ديوان الأمير بدر بن عبدالمحسن

[الحمدان]

الأمير بدر بن عبد المحسن بن عبد العزيز آل سعود شاعر سعودي، ولد سنة 1949م. في مدينة الرياض،نشأ الأمير بدر في بيت علم وأدب حيث كان والده محباً للعلم والأدب، كما أنه شاعر مبدع ولديه مكتبة ضخمة تضم العديد من الكتب، ومجلس والده مليء بالعلماء والأدباء وكبار المفكرين في ذلك الوقت مما كان له الأثر البالغ في حب الأمير بدر للأدب والشعر،درس مراحله الابتدائية بين السعودية ومصر، والمتوسطة في مدرسة الملكة فكتوريا في الإسكندرية، ودرس المرحلة الثانوية في الرياض كما درس في بريطانيا وفي الولايات المتحدة الأمريكية. عين سنة 1973 بمنصب رئيس الجمعية السعودية للثقافة والفنون وعين رئيساً لتنظيم الشعر بالسعودية ،كانت أولى أمسياته هي أمسيته في نادي الاتحاد السعودي بجدة، تلاها أمسيات كثيرة في الإمارات والبحرين والرياض وفي نادي الأهلي بجدة، وهو المشرف على الكثير من الأعمال الوطنية في كتابة النصوص آخرها مهرجان الجنادرية 1439 هجري . دواوينه: (ما ينقش العصفور في تمرة العذق): صدر عام 1989م. (رسالة من بدوي): صدر عام 1990م. (لوحة ربما قصيدة): صدر عام 1996م. (ومض): صدر عام 2010م. (الأعمال الشعرية) صدرت تزامناً مع معرض الرياض الدولي للكتاب عام 2022م. وضمت خمسة دواوين هي: هام السحب، وشهد الحروف، ورسالة من بدوي، وما ينقش العصفور في تمرة العذق، ولوحة .. ربما قصيدة. تكريم وجوائز: كرمه خادم الحرمين الشريفين الملك سلمان بن عبد العزيز آل سعود عام 2019م بمنحه وشاح الملك عبد العزيز. كرمته منظمة الأمم المتحدة للتربية والعلم والثقافة (اليونسكو) عام 2019م تزامناً مع مناسبة اليوم العالمي للشعر، وذلك نظير إسهاماته الشعرية الفنية الثقافية المتفردة، التي امتدت لأكثر من 40 عاماً.كرمته الهيئة العامة للترفيه عام 2019م في ليلة كان عنوانها (ليلة الأمير بدر بن عبد المحسن: نصف قرن والبدر مكتمل). وقد أعلن رئيس مجلس إدارة الهيئة العامة للترفيه تركي بن عبد المحسن آل الشيخ تسمية المسرح المبني خصيصاً لهذه المناسبة بمسرح الأمير بدر بن عبد المحسن.وفي مارس 2021 أعلنت هيئة الأدب والنشر والترجمة عزمها على جمع وطباعة الأعمال الكاملة الأدبية الكاملة للأمير بدر بن عبد المحسن تنفيذاً لتوجيه وزير الثقافة السعودي الأمير بدر بن عبد الله بن فرحان، وذلك تقديراً لإسهاماته في الحراك الإبداعي السعودي خلال خمسة عقود من الزمن.
سوف يوارى جثمانه الثرى هذا اليوم الأحد
1445/10/26 في مدينه الرياض
رحمه الله وغفر له واسكنه فسيح جناته

من لديه من شعر البدر
فل يتفضل مشكورا ويشاركنا به

[الحمدان]

أتعب على المعنى ويسهرني القاف
ويلذ لي تجريح عذب القوافي

وإلى مزج حبر القلم دم الأطراف
يصير لي معنى على الناس خافي

عندي معاني الشعر تلمس وتنشاف
أنما جرحك الشعر ما هو ب كافي

وان ما لمس في القلب احساس وشغاف
عدّك كتبته فوق رمل السوافي

لاتحسب ان البحر موج ومجداف
ترى قليل البحر ما كان طافي


الأمير بدر بن عبدالمحسن

[الحمدان]

