب منها اعضائه لهذا السبب ،، وشليلة هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يخش بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهى المنتدى وصار ممل والاصرف انه يتقفل. **سادساً : (( التواصل بين الأعضاء )) التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى والكل مشتاقين لك ويسألون عنك ،، أكيد بتتشقق من الفرحه وما أحد قدك ) ويسمى العضو الي دايم يسأل عن الاعضاء ،، ياطيب القلب وينك **سابعاً : (( التقليل من المواضيع المنقولة )) بعض المواضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) هذا شئ يطفش ويجيب العمى ( ليه اشترك في منتدى !! .. اجل اقرأ صحيفه او مجله او اتابع الاخبار في التلفزيون اصرف ) ويسمى هذا العضو ،،، مخربها . **ثامناً : (( لاتصير خفيف واثقل )) يجيك عضو يكتب كل يوم عشر مواضيع وفي كل قسم يمحط له ست مواضيع من زود الفضاوه ،، ويالله يالله نرد على نص مواضيعه ولا نلحق . **تاسعاً : (( التقليل من المشاكل وحوادث السيارات )) يعني اثنين مقاريد تهاوشوا وقلبوا المنتدى فوق حدر ونقسم المنتدى الى حزبين وكل واحد معه عجرا وجيب الفزعه ( ياخي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون مايدرون الأعضاء ) ويسمى العضو المشكلجي . **عاشراً : (( خلك ذرب )) يجي عضو ويتعب ويكتب موضوع جاد ومهم ويتوقع ان يرد عليه ويناقشه الكل ثم يجيك ذلك العضو اللي مايدري وين الله حذفه ويرد رد زي وجهه ،، الموضوع في شمال وهو يرد بالجنوب ،، ويخرب الموضوع او يقلبه شات ( المواضيع الجاده والمهمه تحتاج الى رد جاد وبعكسها المواضيع الساخره او المصرقعه يرد عليها برد ساخر او مهبول ) ويسمى العضو الي يرد برد في جهه والموضوع في جهه .حووول. ** وأخيراً ** المنتدى ليس بعدد اعضائه ،، بل بترابط اعضائه كالأسرة الواحده وكما قال رسول الله عليه افضل الصلاة والسلام (( مثل المؤمنين في توادهم وتعاطفهم كمثل الجسد إذا اشتكى منه عضو تداعى له سائر الجسد بالسهر والحمى )) وقوله عليه السلام (( المؤمن للمؤمن كالبنيان يشد بعضه بعضا...)) يارب كلنا نستفيد،، أنــــــــــــــــــــــــــــــــــــــا |
10-05-2008, 04:32 PM | #2 |
مشرف سابق
|
أنا شكرا على الموضوع قد تكون الكلمات المكتوبة بسيطة جدا ولاكن معناها كبير جدا أتمنى من جميع الاعضاء قراءة موضوعك بالكامل وكل عضو يراجع حساباته يعطيك العافيه |
10-05-2008, 05:33 PM | #3 |
|
مشكور اخوي ماجد على مرورك ومتابعتك
تقبل تحياتي أنــــــــــــــــــــــــــــــــا |
10-08-2008, 12:44 AM | #7 |
مشـرفه سابقه
|
شاكرهـ لك تفاعلك وجهودكـ الواضحهـ في سبيل رقي والافضليه للمنتدى الغالي....الله يعافيك مشكور على المعلومات الرااائعه والجميله.. تقبل مروري وتعليقي *_*هـــــــــــــــ م ـــــــــــــــووووسهـ*_* |
10-08-2008, 05:49 AM | #8 |
|
مشكور أخي لا تحاول على مرورك ومتابعتك
تقبل تحياتي أنــــــــــــــــــــــــا |
10-08-2008, 05:50 AM | #9 |
|
مشكورة أختي همس الغلا على مرورك ومتابعتك
تقبلي تحياتي أنــــــــــــــــــــــــا |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
وجعل فيها رواسي | ابو طلال* | المنتدي الاسلامي | 11 | 10-17-2020 05:55 PM |
كيف نجعل من هذا المنتدي الافضل؟ | ابويزن | المنتدى العام | 4 | 11-01-2009 08:41 AM |
كيف نجعل منتدانا هو الافضل | الانامل | المنتدى العام | 4 | 10-13-2008 11:12 PM |
كيف نجعل منتدانا متميزا | الفتى الذهبي | المنتدى العام | 6 | 04-27-2008 01:08 AM |