قصيدة متميزه لشاعر/ عبدالكريم

قصيدة من أروع ماقرأت لهذا اليوم
لشاعر / عبدالكريم بن منصور آل طريخم الشمراني
فأحببت مشاركتكم بها ,, اتمنى أن تنال اعجابكم ....

ياظروف الوقت يكفي عذابك لي كفا
شبت من كثر التجارب ونا باقي صغير
وكل جرحن في فؤادي عن العالم خفا
ماشكيته غير ... للواحد الحي الكبير
ماينام اللي معه هم لو انه غفا
وكثر فزاته شكا من عواقبها السرير
الله أكبر كن ماعاد في العالم وفا
والحقيقيه تالي الوقت مدري وش يصير
ومن يشب النار يصبر ويظفر بالدفا
وينتبه من شدة البرد وسموم السعير
ومن مشى في وادي الشوك يتعب ويحفا
ومن يصبر يقدر يواصل ولو دربه عسير
وكل شي ياهل العرف وجه وقفا
وحسب تميزك يبين البحر جنب الغدير
الوافي في ساعة الضيق يجمل ماجفا
ولي نصيته قال يا صاحبي علمك يسير
ولاتقول الجو غايم اليا منه صفا
اغتنم وقتك وخذ للقليل من الكثير
والسعاده ماتعرف المرض والا الشفا
كم عليلن لو تشوفه تقو انه بخير
واحمد الله دام نور الشريعه ماطفا
ويا ابني ادم لو تفكر ترى عمرك قصير
واطلب اللي ... عن عباده ليا تابو عفا
لا اله الا هو ... الفرد واليه المصير

ودمتم .. أبـــوألـــين

رائع ابو الين

والقصيدة رائعة صح الله لسان قايلها

اشكرك لك النقل الرائع

رائع ابو الين

والقصيدة رائعة صح الله لسان قايلها

اشكرك لك النقل الرائع

أبو ألين
أبدعت في الإختيار ، والشاعر أبدع وأجاد .
سلمت ولا عدمناك .

صح الله لسانه وسلمت يمناك

تسلم يمينك

أسعدني مروركم
بيض الله وجيهكم
ولاهنتو

شكر اخي أبو ألين فقد احسنت الإختيار
وصح لسان الشاعر عبدالكريم

اختيار موفق اخوي
عساك ع القوة دوووم

أحلــى نقل
وأمتع أبيات ..





تبريـــــ د