صدق الله وكذب طاش

السلام عليكم ورحمة الله وبركاته
اولآ بما انه موضوع مطروح للنقاش وللجميع الحق في طرح او قول رأية فانا احب ان اقول في البدايه
( الله لا يوفقك كل شخص ما يغار على دينه او يرضا انه ينتهك ويجلس ساكت )
وانا ما ادافع عن طاش ولا عن غيرهم
ولاكن انا من وجهت نظري اننا لازم نفهم وش الهدف وبعدين نحكم

طاش في هذي الحلقه كانو يسعون لهدف وهو
( اننا لابد ان نفهم أن فيهم ناس من اهل الخير )
( وما يجوز نشوفهم كلهم على انهم اعداء او او او او )

بمجر ان الشخص مننا يكتشف ان ديانة شخص معين غير الاسلام
على طووول يجي في مخيلته انه عدوه وهذا يا جماعه غلط في غلط
والله ان فيهم ناس ارحم واعطف واجمل اخلاق وادب من اطرف واحد مننا يالمسلمين

عندهم ( الامانه , الرحمه , الاخلاص , الصدق , الحب للشخص كإنسان مو كحيوان )
بالله اذا جانا هندي وش يصير فيه ؟؟؟
اذا انضرب ضااااع حقه بواسطه او بغيرها حتى من رجال الامن
عندهم لاااااااا ( هذا انسان وياخذ حقه لو من اوباما )

طاش ما يبغى يشوه صورة المسلمين ولاكن من وجهت نضري يبغى يحسن صورتنا
اكيد بتقلون كيف؟
بمجرد ان الشخص مننا يشيل فكرة ان هذا عدوي ويعامله تعامل حسن راح يكسبه وراح يخليه يعتنق الاسلام
يا ناااااس الرسول ما كان جاره يهودي ؟
وش كان يسوي معه الرسول صلوااااات ربي وسلامه عليه
( كان يعامله احسن تعامل )

هذا شي ,,,
الشي الثاني ترى نصفهم او اكثر ما يدرون وش معنى كلمت اسلام !!!
ولاكن بمجرد اقناع بسيط وحسن في التعامل يعتنقون الاسلام وانا والله شايف بعيني كثيييييييييييير

انا ما اقول انهم صح في كل شي
يمكن غلطو في شي !!
بس انظر للهدف الي هم يسعون له !!

اقرب مثال ,,,
اخر المقطع يوم ان المسيحي يتصدق ويتعامل بلطف مع الناس
هل هذا كذب ؟؟
والله ثم والله ثم والله انهم يفعلون الخير ويحبون مساعدة الناس وهم كما قال الشيخ عائض القرني ( اسلام بلا مسلمين )
ليه ما انظر لهم على انهم ناس مساكين ولا لقيو من يوجههم ونحاول نتعامل معهم بطيب ونعرفهم على ديننا ونكسبهم
خير من اننا نبين لهم الكره والبغضاء وبعدها ؟؟؟ ماراح يحبوننا ولا راح يسلمون ,,,

وترا كلامي هذا كله مع الناس للناس
وما اقصد مع الجيش للجيش
فاذا جا الصدق ان شاء الله اننا سور واقي عن ديننا وكتابنا الكريم ( القران الكريم )

شكرآ واسف على الاطاله ,,,,