ديوان شعراء السعودية في العصر الحديث (متجدد)☘️☘️

يا شديد الخطب .. سعد بن جدلان

يا شديد الخطب من بعض الدعاه اللي دعوني
كل ما هبت هبوب منك شفت النار حيه
من بجاحة طيشي البذاخ لا غنت شجوني
في منصات الكلام اليوم والصبح وقفيه
أصطغيبك راقي الأسماع وأبهج بك عيوني
وارتقيبك في منصات الشهير العالمية
هرجك يدغدغ طهوم الشوق وسسط التلفوني
وطايفك عندي سواة الراك قدم الآركية
أسفهل بعزلتك خلٍ وفي حتى الجنوني
واغرق الأسماع في دهشة خيال الواقعية
والله إني ما اسفهل بونس غيرك لو عطوني
قصر في حي المصيف و قصر في حي العلية
بس !! لا تيقظ سبات الهم وتثور سكوني
ثم أخلي باقي علومي وأدن الهاشمية

موجز النشرة .. سعد بن جدلان

بعدالأمل تتعب دونه الناس ماوصلوه
حتى تجتمع فى ساعةالحشر منحشره
الوجه المشبب كلمته مالها مسفوه
والأقشر يواجه قشرالأنصاد من قشره
تلقى مبغضين الآدمي كثر من حبوه
على وجه سابعة الأراضين منتشره
والدنيا تمد الناس بالخير والمكروه
في خيراتها شتّى وفي شرّها خشره
و سمات البخت لا شافوا النور ما غطوه
واقوى رابطة في الزاد والملح والعشره
واللي يجهل المشروه لا يلحق المشروه
ورجّال تعداه المشاريه لا يشره
والألباب لآمر الكلآم المفيد أوحوه
وتفصيل الخبر يكفي عنه موجز النشره

الطيب .. سعد بن جدلان

ودّنا بالطيب بس الدهر جحّاد طيب
كل ماتخلص مع الناس كنك تغشها
يدك لامدت وفا لاتحرى وش تجيب
كان جاتك سالمه حب يدك وخشها
كل ماشبيت نار المحّبه مع حبيب
قام يسحب في مشاهيبها ويرشها
كل ماواجهت لك في الزمن وجه غريب
مثل ما قال المثل دام تمشي مشها
وذمةٍ ماهيب تندان للحق المصيب
جعل قشاش الحطب لاسَرح يقتشها

كرمة ودمت .. سعد بن جدلان

الا ياالله ياللي تحت هيبة سلطنتك اسلمت
لك المسلم يسبح لك بحمدك ولك الاسلامي
احمدك واشكرك واثني عليك بما علي انعمت
تزودني وفا قدر العشير ووصل الارحامي
ولجك الفجر ياليل الذهول اللي علي اضلمت
يعرضك واقع الماضي بعيني عرض الافلامي
ولهتك يالنديم اللي على صافي وفاك اضرمت
بصفحة ذكريات العام واللي من ورا العامي
بعد تقرير مشوار التجارب نجحك واجزمت
بان السيف سيفي والعصا والمحزم احزامي
عطتني عزلة اخلاصي معك نسيان من نادمت
كتبتك وانطوت صحفي عليك ورفعت اقلامي
اباهي لا ابالي واتبيسط كل ماقدمت
اشب النار قدام العرب واشيد اخيامي
نهاري حر شمسه يستحي منها لسان الشمت
وليلي ترقب نجومه ملامة كل من لامي
على ضو الكلام اللي كشف عنا ستار الصمت
عرفت اني تحت برق الامل في روض الاحلامي
احسب انك تيمم با اتجاهي وين ما يممت
واثر ما انت بورايه في الطريق ولانت قدامي
مصيبه لاتدنت قيمتك في عين من قيمت
يشوفك بالسهل وانته تشوفه بالسما السامي
كثر ماحن قلبي للونيس وكثر ما درهمت
فجر صدري حنيني واتعب الاقدام درهامي
عيون الصد وعيون التجافي حول مهما اكرمت
تشوف المجتهد كسلان والبناي هدامي
مدام ان جانبك شام لجنابي وانت عني شمت
كثر خيرك وانا مانيب لاجايع ولاضامي
اشوف انه علي واجب ليا مريتكم سلمت
مرور اكرام تربطه الكرامه عند الاكرامي
على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامي
ختام السالفه ياطيب العشره كرمت ودمت
هذا حقك علي وحق شرهاتي على اوهامي
مصير الوقت يشرح لك دروسه وان غفلت ونمت
يصحيك الزمان اللي يصحي كل من نامي
تذكرني لامنها خابت اوهامك فمن وهمت
وشفت الفرق في حب الخشوم وحب الاقدامي

