منتديات قبائل شمران الرسمية


الضحك والفرفشة بحدود المعقول "طرح المواضيع التي تبعدنا عن روتين المنتدى الرسمي"

إضافة رد

 
أدوات الموضوع إبحث في الموضوع انواع عرض الموضوع

قديم 04-11-2010, 07:56 PM   #1
مشرفه سابقه
 
الصورة الرمزية بنت رجال
 

بنت رجال is on a distinguished road
افتراضي تعالوا نسترجع الماضي ونشوف الحاضر

السلام عليكم والرحمه..

جاء في بالي موضوع بعد ماطرحت موضوع عن ايام الطفوله بالعام

نبي نسترجع أيام زمان وكيف كانت هذيك الايام مقارنة باليوم من المدرسه الى رمضان الى العيد وكيف نعيش الحاضر وتغيراته

سبحان الله افكر كيف كنا زمان وكيف كانت الحياه حلوه وهادئه وبسيطه جداً والحين الحياه تختلف عما سبق ,,

تراودني دائماً تلك الذكريات وأحن اليها وأتمنى أن تعود لكي نستمتع بها كما كنا ..

وش رايكم نسترجع الماضي والطفوله قديماً

ببدأ لكم انا

أذكر ايام زمان على أيام المدرسه كنا تصحينا الوالده ربي يخليها ونفطر حليب وشابوره اما الحين اخلف الله يروحون اخواتي ويستحون ياخذون ساندويش معهم :baaa2:

لما كنا نجي من المدرسه امي تحط الغداء على الساعه 1 ونص وابوي جاء من دوامه ونجتمع على سفره وحده ونتغدا وكلن يروح ياخذ له قيلوله هذي لازم منها عشان نذاكر زين هع نصحى على اذان العصر ونذاكر شوي وتنادينا

الوالده ونتفرج على افلام كرتون اذكر وحنا بنات كنا كمان نحب كابتن ماجد هههه طبعا الجلسه لاتخلو من الكيك والشاهي يمكن تعرفون كيك زمان مايسوون الا هو يازين طعمه ولذته

اذا اذن المغرب نصلي ونجتمع ع القهوه انا واخواني وامي وابوي وجدتي وننتظر مسلسل بدوي تذكرونه اللي يجي ع المغرب المسلسلات البدويه كنا نموت فيها خخخ من يذكر معاي حزم الظامي ( اه ياحزم الظامي حبك بقلبي عيت

السنين تمحاه) وبعدها نسوي العشا ونتعشى مع بعض يازينها من جمعه ومحبه و8 كل واحد على فراشه والبيت يعمه الهدوء طبعا الخميس والجمعه يختلف الوضع كنا 10 وكل واحد مخدر واذا جانا ناس نصبر الى 12 ونروح

بخراطيشها ونقوم بدري 8 الصباح تقول عفاريت نزعج امي مانخليها تنام قومي قومي وننتظر التلفزيون الين يفتح كانت تجي هذيك الافتتاحيه تن تنن تن تنن مااعرف اسمها:27: وبعدها قران كنا نسمعه وننتظر سالي وليدي واليس

في بلاد العجايب وهلما جرا هذي حياتنا زمان شفتوا وشلون حلوه وهادئه..

اما الان الوضع اختلف

ننام بعد الفجر واذا جو عندنا بنات عمي ماننام الا بعد الظهر ونصحى الساعه 10 بالليل ويبدأ الروتين الممل لاحياه زي الناس ولا شي اللي ماسكه لابتوبها مالها خلق تناظر الثانيه واللي قاعده بغرفتها تكمل شخيرها الى 12 بالليل

حياه كئيبه :hammer:

حتى الغداء كل واحد منه على راسه ياخذ صحنه وياكل بغرفته ماعاد نجتمع على سفره وحده الابرمضان كلن لاهي بنفسه فرق بين الماضي والحاضر

نجي لرمضان زمان الله كيف كان كنا نصووم الى الظهر والا العصر ونفطر واذكر مرره قالت امي خلاص صومي عشان تتعودين قلت طيب ويوم جاء العصر رحت سرقت سمبوسه ودخلت جوات الدولاب واكلتها وكذبت عليهم اني

صائمه كذبه بيضاء بس اعترفت بعدين ماكنا نعرف نكذب هههه:27: كانوا جيراننا يرسلون لنا فطور لازم يوميا وحنا نبادلهم ونرسل لهم لو انا مسوين فطور قليل لازم جيراننا ياكلون من فطورنا ونفطر ولازم كل واحد يصلي ويقرا

قران وكان ابوي يقول اللي يحفظ اية الكرسي له 10 ريال عاد كانه قايل لنا 100 ريال وقتها هههههه نحفظها بسرعه واللي يختم القران له هديه كنا نستمتع مرره ومبسوطين واذكر مسلسل كنت اتابعه احس اني كنت غبيه بنت

جيراننا تقول تعالي العبي معنا واقول ماابي ابي اشوف اشعب ياشعب يااشعب يابطن اوسع من ملعب خخخ اكيد تعرفونه خخخ وكنا نصحى ع السحور نشوف المسلسل هذاك نسيته اللي مااحد يحبه الا ابوي عن التاريخ خخخ

