ديوان شعراء السعودية في العصر الحديث (متجدد)☘️☘️

انا والليل خلان ورفاقه

اخذني عشق واخذته عشاقه

اوضح له ضنايٍ مابروحي

ويفتحلي على الغياض طاقة

الا ياليل وش عندك وعندي؟

يقوله من تكدرله مذاقه

عيونه من غرام الشوق تهمل

عبايرها على ذيك الدقاقة

وانا بنهاية التسعين هجري

إلي خلٍ عجزت اقوى فراقه

مضى عشرين عام وخمس كني

كسير عيب الجبار ساقه

يفزع بصياحه هجوع ناسٍ

لهم بالنوم والراحة علاقة

الا ياليل يا عرضك وطولك

انا وياك لا عاد الصداقة


خلف بن هذال العتيبي

يابنت ياللي تطوي الثوب الارداف

شط الحوار بدر بكر يميحه

في مرتع ٍ عشبه تغريف تغرياف

وامه هجل ماشملوها منيحه

والعنق عنق مذير ٍ عقب ما شاف

بواردي ٍ لا قف ٍ له بضيحه

والعين عين موحش ٍ راس مشراف

يملا عيونه بالفجوج الفسيحه

يابنت مانرضى المهونه والاضعاف

ولنا علي روس المشاريف صيحه

فينا صفات الطيب يابنت الاوصاف

ماتنطبق في غيرنا يامليحه

دخلينا يرقد وراء الوجه ما خاف

يامن وتحماه السلوم الصريحه

ناسم عصاه ولويبي حج واطاف

تحت الحما ما واحد ٍ يستبيحه

ونفوسنا دايم عفيفات وانظاف

وابداننا من كل عله صحيحه

صاحين صافين المشاريب واشراف

ماناكل الترديه والنطيحه

صلبين في وقت الشدايد وعراف

منا المشوره واختيار النصيحه

وان ثارت الهيجالنا وسط واطراف

وجه الحريب نقنعه بالفضيحه

واكرام لو يلحق بنا نقص وخلاف

نملا الصحن ونلحفه بالذبيحه

يوم السنين الماضيه حيل وعجاف

ينقر لنا من هبة الريح ريحه

والعيشه اللي تدبل البد تنعاف

النفس عن ما تكرهه مستريحه

دنيا تموج ولا رسمنا لها اهداف

ياما تحتها من فعول ٍ قبيحه

تجهز الغازي وتسرع بالانكاف

ولا تنكف الا بالفلس والقميحه


خلف بن هذال العتيبي

الله على الأيام وشلون سـوت
إلين خلتني مثل ماأنت شايـف

كم فاتت اللي كان ماتنتفـوت
وأنا عليها من الشفاقة مهايـف

مانيب مقطوع الرجاء لي تغوت
ولا راجيآ غيره ولانيب خايف

واللي على صكات بقعاء تقوت
قدهي تشوف إن الثقيلة خفايف

عندي لها غير المصوت مصوت
ليا كلحت لنياب فوق الشفايف

تومي بها صملاتنا ليـا تنـوت
عاداتنـا مانحتـزم بالحسايـف

نعرف نحل حبالها ليـا تلـوت
ونقودها قود الرسن للعسايـف


سعد بن جدلان رحمه الله

جريت صوتي تالي الليل جره

والناس هجعا وأرفع الصوت بأبيات

ولقيت في سود الليالي مضره

كم كلمة ولّت وراحت ولا جات

النوم يعرض للعيون وتمره

مر الكرام اللي خطاهم سريعات

تلبس حرير وبنت الاحرار حره

عمهوجة تغدي لها النفس توقات

دنيا تزيّن للغرير وتغرّه

بين الليال وبين الأيام غرات

غارة زمان ويكفي الله شره

أدري الهوى والنفس وإبليس ما مات

احذر عدوك دبه العمر مره

واخذ الحذر من صاحبك عشر مرات


خلف بن هذال العتيبي

يالله ياحامل مفاتيح الارزاق
المعتني في رزق نفس خلقها

عن الخفايا ما على عينك رواق
واذنك عن الاسرار ماهي بصقها

تجعل نفسي من غضب وجهك اعتاق
وبيديك علق الامور ووفقها

اغسل قلوب اهل التباغض والاشقاق
وهون مسالبها وريح شفقها

أمنت بن الله ربي مرسل محمد نبي
جل وتعالى قل هو الله احد والله الصمد

وأمنت بالقرآن والسنه وحمبل مذهبي
وبايعت وانا من رجالآ ما يخونون العهد


سعد بن جدلان رحمه الله

اقفيت والحزن عقبك عاود ادراجه
ولا بقى الا قصيدي فيك يجبرني

قبلك سمحت وهجرت العشق وازعاجه
والشكر لله قبل الروح تشكرني

شفتك وسلمتني قلبك ومزلاجه
واصبحت تنهي على كيفك وتامرني

كنت احسب انك طبيب القلب وعلاجه
واثرك تدور على ادنى شي يكسرني

تسهر وترقد وشوقك طافي اسراجه
وانا اتململ وطار الشوق مسهرني

يامن بكاه القصيد العذب وانتاجه
الله على كل طعنه منك ياجرني

