أنــــــا الصديـــق اللي ليــا طحـــت شالــك <<

أناالصديق اللي لياطحت شالك
لضامتك دنياك والوقت بك مال

انايمينك شـدني في شمالك
يمنى بلا يسرى ترى حالها حال

أنا عزاك وعزوتك لا جرالك
من تاعس الدنياهواجيس واهوال

ماني من اللي لا أغتنى ماوفالك
لو لك عليه من الجمايل والأفضال

وماني خويك كان وقتك صفالك
أناخويك لدبرت فيك الأحوال

خذني عصا موسى إذا كنت هالك
أمسح لك بحور القهر قول وأفعال

فالك عسى الله يسعداليوم فالك
فالك عقب صوم الدهر عيد شوال

بالك يجي في خاطرك يوم بالك
انك تغيب ولا تجيلي على بال

لا لا تفكر انت في مثل ذلك
أن أتخلى عنك لو الزمن طال

ماأقول أنا ياعم مالي ومالك
ماترخص العشره ولا تغني أموال

أسمع جوابي قبل مااسمع سؤالك
خارج حدود التغطيه وارسل إرسال

على محيط السالفة حط دالك
أجيك رجلي كان ما جيت خيال

انا لياشح الزمن في وصالك
تمدني النخوه على وصلك حبال

انا عمى عين العدو لا نوالك
أنول روحـه قبل ما روحك تنال

بينك وبين الشمس شجرة ضلالك
ما للشجـر قيمةإذا ما له ضلال

والليل لو الليل مظلم وحالك
ترسمنى الظلما على صدره هـلال

ما ني ولد عمك ولاأصغـر عيالك
خطوى الخوي يسوا بني عم وعيال

:3::3::3::3:

جميل مااخترته لنا اخي ابو الرشد
شكرا لك وبا رك الله فيك

أبو الرشد ,,,
دائماً متميز مشكور على القصيدة ,,

ابو نواف صعب المنال

الله يعطيكم العافيه على المرور

قصيده رائعه أشكرك ياأبوالرشد
أختيار موفق
تقديري لك

اخي محمد الله يعطيك العافيه على المرور

خذني عصا موسى إذا كنت هالك
أمسح لك بحور القهر قول وأفعال

صــح لسآن قايلها ,,
سـلـمـت عالنقل المميز .....

تحيتي

اختي همس الغلا مشكوره على المرور