إللّي على بالي حسايف هجَرني 🍒

إللّي على بالي حسايف هجَرني





إللّي على بالي حسايف هجَرني
عيّا قِليل العِرف ينزح على البال
لا جيت أبي مِنه الوصل ما اعتبرني
يانعنبو حظٍ كِسر فيِّه وْزال
شوقه خذاني بالمحاسن سحرني
وقلبي عجَز يلقى بحنانيه مدهال
لاجيت أظلّل شمس شوقي غدرني
ظلّه زوالٍ ما لقيناه مقيال
في بحر حُبّه صاحبي قِد غمرني
دلّيت أدوّر في بحور الجِفا جال
ياقُو بال التَرف ياهُو قهرني
ما يدري إن الصد ياحسرتي طال
ياما عذرته مير ما قَد عذرني
ياحيلة الله منوِتي منه بوصال
في حُب خِلّي خافقي قِد ومَرني
ياكيف عمري بالمقادير يحتال
حٌبه تمكّن حَيل ياهُو دِمَرني
مامّرةٍ مرّه سألني عن الحال
بعمري إنتظرته وارتحل ما إنتظرني
أنا أحسِبِه يَمّي وأثاريه رحّال

حمد عبدالرحمن الدعيج (نديم كميت)