أيهما أعظم مصيبه؟؟!!!!!

أيهما أعظم مصيبه؟؟؟؟

احيانا لما نكون في مكان يدخل شخص تشوف الكل يطالعون بعض

مصدومين ومحتارين الي دخل بنت أو ولد :GIF_6:

يالطيف صرنا في زمان نحتار فيه بينهم البنت صارت مسترجله والولد صار متنعيم>>خكري>> للاسف

صرنا نشوف حالات عجيبه وغربيه تفك الراس ووصلت الجراءه بانه صاروا باسماء حتى واللقاب تلفت النظر لهم وتبين وش هم عليه حتى لو فكرنا احيانا

انه هذا البنت قاسيه لانه ظروف الحياه خلتها كذا ...هذا الولد شوي ناعم البيت كله بنات لا السالفه تعدت الموضوع هذا

وصار الموضوع اكبر من انه ظروف يمر الواحد ..حتى نقول ظروف البيئه الي مر فيها خلته كذا .....

فان مااادري ايهما أعظم مصيبه >>>البنت المسرتجله او الولد المتنعيم >>> لانه صاروا يسعون لهذا الشي ويتفننون بعد

من غير مبالغه لما كنت بالكليه اول ايام فيها كنت عارفه انه راح اشوف اشكال والوان وانه راح اصادف من كل الطبقات الاجتماعيه وكنت مستعده اواجه اي شي بس فيه شي صدمني لما اسمع بنات ينادون >>>فهد ...فهد >>:O_o: الف اشوف بنات ينادون صاحبتهم بس ايش اسهما فهد >>مو بس اسمها فهد الا شعرها شعر يناسب فهد بوي ورافعه الاكمام وتتكلم بصوت عالي وتمشي بطريقه انه ولد وكيف نظرتها للبنات بجد شي مقرف حتى بالوصف ماراح يوصل لكم الي اي مستوى وصلوا له الناس وبعد فتره اكتشفت فيه فهد ومناحي ووووو >>>>>>>>>>>يعني الوضع فيه تمادي وقدام الكل

قعدت اتسال انه كيف كذا قصه شعرها وكيف اهلها راضين لها ...قعدت الوم اهلها

وبعدين قعدت الوم البنات الي معها كيف صاحبوها وساكتين لها بهذا الشي

وبعدين لمت المكان الي انا فيه بكبره كيف يقبل انه طالباته بهذا الشكل ؟؟


والي يقهر الكل صار يجاهر فيه واذا تكلمنا او انتقدنا قالوا بكل وقاحه >>>>حريه شخصيه >>>


هل تعتقدون انه السبب يرجع لمرض أو اسبابه اسريه أو اجتماعيه؟؟؟؟؟

هل الغلط من المجتمع لانه مو صارم معهم وتقبلهم فيه ؟؟؟؟؟


قال الرسول صلى الله عليه وسلـــم ..


" لعن الله المتشبهين من الرجال بالنساء، ولعن الله المتشبهات من النساء بالرجال"



دهـــــــــــــــــــــن العود

دهن العود


رأينا نماذج اعظم.. طالبات جامعة الملك سعود وضعهم مزري جدا جدا جدا وقد كتبت عنهم الجريده قبل سنين


الانوثه بدأت تقل والرجوله ايضا الا من رحم الله

لكن الي باقي محافظين فيهم الخير والبركه


الله يصلح الحااااااااااااااااااااال

مشكوره اختي

ياما شفنا و ياما راح نشوف

هذي المظاهر كثرت نسأل الله السلامة

احنا دائما نقول وين اهلهم عنهم اتوقع انه اغلب الاهالي ما يقصروا مع عيالهم في النصح والارشاد ومع كذا
ما يقدروا على اللي يسوه عيالهم سواء بنت او ولد وممكن يقولوا احنا بنواكب الموضه او مثل ما قلتي حرية شخصية .


فمثلا
ممكن البنت تقول لامها انا بروح الكوفيره اقص شعري وامها عادي موافقه بس ما تدري عن القصة اللي ناوية
عليها البنت واذا رجعت راح تنصدم الام بهالقصة
صحيح راح تصير مشادات كلامية بينهم والام راح تزعل لكن بعد كم يوم راح يرجع الوضع عادي جدا .

