قال أنا كني غريب ضيع دروب المدينهـ قلت أنا كني مدينهـ تنتظر رجعهـ غريب...

السلام عليكم ورحمة الله وبركاته

صباحكم / مساءكم ورد


جا يشوف الحال كيفه .. بعد ماهزّه حنينه
وقبل يسألني سألته : كيف حالك يالحبيب ؟


قال انا كني غريب ٍ ضيّع دروب المدينه
قلت انا كني مدينه تنتظر رجعة غريب

قال اجل وشفيك تلعن سيرة الحب وسنينه
قلت اجل وشلون ماالعن سيرته دامك تغيب

انت لامن غبت حتى مرايتك صارت حزينه
كيف ماتبغاني احزن وانت لي مثل النصيب

الهدايا والرسايل والمكاتيب الثمينه
والليالي والقمر والريح والكون الرحيب

كل ماتبعد .. تجيب الشعر ليّه من يدينه
وتقعد جروحي تودي فـ الطواريق وتجيب

يابعد كل القصيد ونزوة احْداه وانينه
لاذكرتك .. لاح بيت , وطاح ورد , وفاح طيب

وان نسيتك مانساني صوتك المبحوح لينه ..
ياخذ لجرحي بـ ثاره من خطاياك ويطيب

وبعد هذا جاي ترمي ذنبك بوجه المدينه ؟!مادريت ان المدينه كلها ( شمعة غريب ) ؟!!


رائعه من رواائع الشاعر فهد المساعد

دمتم بود..

مشكووره اختي ارق احساس

دائما مبدعه

واصلي الله يعطيك الف عافيه


ارووع احساس

يسلمووووووووووو

مرورك عطر صفحتي