يمكن مع الوقت حظي يضحك احجاجه
يجيبك الله تقول ابطيت واعذرني

حركت بحر القصيد وهاجت امواجه
وهذا هو اللي على فرقاك صبرني

قصيدتن من سحاب الشوق ثجاجه
منظومتن عن رضا الجمهور تسترني

الله عطاك القبال ولبسك تاجه
واعطاك مما عطاني مايكبرني

في طلتك ملح وبهرجتك ديباجه
متى على الله يجينني من يبشرني

يااخر دروب الغلا اللي شيد سياجه
على خطى من علاه العذب باشرني


محمد مريبد العازمي

يجيبك الشوق ولاتجيبك الحاجه

مصيرك ليا صفعك الوقت تذكرني

اقفيت والحزن عقبك هبت ادراجه

ولابقى إلا قصيدي فيك يجبرني

قبلك سمحت وهجرت العشق وازعاجه

والشكر لله قبل الروح تشكرني

وجيتك وسلمتني قلبك ومزلاجه

واصبحت تنهي على كيفك وتامرني

كنت احسبك إنك طبيب القلب وعلاجه

واثرك تدوّر على ادنى شي يكسرني

تسهر وترقد وشوقك طافي اسراجه

وانا اتململ وطار الشوق مسهرني

يامن بكاه القصيد العذب .. وانتاجه

الله على كل طعنه منك ياجرني

يمكن مع الوقت حظي يضحك احجاجه

يجيبك الله تقول ابطيت .. واعذرني


محمد مريبد العازمي

أشوف بعض أصحابنا مايمرون
وانا الجفا من صاحبي ما استحقه

عندي خبر عن غايت اللي يكنون
شافو بحالي من جفا الوقت رقه

وانا من الهجران ماني بممنون
مجفا رفيقي لوجفاني بحقه

لو انهم عن غاية القلب يدرون
مرو عليا ماعليهم مشقه

لكن مع الدنيا وهالها يميلون
ويعطون راع المال من فوق حقه

لو تنفع الدنيا نفع مال قارون
جاهه وماله ماعدل وزن بقه

الدايم اللي بقدرته كون الكون
ارسا الجبال ومجرا الانهار شقه

والادمي ماهو عن النقص مصيون
يفني ويفنا المال جله ودقه

وعمر الفتى لو طال للحق مرهون
لا يامن الديان بابه يطقه

اتلى العهد لا قالو فلان مدفون
ولفو عليه من ارخص الخام شقه

ويقرا الكتاب اللي به العبد مديون
والكل يحصد ما بذر واستحقه


الشاعر الكبير : بدر بن عواد الحويفي

يا ذا القمر.. قامت تغيِّر مساريك
يا بطي مطلاعك.. ويا سرع مسراك

طفت النجوم اللي من أول تباريك
ما شفت نجم بان قبلك وخاواك

قبل أمس.. أعدّ لك الليالي وراعيك
واليوم عني نازح البعد.. خفاك

يا نجد.. جعل مروّح الغيث يسقيك
يعل ريانك.. ويسقي ظماياك

يا نجد حبيناك.. من حب راعيك
اللي بنى مجدك وصانك وسواك

يا نجد.. قلبي ينفعه يوم يطريك
الله يلوم اللي يلومه إلى أطراك

الأمن.. والإيمان متوطن فيك
فضل المليك اللي ربا فيك.. وارباك

العين في سود الليالي.. تناجيك
لو هي (بلندن) كانها اليوم بحماك

كلام مشتاق يبي شوف أراضيك
جنسيته تحمل فصيلة.. رعاياك

ماهو كلام إمخادعي.. يسميك
باسم تنافا مع حلاياك.. واسماك

بالشر يدعي لك.. وبالخير ناسيك
ما يدري أن أهلك تسلو.. بذكراك

لبيك يا داري من البعد لبيك
صرخة غريب ما يصدق بلاماك




خلف بن هذال

البسمله تخزي جميع الشياطين

بسمك بدينا ياجويد العراوي

ياهازم الأحزاب ياناصر الدين

ياخير من يدعى لكل الدعاوي

أنا دخيلك يوم نصب الموازين

وأنا بوجهك عن جميع المساوي

عساك ياخلاق الأنسان من طين

تفزع لنا يوم المحن والبلاوي

العمر مهما ياخذ أيام وسنين

يطويه بين اليوم والليل طاوي

يالأدمي لو طال عمرك على وين

لابد من يومٍ على القبر ضاوي

إفطن ترى دنياك لعبة وراعين

لو مدحوها بالأمل والمناوي

ترميك تياراتها يسار ويمين

ولنت بعليها لو تقاويت قاوي

إن جنبتك أمواجها والبراكين

ماجنبتك همومها والشكاوي

أقفت بروس الأنبيا والسلاطين

لاجاملت معهم ولاهيب تاوي

تضرب بسيف وخشم حربه وسكين

فوق الكبود الغافله والكلاوي

من يومها تطبخ وتاكل ملايين

وتمسي تحد الناب والبطن خاوي

قانونها يغلب جميع القوانين

وهقواتها تغلب جميع الهقاوي


فيصل الرياحي