وفي الكلية ياما شفت بنات بقصات غريبة جدا لدرجة انه شوي والشعر يصير على الزيرو
لكن عميدة الكلية ما قصرت كانت تاخذ كم لفة مفاجئة على الكلية وتمسك البنات اللي مسوين هالقصات وتفصلهم فصل مؤقت ومع ذلك هي ما قدرت تسيطر على الوضع .

لكن اقدر اقول انه من اهم الاسباب لهذه الظواهر هي الرفقة السيئة


اللهم اصلح حال شبابنا وبناتنا واحفظهم من كل سوء اللهم امين

مشكورة على هالموضوع وفعلاً اصبحنا نرى اشياء يشيب لها الرأس (عش رجباً ترى عجباً)

نسأل الله السلامة والعافية واللهم لا تجعل مصيبتنا في ديننا والله يستر على شبابنا من هالعادات الدخيلة على

المجتمعات الاسلامية المحافظة والله يهدي شباب المسلمين أجمعين........

دهن العود

اجدتي بأختيار الموضوع وطرح يستحق النقاش

بالنسبه للتشبه أجمل مافي الفتاه هي انوثتها ورقتها :wink:

وياشينها وهي مسترجله ...

وكذالك ياشين الولد اذا كان (خكري) يأخوان الرجوله مرجله وعلوم رجال وهذا متخكرن :42:

تحياتي واحترامي

السلام عليكم ورحمة الله وبركات


انا اقول طالماهناك من يشجع الولد يصير بنت والبنت تصير ولد فلا داعي للاستنكار

ولكن لو كل واحد استنكر الموضوع وكل شخص انشاء في ابناءه الخوف من الله لاتبدل حالنا الي الافضل

واسأل الله ان لا ياخذنا بما فعل السفها منا

وان يصلح حالنا وحال شباب المسلمين وبنات المسلمين

استغرب من هؤلاء البنات اللاتي يشوهن انفسهن حتى يصلن للشهرة بين البنات انهن فلة ومخربينها
الله يخرب عقل ابليسهن ولكن الموضوع ذكرني بأزمة الحجاب في فرنسا حيث عندما صدر قانون بمنع ارتداء
الرموز الدينية في المدارس وهم بذلك يقصدون تجريد الفتيات المسلمات من حجابهن فقامت مجموعة من
الطالبات بعمل حركة ذكية جدا وهي حلق رؤوسهن لدرجة الصلع مما أثار اشمئزاز ادارة المدرسة وأجبروهن على ارتداء المناديل التي تشبه الحجاب الذي كانوا يرتدونه فانظروا كيف احتالوا وأجبروا لمدرسة لجعلهم يرتدوا الحجاب
أخواني المسألة هنا من تريد الستر والحفاظ على دينها فإنها ستفعل المستحيل كي لاتتراجع عن دينها
وحيائها وهذا مما يبكينا على حال بناتنا وأبنائنا أسأل الله لهم الهداية وتقبلوا مروري

اشكرك اختي على الموضوع الرائع و المفيد

تقبلي مروري وتعليقي

الأخت دهن عود نستطيع ان نجزأ الموضوع الى شقين :
اولا:عامل مرضي (جيني) نفسي وهي حقيقة علمية ان يكون الشخص ذكر وهو يحمل جينات واعضاء شبه انثوية والعكس من ذلك ويجب مراعاة مثل هذه الحالات وتلقفها من الضياع وتوجيهها اجتماعيا ونفسيا وكذلك طبيا وهذا الشيء حقيقي يجب ادراكه من المجتمع .
ثانيا:عامل مرضي (اجتماعي) نفسي وهو نتيجة عوامل كثيرة كالفراغ وتوفر المادة بسهولةو كالاهمال الأبوي وترك الابن او الابنة على راحتهم باختيار امورهم وشؤونهم واصحاب السوء الذين يشجعون بعض الشباب الى هذا النمط المختلف من الغريزة التي وضعها الله للبشر سواء انثى او ذكر فعليه يجب وقف مثل تلك الامور بالنصيحة قدر الامكان وكذلك مناقشة تلك القضية في الاعلام والصحافة والمنتديات كمنتدانا الفاضل لانها اصبحت ظاهرة خطيرة يجب الحذر منها والسلام ختام.