منتديات قبائل شمران الرسمية


بـوح الـقـصيد للشعراء الأعضاء يختص بالشعر الغير منقول للاعضاء المسجلين

إضافة رد

 
أدوات الموضوع إبحث في الموضوع انواع عرض الموضوع

قديم 12-12-2007, 11:37 PM   #1
Photobucket
 

ابو معاذ الغضنفر الأكلبي is on a distinguished road
افتراضي البـــــــــــكرة

البكرة اللي سقتها صوب شمران=هديّة(ن) مني معزّة وتقدير
اهديتها على عواني وجيران=ما سقتها الا للوجيه المسافير
وسمي عليها خير شاهد وبرهان=هدية(ن) مني لروس المناعير
نحّرتها شمران ذربين الايمان=وقامت تزرفل كن في راسها طير
كنّه دعاها صوبهم برق ودّان=والا خوات(ن)كلبوهن على بعير
مانيب يا شمران لاهديت منّان=تستاهلون الطّيب صغير وكبير
لكن يا شمران انا خاطري شان=مدري ويش اللي صار ويصير ويصير
منوّل(ن)لاجيتكم ضيف شفقان=اشوفها قدامي تحنّ وتسير
وافخر بها يوم انها بنت ريمان=فيها لمكنون الضماير تعابير
واليوم لامريت بديار شمران=ودي اشوف البكرة بحزّة عصير
ماشفتها وانا على الشوف ظميان=يا الله عليك العاقبة والتدابير
عقّب بها الراعي سفوح(ن) وضلعان=حوّل بها للتّهم يا الله عسى خير
يا زينها يوم كانت تقود الاظعان= ومعها بكار(ن) خلفها غيرها كثير
متقدمة قدام بكرة كحيلان=ونشوفها قدام ذود المغاتير
اقول ياشمران في سر واعلان=البكرة اللي سقتها صوبكم غير
تزها بكم وانتم مطاليق واخوان=والمدح فيكم يستوي للشّواعير
تستاهلون بكار جزلات وسمان=اغلا من بكار(ن) مع ابل المناصير
والله ما اقوله محابى وبهتان=الا السموحة كان قصرت تقصير
بس اعرضوها باول الذود من شان=عشّاقها تشوفها باول السير
بكرة غلا من هيض شاعر وطربان=اغلا من اكياس الذهب والدنانير
منجوبة(ن) في بعض الاحيان ، واحيان=تجمع عرب والا تفرق طوابير
كسب العرب في ماضي الوقت والآن=اللي عليها يتعبون المداوير
من لقّح أفكار العرب ذربة لسان=ألذ واحلى من حليب المصاغير
وانا انفسي ما يقطعه ركض ميدان=شاعر ما همتني طوال المشاوير
ركزت للشعار قدّام نيشان=واللي يصيبه بندقه تطرح الطير
استنبش أهل الشعر رجلي وركبان=من قيف شمران الكرام المغاوير
كم شاعر(ن) شمراني(ن) عبر الازمان=يشرب بحر ماهوب يشرب من البير
ان غاص بحر(ن) جاء بلولو ومرجان=كثير عزَة أو بعد يطرح كثير
فان كان رد فلان منكم أو افلان=هذا الأمل فيكم وللعلم تفسير
وان كان عييتوا فلاني بزعلان=ما فيكم صغير(ن) وأنا ماني صغير
وانا كذا في كل الأحوال كسبان=مشامج أرباب السيوف البواتير
وبكرة صبي أكلب ترى الذيب سرحان=ما همّها وأنا ولد سالم الزير


هذي القصيدة جاشت بها قريحتي لسبب واضح في مضمون القصيدة وخاصة للشعار ولو بينت الاسباب لسمجت القصيدة على الشعار خاصة وأنا مهديها لشعار شمران خاصة ولشمران عامة وجميع رواد المنتدى من كل القبايل
وســـــــــــــــــــــــلا متكـــــــــم0



ابو معاذ الغضنفر الأكلبي غير متواجد حالياً   رد مع اقتباس
قديم 12-13-2007, 08:13 PM   #2
Photobucket
 

