الوسم عجّل وبكّر

ياهاجسي هيضك عذب الهبايب
وهيضك يوم الوسم عجل وبكر

الشعر ماني عنه بالكود تايب
مادام مايحسب بالاسلام منكر

انصاه لاضاقت علي النوايب
وضاق الصدر والجو فيني تعكر

لو كان مالجروح قلبي طبايب
وباب الرجا في حلم عمري مسكر

لما طرت في فكري ام الذوايب
عقلي من الهوجاس كنه مهكر

اصير في سجه عن الوعي غايب
ماغير في ماض السنين اتذكر

واعيش في غيبوبة الفكر سايب
حالي كما السكران لو كان ما اسكر

لين يصحيني عذابي غصايب
واعود للواقع واخمن وافكر

من كثر مر العيش ضيم ومصايب
المر بلساني ولو كان سكر


حتى الصبر فزعته صارت طلايب
ياكثر ما اكرمته ولكن تنكر

يوسف الشمراني