عدالة عمر .. سعد بن جدلان

الصبا هاج بعبير أبها وهاج بياسمينه
وجو بيشة وارضها تستنشق الهوج وعبيره
وبركتها من زيارة سيدي ومرافقينه
خالد الفيصل ولد نطاحة الوجيه المغيرة
زاد منطقة الجنوب اقبال وارقاها مدينة
لين حتى واكب الركب الحضاري في مسيره
مرحباً بك عند بن منفور في بطن الجنينه
في رباع كليب يا نجم الجنوب ويا أميره
يا ندي الراح لا شمت ملايكته يمينه
يا عدالة عمر يا هيبة ولد صقر الجزيرة
مرحبا ترحيبة المسجد لزوار المدينة
ومرحبا ترحيبة المؤمن بالأيام الكبيرة
يا جناب عانق الزحل وخلاهن قرينة
واصطغى لا سماع لبه في المنصات الشهيرة
ريشة اشعاره تعزف أوتار شتان الرطينه
في المواضيع الكبيرة والمواضيع الصغيرة
سيدي من باع تمره في هجر ويني ووينه
من يقول ان تمري الغالي يفوقه تمر غيره
دام عين الشعر عندي خالد الفيصل بعينه
يا ذوي الألباب يكفيكم قليله من كثيره

قبة الفرو .. سعد بن جدلان

جعل خبة القرو تسقيها هماليل الرفايا
لين تكسيها ذواليق الزهر مثل المراين
ذا النهار ابرك نهار وذا العشي ابرك عشايا
في منصة تركي بن سعود شاهدنا المزاين
جايزة سود البكار اللي عواتقهن عرايا
البكار اللي يقلط من نوادرهن عواين
مكرمن أهل البكار السود زينات الحلايا
بالمواتر غالية لاثمان ضخمات المكاين
حطه الهيلع طويل الشبر داهية الدهايا
الكبير ابن الكبير اللي على القمة تباين
فوق قمة كنها قمة جبال الهملايا
اتمنى ليت تركي حي بعيونه يعاين
فالفعول اللي راعيها يشومن الصبايا
ناقل الحمل الثقيل و مطلق رقاب الرهاين
لحية لا ما هقيت بها تعين لك تحايا
التحايا من جناب للناس لاين
و لحية لا ما هقيت بها تضيع بها الهقايا
من كرمها غسل إيدينك و مسحها بفاين
و انت يا عبدالعزيز المدح يمشي لك جرايا
كل بحر من بحور الشعر يمشي لك سفاين
يا حفيد أهل القصب و الجوخ و نحور السبايا
واهل العوجا و اهل الأجرب مفرقة الضعاين
بين بوك و بين بن عوّاد زيزوم السرايا
زاين حظك يا بو تركي و حظ الخال زاين
زايديٍ شايع صيته مع سبع النحايا
اشهد انه في سنام المرجله قالط و ماين
و انت سعد أهل الركاب اللي مزاهبهم خلايا
أشهد انك مزبن للي عليه الوقت شاين
المطر غيثٍ على خضر النوامي و الرعايا
وانت جوداتك تغيث قلوب و تعمر مداين
و الله انك كامل الشارات في كل المزايا
استلمها عالبلاطه كآش ما فيها مداين

ياوليفي دمعكم في غيابي ردّ لي .. سعد بن جدلان

ياوليفي دمعكم في غيابي ردّ لي
وأدري انّ دمعتك خوفٍ عليّ ومن غلاي
أنت ممرضني وأشوف المرض فيكم وفيّ
الهبوب البارده منّك هبّت في حشاي
والله انّ كبدي عليكم عراويها أضميّ
والمشارب غير هرجتك ماتقطع ضماي
كيف تستغرب بطاي ومجييّ يوم أجيّ
منك اجيك أبدون رأيٍ وأروح ابدون رأي
ليلي أسهر به والا جاء النهار أشلى
شوّيمرتٍ أشلى ومرٍ يعاودني بلاي
وأنت سبّة كلّ شي ولا داويت شيّ
كيف ياقادر على داي ماتقدر دواي
بعد ما شتتوّ الفكر وأخليتو يديّ
كثرت أعلوم الشماميت وأفرحتو عداي
مابعد جاني من يوم التقو بي والديّ
ولابعد مرّ المحبين منّ حوّاء وجاي
لوّ خبر به حيّ يبكي على فقدان حيّ
كان يمدي من عرفني يشاركني عزاي
جعل يسقى يوم كان الهوى ماغير غيّ
فأول الرحله مثل مبتداك ومبتداي