ناظم الهمسات is on a distinguished road
افتراضي

البكرة اللي سقتها صوب شمران=هديّة(ن) مني معزّة وتقدير


[

البكره اللي مرت ديار شمران = فيها من افعال الرجال المناعير
يالاكلبي غرد على اللال والدان= وانا بفسر لك مع اللحن تفسير
اكلب هل الصولات في كل ميدان = اللي لهم منا محبه وتوقير
جتنا علومك يالغضنفر بالاوزان = اتسوقها مثل البكار المغاتير
فيها الجزاله والصلابه والاحسان =وفيها الحروف الواضحات المباهير
ياحي بكره فاتنه مثل مرجان = من شافها يقرع لها الطبل والزير
نفخر بها حجزٍ وبدوٍ وتهمان =ونشعل لها نارٍ من الشعر والكير
في ريحها وردٍ وفلٍ وريحان = وفي وسطها تاجٍ يهد الاساطير
متربعه بين السحب فوق شمران = ورعودها تسطو على الارض وتصير
خطت وثيقه تحفظ عهود وايمان= نحن مع اكلب كما الريش للطير
صعبٍ تفرقنا عن العهد ازمان = وصعب تغيرنا روايات سكير
حنا نقدر صاحب الجود لابان = وحنا نكسر من نوى الجرح تكسير
ياصاحبي من جودكم شفت بركان = متفجرٍ في ارضنا شوق تعمير
بيشه زهت بافعالكم طول ازمان = والدايره دارت بكل الاداوير
وضيوفكم يفرش لها الدرب بستان= من زاركم ماواجهه اي تقصير
وقلوبكم بيضا كما الثلج تزدان= لاعانقت احبابها دون تعكير
وصغيركم يرضخ له الانس والجان = وكبيركم يعبر على النجم ويسير
في دياركم شفت الشعر صار رمان= من يقطفه يلقى له جنون تأثير
برهن على قولي معك ابن جذلان= الشاعر اللي حرر الفن تحرير
وابو معاذ الاكلبي مثل سلطان = عطر بلاد من الحروف المعاطير
يامرحبا ياسايق النوق لاهان = من انجبك ياصاحب الحب والخير
ان جا قصورٍ مننا دون عرفان = منك السموحه مالنا اي تبرير
مثلك طليق يغفر الذنب لابان = واحنا نعدّك من هل العفو والخير
وكل البكار اللي لفت منك شمران= نفخر بها نحرق لها العود تبخير
ونشيلها مثل الذهب خلف بيبان= نكتب لها وسط الورق كل تعبير
لك عندنا يالاكلبي العز نيشان = انعلقه في بذلتك دون تأخير






ناظم الهمسات غير متواجد حالياً   رد مع اقتباس
قديم 12-13-2007, 08:27 PM   #3
مؤسس وعضو المجلس الإداري الأعلى
 

عبدالله علي بركي is on a distinguished road
افتراضي

الاخ ابو معاذ0

قصيده تبيض وجهك ووجوه قبيلتك الي نكن لهم كل التقدير والاحترام فمنهم النسيب ومنهم الصديق

الي نعتز بصداقته 0

لاعدمناااااااك0

بن بركي



عبدالله علي بركي غير متواجد حالياً   رد مع اقتباس
قديم 12-13-2007, 08:30 PM   #4
مؤسس وعضو المجلس الإداري الأعلى
 

عبدالله علي بركي is on a distinguished road
افتراضي

الاخ المبدع ناظم الهمسات (ابراهيم الشمراني )0

مهما قلت وامتدحت فلن اوفيك مما في خاطري شيء 0

لك كل الحب والتقدير وبيض الله وجهك 0



بن بركي



عبدالله علي بركي غير متواجد حالياً   رد مع اقتباس
قديم 12-13-2007, 09:09 PM   #5
 
الصورة الرمزية بحرالعلوم
 

بحرالعلوم is on a distinguished road
افتراضي

الله يعطيك العافيه قصيده جميله



بحرالعلوم غير متواجد حالياً   رد مع اقتباس
قديم 12-14-2007, 12:55 AM   #6
Photobucket
 

ابو معاذ الغضنفر الأكلبي is on a distinguished road
افتراضي












الأخ العزيز ناظم الهمسات -الشاعر القدير/ابراهيم الشمراني:


والله ان معرفة مثلك شرف وبارك الله في منتديات شمران اللي عرفتني عليك وعلى الشاعر ضيف الله العامري

