ابداعات حامد

[i]إبداعات حامد هيضت قلبي المشتاق
أترجم تباريحي في المكتب الراقي
وسط جده اللي كلما أحسست قلبي ضاق
أسوق الخطى فيها وأجدد بها أشواقي
تعلمت فيها الطيب والذوق والأخلاق
وفيها نمى علمي وذوقي وأخلاقي
وفي جده اللي عانقت سائر الأفاق
سبرت بجمال البحر فكري وآفاقي
كم ليله تجاذبت القصائد مع الأوراق
و سهرت ا نثر إحساسي على ذيك الاوراقي
نسايم هواها عطرت خاطرٍ مشتاق
وكحل غرور أوصافها صافي أحداقي
من أول تعمدت اتسامي عن الأشواق
وهاليوم صرت أبحر على متن الاشواقي
ترى الطيب ياحامد له أضداد وله أوفاق
ولا كل طيب يعجب ادباش الانفاقي
إذا طار صيت الرجل يحسد وله عواق
يراه الردي خاين ومفلس وبواقي


ويامن خطأ خطوه هزيله ومد الساق
كم عله سببها مدة العين والساقي
ترى من حمل حمل زهيد ولا ينطاق
مثل من طمر باليم ماهاب الاغراقي
بعد كل وصل لو يطول الزمان افراق
ولا كل من فارق يابو هيثم ايلاقي
ترى رفقة الطيب إلى من صدرك ضاق
تسرك وفيها يكون لك عا لم راقي
إلى غلقت دونك دروب الرجأ باغلاق
توجه لمن بيده مفاتيح الاغلاقي
بعد كل ظلما لو يطول عتمها إشراق
لمن ينوي ايبدل ظلامه بالاشراقي
ومن مر به هنه ورنه وبعض إخفاق
وفز وتسامى عن هذيلاك الاخفاقي
يحقق- مدى - ما حققه قبل وقت ضاق
ويسعد بقرب الله قسام الارزاقي0[/i]