كل دار أرجعت وأنا سناوي .. سعد بن جدلان


كل دار أرجعت وأنا سناوي
عزتي للي سواتي عزتي له
زادت الحمى فرحنا للمداوي
والمداوي زود الحمى مليله
ياجميله قام يطوي الحال طاوي
والله أن كبدي على شوفك غليله
والله أن قلبي على اللاماء شفاوي
غير مافي يدي ولا في يديك حيله
سجليني في علم حبك فداوي
أنا مجنونك عقب مجنون ليله
يارقبة الخشف يا عين النداوي
ياسراجيف الذلول المستحيله
يامناة تقصر عنها المناوي
ياخيار الدهم يالقبا الأصيله
نعنبوك أنتي مكاسر عود جاوي
ملبسك سندس شرابك سلسبيله
لو تمرين الشيوخ أهل الفتاوي
عودوا مثلي يجرون الطويله
من عشق شرواك والا لايهاوي
التقيد من بعض الأشياء فضيله

ياسيدي خالد الفيصل .. سعد بن جدلان

أبدا باسم من خضوعي له وتوحيدي
والسبحنه والتشهد والتحياتي
كرسي جلاله على عرشه مدا الميدي
في وسع سبع الاراضي والسمواتي
عسى عراه الوثق طوق على جيدي
ولا يفرّح حساسيدي وشمّاتي
إللي كتب في عبيده شقي واسعيدي
ورفع بعضهم على بعضٍ درجاتي
ويد ل منطق لساني في الأ ناشيدي
ويزيدني مع هل العرف إعتباراتي
إن ناشني من رجال العرف تأييدي
حبّيت نشرالجرايد والمجلاتي
وإذاجذ بني كلامي للمناقيدي
قبل مآسي كلامي ياجب إسكاتي
شرّد إبكار النشيد أجفل من الصيدي
ومن القنانيص قدها مستذيراتي
يقنص لهابالمحازم والبواريدي
تنصاد مرّه وتسلم عشر مراتي
الشعرصدقه على الأفعال تأكيدي
وتقبل إشهوده دون صكوك واثباتي
مجده يخلد إبيوتٍ للأجاويدي
تبقى إضويه بعد الاسلاف حياتي
وأكد بطبع العروبه والتقاليدي
من لا نفع حيٍ مايفقد إليا ماتي
ماهوب شعر المظاهر والمقاصيدي
ياصاحبي رش خبزك من لبن شاتي
الحر ياقع مع الحقب المجاليدي
و يقول طيري وراي وسويّ سواتي
قريحتي ميلت شعري وتمجيدي
لمعانق الشرد في روس المنيفاتي
حذرات الاشعارفي روضه مقاييدي
إلشرد اللي مطاردهن عسيراتي
إلقلّط ، إلمترفات،إلعنس ،الغيدي
إللي عدمهن على إلشعارحسراتي
شيخٍ قصيده قداوه للقواصيدي
وشخصه قداوه واساليبه قداواتي
إمخلدٍ في سنام المجد تخليدي
أرسى من إطويق وجبال السراواتي
ياحق الإنصاف لطّام الأضاديدي
يالهيلع إللي تطيع له الصعيباتي
ياسيدي خالد الفيصل ولد سيدي
ياسيدي سيد قومي و سيد ساداتي
كل الشكاوي على مجدك مسانيدي
إلليا حداه من الايام صكّاتي
يامحقق أهداف شرهين المقاصيدي
في جانبك تكبر إشروهي وهقواتي
عزمي يحط الثريا والقمر في يدي
واسعى وعجزت جهودي عن طموحاتي
أرهي على جمع زرع ٍ حصده بعيدي
ولا أتحسف على الفايت إليافاتي
عسى السعاده تجدد معك تجديدي
وعطال سيري إمهندسه أنت بالذاتي
ياسيدي خالد الفيصل ولد سيدي
أهديك ياخالد الفيصل تحياتي

ياعيون مرقبٍ فعل الجداير .. سعد بن جدلان

ياعيون مرقبٍ فعل الجداير
في صعانين الطوال المستديره
صاحبك يعطي على شوفك بشاير
ديرةٍ منتو بها ماهي بديره
من خذا منكم خفيّات السراير
والله انّ يبطي ولعكم في ضميره
لبةٍ بين المعنّق والزراير
مثل شمس الصبح قدّام السفيره
ويتفرشها من الخمري ستاير
ذيل شقراّ شعشعت قدم المغيره
جوهرة قارون غالية التجاير
أشهد انّك بهجة العمر الكبيره
واحدٍ حضّك مع حضّه يساير
شايفٍ القدر فالعشر الأخيره
جعل أبو من لامني حمر المناير
في محبّة واحدٍ مالي بغيره