الذي رد على أول قصيده نزلتها في منتداكم منتدانا كلنا

ابراهيم /أنت ناظم همسات وناظم أبيات وناظم قصايد وشعر

أنا ما اعرفك شخصيا وأنت ما انت بحاجة لمن يشهد لك لكن للأمانة أنت شاعر كبير

لايطوفك معنى ولا تزري بك قريحة وأعجبني طول نفسك وتسلسل أفكارك في قصيدك

ابراهيم/ تفضلت بالرد على (البكرة) وجمل الله حالك يا صبي شمران

كفيت ووفيت ولا فض فوك

ابراهيم/مدحك لي ولقبيلتي وشاعرنا كلنا / سعد بن جدلان وسام شرف منك ومن شمران

واللي بين اكلب وشمران هو بالظبط كما تفضلت انت وقلت:

خطت وثيقه تحفظ عهود وايمان= نحن مع اكلب كما الريش للطير

والمثل يقول : اللي في الخاطر كافي

ابراهيم/أنت مشرف الأقسام الأدبية وأنت كفو لهذي المسؤلية

وأبشر بما يسرك كل ما سنحت لي فرصة


ابراهيم/ أدركت المعنى وكفيت وزيادة ولكن هذا لا يمنع من أن يتفاعل معنا كذلك شعراء اخرون لاثراء المنتدى

وبيض الله وجيهكم يا شمران0



ابو معاذ الغضنفر الأكلبي غير متواجد حالياً   رد مع اقتباس
قديم 12-14-2007, 01:00 AM   #7
Photobucket
 

ابو معاذ الغضنفر الأكلبي is on a distinguished road
افتراضي

الأخ/عبد الله علي بركي

ما يحتاج اللي في الخاطر كافي يابو علي

أشكر مرورك


الأخ/بحر العلوم


شرفتنا بالمرور



ابو معاذ الغضنفر الأكلبي غير متواجد حالياً   رد مع اقتباس
قديم 12-14-2007, 05:27 PM   #8
عبدالرحمن بن جروان مؤسس ونائب رئيس المجلس الإداري الأعلى
 

ابونايف الشمراني is on a distinguished road
افتراضي

الاخ الكريم (ابومعاذ الغضنفر الاكلبي)

اولا : ارحب بك اجمل ترحيب (واسأل الله العلي العظيم في هذه الايام المباركه
ان يجعل اقوالنا وافعالنا طاعه لمولانا وان يجعل اخوتنا محبه في الله )

اخي الكريم ان امتدحت قبيلة شمران او عتبت فذلك من محبتك لهم وطيب اخلاقك
وسعت ادراكك لما تكتب ... وان امتدحت قبيلتك اكلب فنزيد على ذلك ونقول بأنكم اهلا للمدح
(وانت ونحن كسبانين في الحالتين وهذا هو ديدن التعامل بين الرجال وانت احد هؤلاء الرجال
فمرحبا بك بين اخوانك ابناء قبيلة شمران ( اللذين لن تجد منهم سوى الترحيب والتقدير والاحترام )


فأهلا وسهلا بك وبما تجود به قريحتك اخ عزيز بيننا
اخوك: ابونايف الشمراني



ابونايف الشمراني غير متواجد حالياً   رد مع اقتباس
قديم 12-14-2007, 05:32 PM   #9
عبدالرحمن بن جروان مؤسس ونائب رئيس المجلس الإداري الأعلى
 

ابونايف الشمراني is on a distinguished road
افتراضي

اسمحلي اخي (ابومعاذ الغضنفر الاكلبي)
ان اعبر عبر صفحتك عن شكري وتقديري للاخ (ناظم الهمسات)


اخي الكريم (ناظم الهمسات .. ابراهيم الشمراني)
شكرا لك من الاعماق على استقبالك لضيف منتدانا فأنت عبرت
بلسان حال ابناء هذا المنتدى (ابناء قبيلتك) وهذا ليس بغريب عليك


فلك ولضيفك كل التقدير والاحترام
اخوك: ابونايف الشمراني



ابونايف الشمراني غير متواجد حالياً   رد مع اقتباس
قديم 12-14-2007, 08:11 PM   #10
 

BO BO is on a distinguished road
افتراضي

ارحب بك اجمل ترحيب يا النسيب


أكلب أكلب أكلب أكلب أكلب أكلب



BO BO غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية