على شم الاوكـار

ليت الطيور الي على شم الاوكـار
تنقـل تحياتـي بنـص العـبـاره

تنقل تحياتي مـع حفـظ الاسـرار
والطيـر يفهـم منهجـه بالاشـاره

ياطير ياللي تقطع اقفـار واديـار
مري بديرة مـن سقـا الله ديـاره

تلقين بنتنـا مالهـا شكـل بالـدار
بنت الشيوخ اهل الوفاء والشطـاره

قولي لها كملي على البعـد صبـار
واني من الفرقاء شربـت المـراره

قولي لها حسبي على الناس الاشرار
ناسا تحول صافـي المـاء كـداره

قولي لها عندي من الحـب تذكـار
حب الوفاء الي راح هدر وخسـاره

قولي لها حبي لها مثـل الامطـار
تخيلـي كثـر المطـر وانتـثـاره

واليوم قلبي من عنا البعـد منهـار
تخيلـي قلـب العنـا وانكـسـاره

يمكن تفاجينا مـع الوقـت الاقـدار
واموت ونـا باقيـا فـي انتظـاره