بـوح الـقـصيد للشعراء الأعضاء يختص بالشعر الغير منقول للاعضاء المسجلين |
|
أدوات الموضوع | إبحث في الموضوع | انواع عرض الموضوع |
08-30-2007, 05:05 PM | #1 |
|
ماكل من يركب على الخيل خيال
ماكل من يركب على الخيل خيال
ولا كل خيل تعجبك هي أصيــــــــله ولا كل من يعجبك هرجه برجال بعض العرب ملــــــــسون وايده بخيله الكل يلبس ثوب وشماغ وعقال وعند اللزوم افعالهم هي قليـــــــــــــــله الرجل تثبت له أقاويل بافعال لاقال شئ ونفذه هو دلـــــــــــــــــــــــــيله والرجل لاشفته مع القيل والقال ابعد عنه هذا صفاته عليــــــــــــــــــــــــله والكذب خله عنك مافاد لو طال قول الصدق ياصاح غنم وجميــــــــله وخلك شجاع وذي صفات للابطال اللي كما سيوف تبارق سليـــــــله واللي شراك اشريه لو كان بالمال خلك معه وان مــــــال دور بديله واصبر ترى الدنيا تبدل بها أحوال وما كل شئ صافي تشـــــوفه تجي له وبعد الكدر تشرب صفا عذب وزلال هذا الزمن فيه استــــقامه وميله وصاحب خليل لو جفا الوقت مامال ترى الرجل يعرف بقيمة خليــــله واقفل على سرك بكتمان واقفال بعض العرب يسمع وينوي بحـــيله وخلك أمين إذا توليت الأعمال من خان في يوم الحشر يا حليــــله خل التواضع فيك واضح بالافعال ترى الكبر يردي بيوم وليــــــــــــــــله ولا تحسد اللي عنده اموال وعيال وش ينفعك لو كان حـــسدك يزيله ولا تزور تقلب الزين بطـــــــــــــال الله عليم بالنوايا الدخـــــــــــــــــيله وخلك رزين ترى المخفه للاطفال واصفح عن المخـــــطي ولو زاد قيله واحمل همومك لو تزن وزن الاثقال بكره تروح وتنجلي لو ثقـــــــــــــــيله وصل الفروض ولاتنسيك الاشغال محدن في الدنيـــــا درى وش بقي له وزور الاقارب للرحم كون وصـــــال وخلك عظيم الشان وسط القـــــبيله وصلاة ربي عد ماهل همـــــــــــــال على النبي اللي صفـــــاته جلــــيله |
09-01-2007, 12:08 PM | #4 |
عضو شرف قدير
|
بحر العلوم
بيض الله وجهك يالغالي على القصيدة ذكرتني بأيام الفروسة هههههه تقبل مني تحياتي وتقديري |
09-01-2007, 10:35 PM | #5 |
|
الاخ العزيز & بحر العلوم &
الله يجمل حالك ويبيض وجهك على هذه القصيده الرائعه (نحن بحاجه الى مزيد من هذه القصائد اللتي تحتوي على النصح والحكمه) فلك مني جزيل الشكر والامتنان وفقك الله اخوك الوافي |
09-01-2007, 10:43 PM | #6 |
مشرف سابق
|
اخوي/بحر العلوم..مشكور على القصيده الجميله التى تحتوي على النصح والتوجيه والحكم..الله يجزاك خير..
تقبل مروري وخالص شكري للك يالغالي... &*شمراني والوفاء عنواني*& |
|
|
المواضيع المتشابهه | ||||
الموضوع | كاتب الموضوع | المنتدى | الردود | آخر مشاركة |
ما كل من يركب على الخيل خيال | الحمدان | المنقولات الأدبية | 5 | 10-28-2020 08:28 AM |
ماكل من ضاقت بك الارض تلقاه | الحمدان | المنقولات الأدبية | 4 | 08-22-2019 05:54 AM |
خيام وبيوت شعر خيال امتياز ديكوراتها وزخرافها وتراثها | بشير الجبرتي | الديكور والأثاث | 7 | 08-15-2014 04:05 AM |
ما كل من يركب على الخيل خيال ... ولا كل خيل تعجبك أصيلــــــــــه | Abdullah 2010 | الخواطر والقصص والروايات | 6 | 11-28-2010 09:06 PM |
ماكل من يركب على الخيل خيال | عابر القارات | المنقولات الأدبية | 11 | 02-11-2010 11:49 PM |