منتديات قبائل شمران الرسمية


المنقولات الأدبية لكل ما هوا منقول من شعر وخواطر

إضافة رد

 
أدوات الموضوع إبحث في الموضوع انواع عرض الموضوع

قديم 06-03-2008, 09:39 AM   #1
 
الصورة الرمزية (بن مصحب صقر شمران)
 

(بن مصحب صقر شمران) is on a distinguished road
قصائد فكاهيه لشاعر سعود جمعان

اقدم لكم ابيات وقصص ضريفه
للشاعر سعود جمعان المطيري



وقد حصل له موقف مضحك قبل فترة قصيرة

يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه
وهو يتشكى كان مركز بعيونه على سعودجمعان

قال له سعود هالأبيات:








يا ابن الحلال اللي تشكى علينا
حنّا لنا بوضع على الله مشاكيه
كانك تحرى للعطا مـن يدينـا
عزالله إنك عندنا ما أنت لاقيـه
ماهو ردى بس أرثع الوقت فينا
ماعندنا ماناكلـه دون نعطيـه







..................................................



وزماااااااااااان كان سعود طالع من المسجد ولقى وحدة رافعة يدها وتشحذ عند الباب
قال لها سعود:








يابنت ياللي بالمساجد تطوفيـن
كفي يدينك قبل نأخـذ ريالـك
حنـا ترانـا كلنـا مستحقيـن
ماهو أنتي اللي مستحقة لحالك
لو لا الحيا شفتي وزانك ثلاثين
أحد يمين منك وأحـدٍ شمالـك
مرفعيـن إيديننـا ومتقاعيـن
الموجب إن أحوالنا مثل حالك







..................................................


ومرة بعد جا سعود وفتح له حساب وراح بعد كم يوم يبي يشوف كم في رصيده لأنه ة مطفر وش طلع له على شاشة الصراف ؟ مع إنه متأكد من رقمه السري









أنـا لقيـت البنـك مثـل اخويايـه
مايقضي الحاجة إلى جـاه محتـاج
أمس الضحى مريـت كـل زملايـه
وكلٍ عطـى لـه بالمعاذيـر منهـاج
وضنيت باقي فـي رصيـدي بقايـه
وحركت ناصٍ حارس البنك هجـاج
ودقيت رقمـي صـح مابـه روايـه
طلع على الشاشة : لا داعي للإزعاج








..................................................


وسعود ما عمره دخل البنك لأنه يقول









يا أهل الوظايف قولوا الحمـدلله
على معوشتكم ولو رزقها ضنـك
أنا وجنسي رزقنا لـو وصفنـاه
حوذ الحنك مافيه زودٍ عن الحنك
ماطاح قرشٍ في يدينـا قرشنـاه
ودايم طفارى الله يجيرك ويامنك
البنـك لـولا لوحتـه ماعرفنـاه
من قل ماندخل على موظف البنك
ماغيـر نقـرا لوحتـه ونتعـداه
وإن قيل هذا البنك قلنا اتركه عنك
لاوا هنيـك يالغنـاوي هنـيـاه
ترقـد وحنـا بالدراهـم نمونك
نفرح إلى من المعـاش استلمنـاه
ويهـج منـا قرشنـا ويتزبـنـك
والله يالوتصرف ربع ماصرفنـاه
ليصيبك السكر مع الضغط والتنك
ولولا جهدنا وجهدنا اللي بذلنـاه
ماتنفخ ذروبك وتمـلأ مخازنـك
مير المقدر مالنا غيـر نرضـاه
مرزقك منا وسقمة أرقابنا منـك







..................................................


طبعا والشاعر سعود جمعان المطيري
هو صاحب القصيدة اللي يرددون الناس بيتها الأول دايم

والقصيدة هي








لاصار جدك ماترك لـك ملاييـن
ماهوب لازم تشتري لـه ضحيـه
قل له ياجدي جعلك من المناجيـن
والله ماتسـوى قيمـة البربـريـه
عقبتني للديـن ومصـارع البيـن
ومن زين طبعك كاتبٍ لك وصيـه؟
لو أنت ما أخذ لك من الخد حوشين
يوم الأراض بلاش وسـط العليـه
إن كان تلقاني من أهـل الدكاكيـن
مطنطـخٍ هالحيـن ميـة بمـيـه
لكـن ياجـدي ضحيتـك بعـديـن
إن سهـل المولـى ثمنهـا عليـه
حنا بوقتٍ شين وأشين من الشيـن
فيه الخـوي ماعـاد ياثـق خويـه



وســــــــــــــــــــــــلامتــــــــــــــــــــ ــكم



(بن مصحب صقر شمران) غير متواجد حالياً   رد مع اقتباس
قديم 06-03-2008, 09:58 AM   #2
مؤسس وعضو المجلس الإداري الأعلى
 

عبدالله علي بركي is on a distinguished road
افتراضي

سلمت يمناك ابن مصحب 00 والله اسعدتنا بهذه الباقه من الشعر الفكاهي وهو يحكي عن ظروف
شريحه كبيره من مجتمعنا 0



عبدالله علي بركي غير متواجد حالياً   رد مع اقتباس
قديم 06-03-2008, 10:45 AM   #3
مشـرف سابق
 

أحمد الشمراني is on a distinguished road
افتراضي

صحت امتانك يابن مصحب

وصح لسان الشاعر سعود بن جمعان



أحمد الشمراني غير متواجد حالياً   رد مع اقتباس
قديم 06-03-2008, 06:23 PM   #4
مشرف سابق
 
الصورة الرمزية فارس شمران
 

فارس شمران is on a distinguished road
افتراضي

مشكور ويعطيك الف عافيه



فارس شمران غير متواجد حالياً   رد مع اقتباس
قديم 06-08-2008, 08:47 AM   #5
 
الصورة الرمزية (بن مصحب صقر شمران)
 

(بن مصحب صقر شمران) is on a distinguished road
افتراضي

الله لايهينكم جميع عاى مروركم وردودكم عاى الموضوع

ولكم خالص الشكر والتقدير



(بن مصحب صقر شمران) غير متواجد حالياً   رد مع اقتباس
قديم 07-01-2008, 04:36 AM   #6
عضو مؤسس
 

بلقاسم الشمراني is on a distinguished road
افتراضي

الله يسلمك والله يعطيك العافية أخي بن مصحب وبيض الله وجهك

لاهنت يالغالي ولا عدمناك

تحياتي واحترامي



بلقاسم الشمراني غير متواجد حالياً   رد مع اقتباس
قديم 07-01-2008, 02:11 PM   #7
مشرف سابق
 

علي الساهري is on a distinguished road
افتراضي

صح لسان الشاعر

وسلمت يمين الناقل

الـــــساهــــري................



علي الساهري غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
طلب قصائد لشاعر شمراني ays ديوان شعراء قبائل شمران 13 01-15-2015 01:59 AM
قصائد بدون موسيقى..للبآذخ[سعود بن عبد الله] عبير القصائد الصـوتية والمرئية 2 11-29-2010 09:38 PM
« غزلية » لشاعر قطري تثير مشاعر السعوديين .. وشاعر سعودي ينبري للرد عليه ! سلطان الأكلبي الخواطر والقصص والروايات 5 02-09-2008 07:57 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية