الا ياالله ياللي تحـت هيبـة سلطنتـك اسلمـت

الا ياالله ياللي تحـت هيبـة سلطنتـك اسلمـت

الا ياالله ياللي تحـت هيبـة سلطنتـك اسلمـت"
"لك المسلم يسبح لك بحمـدك ولـك الاسلامـي
احمدك واشكرك واثني عليك بما علـي انعمـت"
"تزودني وفا قـدر العشيـر ووصـل الارحامـي
ولجك الفجر ياليل الذهول اللـي علـي اضلمـت"
"يعرضك واقع الماضي بعيني عـرض الافلامـي
ولهتك يالنديم اللي على صافي وفـاك اضرمـت"
"بصفحة ذكريات العام واللـي مـن ورا العامـي
بعد تقرير مشوار التجـارب نجحـك واجزمـت"
"بان السيف سيفي والعصـا والمحـزم احزامـي
عطتني عزلة اخلاصي معك نسيان مـن نادمـت"
"كتبتك وانطوت صحفي عليـك ورفعـت اقلامـي
اباهـي لا ابالـي واتبيسـط كــل ماقـدمـت"
"اشـب النـار قـدام العـرب واشيـد اخيامـي
نهاري حر شمسه يستحي منها لسـان الشمـت"
"وليلي ترقب نجومـه ملامـة كـل مـن لامـي
على ضو الكلام اللي كشف عنا ستـار الصمـت"
"عرفت اني تحت برق الامل في روض الاحلامي
احسب انك تيمم با اتجاهـي ويـن مـا يممـت"
"واثر ما انت بورايه في الطريق ولانـت قدامـي
مصيبه لاتدنت قيمتك فـي عيـن مـن قيمـت"
"يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت"
"فجر صدري حنينـي واتعـب الاقـدام درهامـي
عيون الصد وعيون التجافي حول مهما اكرمـت"
"تشـوف المجتهـد كسـلان والبنـاي هدامـي
مدام ان جانبك شام لجنابي وانت عنـي شمـت"
"كثر خيـرك وانـا مانيـب لاجايـع ولاضامـي
اشوف انه علي واجـب ليـا مريتكـم سلمـت"
"مرور اكرام تربطـه الكرامـه عنـد الاكرامـي
على شان الخفوق اللي على عرشه قعدت وقمت"
"حجب عنك الدجى لين اشرقت لك بيض الايامـي
ختام السالفه ياطيـب العشـره كرمـت ودمـت"
"هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت"
"يصحيك الزمان اللي يصحـي كـل مـن نامـي
تذكرني لامنها خابـت اوهامـك فمـن وهمـت"
"وشفت الفرق في حب الخشوم وحـب الاقدامـي

سعد بن جدلان

بارك الله فييك جميل جدا

اختي الكريمه

اشكركِ على هذا النقل الرائع بارك الله فيكِ

تحياتي لكِ

جداًرائعهه الابياات رحم الله شاعرها
وابداعتي بنقلك لها يارروح

طاب يومك بسعادةة

شاكرة للجميع روعة حضوركم الراقي

مع اطيب الامنيات

رحمك الله يا بن جدلان رحمة واسعه

روح الجروح
شكرآ لك على هذا النقل المميز
فسلمت يمينك

رحم الله الشاعر سعد ابن جدلان
ستبقى روائعه من الشعر حيينا
مشكورة الأخت الفاضله روح الجروح
لحسن الاختيار
صحت يمناك الله يسعدك