الاخ والقرابه

أخوك لا تخسره ولو إنه عنيد،،،
يخطي مئة مره و يرجع عن خطاه

و ان كان شد الحبل حاول ما تزيد،،،
إرخيه قبل الشد يوصل منتهاه

ولا تنصحه وقت الزعل ما يستفيد،،،
و اعرض عليه النصح في ساعة رضاه

و اليا طلب رأيك عطه رايٍ سديد،،،
و ان ما طلبك الراي لا تبحث خفاه

و اعرف ترى قرب المنازل ما يفيد،،،
و احيان يبدي شي ما ودك تراه

لكن لا تقرِّب و لا تنزل بعيد،،،
خلك على قول المثل حذفة حصاه

و احفظ حبال الود حفظك للوريد،،،
اللي معلق فيه موتك و الحياة

ترى الأخو مهما حصل يبقى عضيد،،،
و ترى عيال العم ما عنهم غناة

الناس دايم ما تهاب اللي وحيد،،،
اللي ليا منه وقف محدٍ معاه

( القرايب حبايب )
لا تسمع كلام الحاقد اللي يقول :
( الأقارب عقارب )
و اسمع كلام رب العالمين الذي قال :
(و اتقوا الله الذي تسآءلون به والأرحام)

💞رساله أتمنى من الجميع نشرها في مجموعات الجيران والأهل و الأقارب لأنها تحمل كلام جميل

قمة الروعة سلمت يمناك على النقل

شـكــ وبارك الله فيك ـــرا لك ... لك مني أجمل تحية .

رسائل وافيه في قصيدة هي كذلك تحمل الوفاء


شكرا لك أبو سعد

السمي عبدالله
نقل موفق ومميز بارك الله فيك