| الضحك والفرفشة بحدود المعقول "طرح المواضيع التي تبعدنا عن روتين المنتدى الرسمي" |
 |
|
|
أدوات الموضوع | إبحث في الموضوع | انواع عرض الموضوع |
07-02-2009, 12:34 PM
|
#1 |
 |
منسم يروي قصته مع طلبات زوجته وورقة المقاضي .. بصراحه هذا حاااالنا جميع
ياعااااااااالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا طيب يامرتي العزيزه فيه شي اسمه دمج .. رئاسة تعليم البنات بكبرها دمجوها .. ما تمدجين انتي ورقة مقاضي الظهر مع ورقة مقاضي الليل ونفتك من هالقلق اليومي ..
المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين?? طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي مره سويت فيها ذكي وبعد ماقضيت لمرتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يالكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ما ناقص الا شراب سعودي <<< عشان ماحد يفهمه لغط .. المشكله ان مرتي تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ?? واروح البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه .. وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض !!! المشكله ماعندهم رحمه .. درجة الحراره في عز الصيف ألف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيييييييييييل .. ويا عيني على استخدام التقنيه .. ورقة المقاضي صارت من العصر الحجري .. الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) ( الله على الجمس الأول وارد الستين ) << رسالة داخله بالغلط زوجته ابوها شريطي ههههههههههههه وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس وما قطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه ودمتم سالمين |
|
|
|
07-02-2009, 12:48 PM
|
#2 |
|
|
رد: منسم يروي قصته مع طلبات زوجته وورقة المقاضي .. بصراحه هذا حاااالنا جميع
ههههههههههههههههههههههههههه
تسلم على الموضوع |
|
|
|
|
07-02-2009, 01:04 PM
|
#3 |
|
|
رد: منسم يروي قصته مع طلبات زوجته وورقة المقاضي .. بصراحه هذا حاااالنا جميع
ـــــــــــهههههههههههههههههههههههههههههـــــــــ
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . ــــــــــــــــــــــــــــــــــــــــــــــــــ ـــــ k.sa83@hotmail.com |
|
|
|
|
07-02-2009, 01:36 PM
|
#4 |
|
مدير المنتدى سابقاً
|
رد: منسم يروي قصته مع طلبات زوجته وورقة المقاضي .. بصراحه هذا حاااالنا جميع
هههههههههههههههههه
الله يعينك على العداوه الي بينك وبين هالورقه لكن ترى لو ماجبتها بتلطع بدون غدا وعشى وتصف عند المطاعم ههههههههه لاهنت مميز كالعاده |
|
|
|
|
07-02-2009, 01:51 PM
|
#5 |
|
مشرف سابق
|
رد: منسم يروي قصته مع طلبات زوجته وورقة المقاضي .. بصراحه هذا حاااالنا جميع
ههههه
حلوه ثانكيو |
|
|
|
|
07-05-2009, 03:31 AM
|
#6 |
|
مراقب سابق
|
رد: منسم يروي قصته مع طلبات زوجته وورقة المقاضي .. بصراحه هذا حاااالنا جميع
ههههههههههههههه حلوه بس لاتعودها ماشىة
|
|
|
|
|
07-10-2009, 01:35 PM
|
#7 |
 
|
رد: منسم يروي قصته مع طلبات زوجته وورقة المقاضي .. بصراحه هذا حاااالنا جميع
جقجقجقجقجقجقجقجق
(( لا تستغرب من ضحتكي )) هي كذا |
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| امتاز بلوحاته الحزينة .. تشكيلي سعودي يروي قصته🎨 | ريحانة شمران | الصور والمناظر الطبيعية ومقاطع الفيديو | 11 | 11-02-2021 11:42 PM |
| في يوم القهوة.. مزارع سعودي يروي قصته مع أشجار البُن | ريحانة شمران | المنتدى العام | 6 | 11-08-2019 05:41 PM |
| مبتعث يروي قصته | عبدالله علي بركي | المنتدي الاسلامي | 3 | 03-15-2013 11:03 PM |
| شيعي تائب يروي قصته | قناص القلوب | المنتدي الاسلامي | 12 | 02-16-2008 02:51 AM |
| شيعي تائب يروي قصته | قناص القلوب | المنتدي الاسلامي | 4 | 10-21-2007 02:49 PM |
العرض العادي
