قصيدة: (الصقر)

هلا ياصقر سبحان في الجو من مشّاك


سبحانه رفيع الجاه رب المخاليقي


هلا ياصقر سبحان بالريش من غطّاك


وثبّتك في عرشه بليّا معاليقي


الاياصقر ذا البدع والردّ منّي عفاك



أبي فزعتك ما دام سحبه محاليقي


انا ياصقر بشكي و بابدي على شرواك


اخترتك لحيثك ما تخون المواثيقي


انا يا صقر بنخاك والسرّ ما يخفاك


انا انخاك تفزع يا بعيد الطواريقي


الا ياصقر بين المحبين مد أرشاك


وصل الأمل لنفوسا" تضيّع الريقي


الا ياصقر لاتخيّب آمال من ينخاك



انا ابغاك تأخذ منّي العلم وتويقي


الا ياصقر خذ خط ورب البشر يحماك


توجّه بخطي يا بريد المعاشيقي


وكن همز وصلٍ بين قلبين ذيه وذاك



قلبينٍ ولايف من المحبه محاريرقي


الا ياصقر درب المحبين فيه اشواك


بدايته وردٍ واخر دروبه أتضيقي


انا ياصقر مالبعد في حالة الهلاك



أجامل ودمعي فوق خدّي زواريقي


فلا ياصقر قلبي معا خفقتك يبراك


معا خفقت إجناحك تزوع المعاليقي


الاياصقر يا جعل رب البشر يذراك


ويحماك ما دامت بروقه مفاليقي


فلا ياصقر سارع عسى كل لاش فداك



انا ابغى خبر من له مع الدمّ تنسيقي


فلا ياصقر ما خاب ياصقر من وصّاك


توجّه عسى دربك سعاده وتوفيقي

الشاعر
مبارك حمد الشمراني
م/ن

صح لسان الشاعر مبارك الشمراني

ولاهنت على الطرح الرائع

تحياتي ودمت بود

صح لسانك يابوحمدان على هذه القصيدة الرائعة

الشاعر ابوحمدان شاعر مرموق وقصائدة تروقني كثيرا
ومشكلته انه يحتفظ بها ولايظهرها.
فأتمنى منك اخي ابوعادل ان تتحفنا بجديد ابوحمدان.

شرفني مروركم الرائع والجميل جدا"
وأبشر يابو حامد