بـوح الـقـصيد للشعراء الأعضاء يختص بالشعر الغير منقول للاعضاء المسجلين |
|
أدوات الموضوع | إبحث في الموضوع | انواع عرض الموضوع |
11-17-2023, 05:38 PM | #1 | ||
|
قصيدة/ الليالي شقى
الليالي شقى فراج الكرشمي البنادم غريب أطوار لو له جناح يمكن إنه يدير الكون وإلا يزيد كل ما أمسى نظم دنياه نظم السباح وانفلت خيطها وأصبح ما هو مستفيد لو عطى العقل وقت اللي على الجمر فاح أدرك إن المدبِّر يفعل اللي يريد الليالي شقى والعمر كله كفاح والأماني سرابٍ يطّرد ما يفيد عانق الغيم من عانق طيور الفلاح ووالف العش من غنّى بخضر الجريد يا كبار البخوت المعذرة والسماح يا هل الرمح منصا المدح بيت القصيد رحت في لازمي يا عيال عمي مراح من تثاقل خطاه تقول فالرجل قيد في ديارٍ هناك الظهر، فيها الصباح سبعة أشهر سحاب وخمسة أشهر جليد كلما شفت وبل الغيث سمَّى وطاح قلت ليته عن أوروبا وأهلها بعيد تأخذه شرق وتسوقه هبوب الرياح لين يضفي على العارض وذاك الصعيد والله إني هناك وخاطري ما استراح كل شيء معي لكن كني وحيد رحت من دون قلب القلب معكم مباح كل يوم اتصل وأقول ويش الجديد ألبس الصبر لبس الأوسمة والوشاح واحتزم وابتسم وعظام صدري حديد نعمة الصبر للإنسان مثل السلاح يخَسَرها الشقي ويفوز فيها السعيد
|
||
11-17-2023, 10:36 PM | #2 | ||
عضو شرف قدير
|
رد: قصيدة/ الليالي شقى
صح لسان الشاعر
شكرا على المشاركة جزاك الله خير الجزاء تحياتي وتقديري لك
|
||
11-18-2023, 02:27 PM | #3 | ||
مراقب عام وأداري للمنتديات
|
رد: قصيدة/ الليالي شقى
تسلم يداك على المشاركة المميزة جزاك الله خير الجزاء ولك ودي وعبير وردي
|
||
11-18-2023, 05:15 PM | #4 | ||
مراقب عام
|
رد: قصيدة/ الليالي شقى
مشاركة مميزة
واطلاله رائعة تسلم الايادي ولاحرمنا من هذا التواجد الفعال ودي لك وتقديري
|
||
11-18-2023, 05:39 PM | #5 | ||
مشرف قسم / الرياضه والرياضيين
|
رد: قصيدة/ الليالي شقى
بارك الله فيك على المشاركة المميزة
سلمت يمناك ولا عدمناك.. دمت برضى الله وفضله
|
||
11-19-2023, 08:23 PM | #6 | ||
|
رد: قصيدة/ الليالي شقى
شكرا على القصيدة جزاك الخير كله .. اثابك ورفع من قدرك ووفقك الله لما يحبه ويرضاه ...
|
||
11-21-2023, 05:56 PM | #7 | ||
|
رد: قصيدة/ الليالي شقى
جزاك الله خير وبارك الله فيك على ما قدمت شكرا لك
|
||
|
|