اما رمضان اليوم

نجتمع ع السفره كلن نافخ بوزه خخخخ ماينبسطون الا اذا شافوا طاش نفطر مبوزيين نبي ننام ههههههههه وبعد الفطور نقرا قران بس مافيه تشجيع ب 10 زي زمان :27:

بعد طاش كلن يتسدح بمكانه ونصحى 10 نتعشى ماتبقى من الفطور ونسولف مع بعض اشوى اننا نسولف قايله لكم مايجمعنا الا رمضان :18:

نقعد مواصلين الى بعد الفجر ومن مسلسل في مسلسل بس انا الحمدلله مااحب المسلسلات مدري احس اني غريبه هههههههههههه اخواتي يقولون ماتطفشين اقول لاا عاتي مره مبسوطه هيك واحيانا من الطفش اظطر اتابع معهم

زمان ماندور على مسلسلات عباده وبس والحين ننتظر رمضان ونقول وش المسلسلات الحلوه لا واشوف اخواتي واللي يقربون لي يحددون المسلسللات يقولون بنتابع 3 والباقي نشوفها بعد رمضان :hammer:

اما العيد زمان وهـ بس وهـ يجنن حيل ننزل ب15 رمضان قبل الزحمه خخخخ هذي قاعده عند ابوي تبون ملابس للعيد مافي الا ب15 عشان الزحمه وكل يوم نطلعه من الدولاب ونلبسه قطعناه من كثر مانلبسه تقول امي بسكم

خلاص نقول بنشوف يصلح للطلعه والا لاا لان لازم نجتمع ثاني العيد واول يوم من العيد اهلا بالعيد وفرحته العيد اطل ببسمته :haa: فرحانين نصحى 6 الصبح وامي تسوي مالذ وطاب من الاكل ويجينا ناس ذولى داخلين وذولى

طالعين وناسه مرره ونروح نعيد وندور على الجيران لازم ناخذ عيديه وننام 10 الصباح ونصحى الظهر ونتغدا ويجونا ناس والحياه حلوه:101::101:

اما عيد اليوم مانفرح فيه يجينا حزن وكآبه استغفر الله وننزل السوق قبل العيد بيوم عشان ندور الجديد والماركه >> تطورت منفوحه :27:

نقوم نسلم على بعض ونعايد بعض وناخذ حلاوه طبعا مواصلين وننام 12 الظهر الناس تجي تعيد وحنا نتخبى بالغرف خخخخخخخخخخ

ومره قلت لازم اعيد وانبسط قلت لاامي يمه بعيد معك قالت يالله خلي اخواتك مايفرحون فيه خليك احسن منهم ورحت معها اعيد استحقرت نفسي خخخ كلهم حريم كبار وين البنات والله نايميين ومواصلين >> يعني زينا مافي جديد هع

وهذي الحياه بس بتظل حلوه :27:

وانتوا كمان كيف حياتكم زمان والحين..



بنت رجال غير متواجد حالياً   رد مع اقتباس
قديم 04-11-2010, 09:18 PM   #2
اداري سابق
 

محمد مزهر is on a distinguished road
افتراضي رد: تعالوا نسترجع الماضي ونشوف الحاضر

مش بعيد منك
مشكوره على الطرح



محمد مزهر غير متواجد حالياً   رد مع اقتباس
قديم 04-11-2010, 10:22 PM   #3
 

عبدالمجيد آل وافي is on a distinguished road
افتراضي رد: تعالوا نسترجع الماضي ونشوف الحاضر

شوف إذا كان الماضي حلو .. فلا بأس نسترجعه
أما إذا كان مو حلوة ( الله يكفينى ) محد راح يتذكره
تحياتي لكـ
عبدالمجيد آل وافي



عبدالمجيد آل وافي غير متواجد حالياً   رد مع اقتباس
قديم 04-11-2010, 11:30 PM   #4
مشرف سابق
 

لاتحاول is on a distinguished road
افتراضي رد: تعالوا نسترجع الماضي ونشوف الحاضر

من جد الماضي اصرف بكثير

اللحين كله قلق.............



لاتحاول غير متواجد حالياً   رد مع اقتباس
قديم 04-12-2010, 07:44 PM   #5
مشرفه سابقه
 
الصورة الرمزية بنت رجال
 

بنت رجال is on a distinguished road
افتراضي رد: تعالوا نسترجع الماضي ونشوف الحاضر

الكل قريب يعني الحال من بعضو هع

تسلمون ع المرور..



بنت رجال غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
متاحف جدة.. الإبحار في الماضي العريق وإبداع الحاضر الزاهي ريهام خالد السفر والسياحة والرحلات البرية 11 08-17-2021 01:03 PM
«البشت» بين حاجة الماضي ووجاهة الحاضر ريهام خالد المنتدى العام 9 08-03-2021 02:59 PM
مساحه للفتوى في عصرنا الحاضر ..."بقلمي" نوال الشمراني النقاشات الـجــــــاده 7 04-04-2016 03:41 AM
الموت الحاضر الغائب أخو هدباء المنتدى العام 2 03-15-2009 02:27 PM

Powered by vBulletin® Version 3.8.7
Copyright ©2000 - 2022, vBulletin Solutions, Inc. Trans by
جميع الحقوق محفوظة لـ منتديات شمران الرسمية