فوق هام السحب ( الشعر الشعبي) على متن القوافي

‏الدَّين عز وعزة النفس بالدَّين
ومن لايعز النفس يرضى الإهانه

والله لو يملك قصور وملايين
ما دام ما به دَّين ما له مكانه

هذا الصحيح وعنه الاخيار دارين
و من ما درا بالحق هذا بيانه

الآدمي نطفه ومخلوق من طين
و مكلّفه ربي بحمل الامانه


محمد بن مشرع

‏يستريح البال لاهبت أنسام الـهبوب
‏سامح من هزل بعض العباد وجـدهم

‏في رجا اللي يفرج الهم ويغسل الـقلوب
‏عن بشر .. ماني بـ معهم ولاني ضـدهم

‏فيه ناس ماورى عرفهم .. غير الذنـوب
‏ماقدرت اشري غلاهم ولاخطب ودهـم

‏خيرة لي .. يوم راحوا مع وساع الـدروب
‏ياعسى درب خذاهم ماعاد يـردهم


.......

‏بعض الزعل مطلوب مابين الاحباب
‏يومين ، والثالث اذا حيل طوّل

‏وبعض الزعل مجهول حتى بالاسباب
‏تلقى السبب حجة علشان يزعل


.......

‏نصيحتي لا تظلمون ،، وتضـرّون
‏وصدّوا عن عيوب البشر واستروها
‏
‏ولغيركـم حبّـوا مثـل ،، ما تحبـون
‏ونفوسكم بالناس ،،،،، لا تشغلوها


.......

‎لا تلتفت للناس وتقول قالوا
‌‏عليك في نفسك ولا تتبع الناس
‌‏
‌‏وان كان هم فى غفلة الوقت مالوا
‌‏خلك جبل واثبت على مبدأ وساس


.......

‏اقسى من الدمع صوتٍ تقتله ونّه
‏و الونّه اللي تجـي من شوق غلاّبه

‏لـ انسان من كـثر ما تغليه وتحنّه
‏تختار فرقاه وانت تضيع فـ غيابه

.......

صـادق صديقـك واللـه اللـه تخاويـه
وحفـض عيـوبه والـصـداقـه اخـــوه

وكـن يمينـه فــي المهــااات وحـويـه
وبنـي علـى يمنـــااك قـــوه ونخـــوه


.......

ما عاد فيني خلق لمعاتب الناس
ي كثر ما عاتبتهم واخذلوني

يموت فيني البوح وتضيق الانفاس
ويجف دمعي في محاجر عيوني


.......

‏مهما تردّى وقتنا لازم نطيب
‏ما نكسر بْـ خاطر ولا نجرح شعور

‏نعاف من ينسى جمايلنا ويعيب
‏ونحبّ من ينصح إذا فينا قصور

‏نموت من خذلان صاحب أو حبيب
‏ونعيش لوّ أقدارنا عيّت تدور

‏ان ما حضرنا بْـ ما يجمّلنا نغيب
‏بعض الغياب أجمل كثير مْن الحضور


......

‏نفرح لو ان الضيق منّا وفينا
‏بعيوننا تصغر كبار الاسامي

‏ولو ترفع الدنيا قضايا.. علينا
‏نوكّل الله .. ما نوكّل محامي


.......