محاوره جديده لكل الشعراء قلطه

صباحكم نرجس وياسمين
أحببنا المشاركة لا غير


سلام منّي عدد ما هلّ مزن وغمام
مثني ومثلوث للديره ولاصحابها

أنا مدوّر جمل مكوي في أعلى السنام
يطرد ورى ناقة(ن) وضحا ودودابها

راعي المحبه ترى ياصاحبي ما يلام
من حر ماله شرى العله ويشقابها
ان لاح له فرصة(ن) تسوى غنمها غنام
أما تغدى بها ولا تعشابها

هلا وغلا ومسهلا
بكل من شارك معنا هنا
واشكر الاخ عبدالله بن بركي وهذا من شيم الرجال الكرام
برغم ان بوحيد قصده شريف ولايعنيني

وخلوههههههههههههههها

الصقر يابو سعد في الجوا صاد الحمام والمهره الطيبه من طيب ركابها مايستوى ياعلي عود السلم والبشام وانا العصاة الهزيله ماتعصى بها

بو نايف الوقت مسعفني نشد اللجام--------------عشرين عاما مضت وانا اتهقوا بها

يانعن بوجد من خلاحياتي حطام --------------- مابقي عندي سوا صوره اتسلى بها

اسجل حضوري وإعجابي ومتابعتي لكم

لكم مني الاحترام والتقدير

طيب طيب يابوعلي

جاكم الاعصار

كم من عيون(ن) سهيره ياعلي ماتنام
والمهره الطيبه ياكثر خطابها
وسعد يغني على ليلاه عشرين عام
والنفس ماتستريح الامع احبابها

حقيقه هذه المحاوره جميله ولكن لو ماتزعلو من اخوكم ضيف الله لقلت رايي في بعض شعرائها
ولكن استمرو وسوف اراسل شاعرة المشاعر بهذا الخصوص اما اعتذر للمشاركه لانني تتبعت المحاوره ووجد اكثر قوافيها اكلها الذيب على قولة شاعرتنا الكبيره شاعرة المشاعر

لكم احترامي

لاهنت يابو محمد ولاهانوا جميع الأخوان

وأنت ياضيف الله .. الله يحييك ووسع صدرك


صل التراويح يا عايض وصل القيام
شهر أرمضانك لغيرك خالج ألبابها

ياسيل حدرك على أفرك من شعايب عنام
لا تدحن اللاّهيه .. وتشقّ جلبابها

لا بو الغزل لابو ايامه يجيب السقام ======= بيتين فيها غزل ضعنا من اسبابها

يامشرف المنتدى حطيت نفسك امام=======واصبحت تملك صور قد راحوا اصحابها

ابوحيدر

طيب طيب ياشيخ

الحمدلله دام الخير والحكم دام
في دوله(ن) طيبه وانا تذرابها
كلنا اللحم ياسعد مابقي الاالعظام
والبندقه في يميني واتنقابها

يابنت روحي ولفي الارض شرق(ن) وشام
وذوقي الفواكه وشوفي طعم عنّابها

البارحه مهرتي حنّت لريش النعام
واختلفت الوانها واكره تقلاّبها