هيه يا غصن تمايل بالدلال
ما تخاف الكسر لا هب الهبوب

وما تخاف الله وتسعى بالعدال
انصف من لحاظ عينيك القلوب

لا متى ذبح العرب عندك حلال
تابت العالم متى عينك تتوب

مير قلبي يا لغضي بيعه محال
ما أقدر أعطي لو تبي مني ذنوب

أشهد إنك بالحلى فقت الخيال
وعيب حسنك كان في حسنك عيوب

شارقة في طلعتك شمس الجمال
وجامع في ضحكتك كل محبوب

الخمل فيني انا ما بك خمال
مشملٍ نوّك .. وانا نوّي جنوب


الأمير بدر بن عبدالمحسن

[الحمدان]

جهّى مطر دمع السحاب المجاهيم
سود العيون اللي انتثر وبلهنه

رمح الشمال اللي طعن مهجة الغيم
شق السحاب وسالت الشمس منه

ساعة غشاني دمعها كنه الديم
دب الوجل في المهجة المرجهنه

وقمت اتذرى بالصبر والتعازيم
بعضي يبوح الخوف وبعضي يكنه

ناديتها واللي يغيث المظاليم
انك ولا غيرك لقلبي مضنه

ان قالوا الحساد داله وانا اهيم
ما نيب انا ارجي من عدوي محنه

قالت تشد .. وقلت بالحيل باقيم
ما في الوطن .. وعيون الاحباب منه

تبسمت شوقٍ .. بحبٍ .. بتسليم
حبيبتي .. والا العدو خاب ظنه


الأمير بدر بن عبدالمحسن

[الحمدان]

سلامة رماحك اللي جرحها غالي
طعنتني غاضب لين أنكسر رمحك

لو قلت لي كان أجرح حالي بحالي
لا عاش قلبٍ جزع وارتاع من جرحك

لاجلك جروحي غدن اليوم عذالي
ذميت ظلمك وأنا من عادتي مدحك

ياليت لي ذنب وألقى علقمك حالي
وياليت بك عدل .. وأرضى فـ الهوى ذبحك

ياسيدي وإن نويت تزيد غربالي
قلي وأنا أبعد ظلامي عن سنا صبحك

لو ما يسرك أطو ل الشمس بجبالي
مايكفي إن عشقت جبالك وسفحك

كل الهوى بالهوى يزهى ويختالي
وأنا الذي في خسارة عزتي ربحك

ياعل ماتزهرالأشجار في رمالي
لو أعتذر عن شموخي في رجا صفحك

سلامة رماحك الي جرحها غالي
طعنتني غاصب لين أنكسر رمحك


الأمير بدر بن عبدالمحسن

[الحمدان]

الله يعين الروح .. كم هي تمنى
شوف الحبايب ساعةٍ عقب حرمان

والله يجازي اللي بلطفه هدنا
وقتٍِ تبدل وأبدل الوصل هجران

أقفى ربيع الحب .. وأدهر وطنا
وشوك الثرى دسناه في درب الأحزان

خاط القدر بسلوك حكمه كفنا
وإلى حكم وش ياترى بيد الإنسان

حنا ضحايا الياس .. نرجي زمنا
ينظر لنا لو يوم لله بإحسان

حنا ليالينا بهوانا رمنا
حنا .. جنينا ونرجي الله غفران


الأمير بندر بن عبدالمحسن

[الحمدان]

ردي علي الصوت .. ردي حياتي
صمتك على شكوى حنيني .. مذله

اما اقطعي حبل الوصل بالنجاتي
والا عطيني باقي الود .. كله

لا توعديني .. عذب الصبر ذاتي
والبعد حالي مع عنا الوجد سله

اشكي الجفا لك .. ما شفيتي شكاتي
الوعد الأول للقا .. فات حله

يرضيك يصبح شملنا للشتاتي
يرضيك نرضي كل نفسٍ مغله

يرضيك لا فرحوا بهمي عداتي
واقفوا يقولون .. الغضي عاف خله

ردي علي الصوت .. يكفي السكاتي
قولي لغيرك ماهفا القلب للّه


الأمير بندر بن عبدالمحسن

[الحمدان]

ينزع الحر .. للعالي المنيف
عادة الحر .. لطام يعاف

ذلني الشوق يالقاسي اللطيف
ولحظة الوصل .. من صدك تخاف

انا قلبي .. جناحٍ له رفيف
يتبع الشمس في الريح الصلاف

للوعد جيت من لون الخريف
وللوعد جيت من طعم الجفاف

ومر في ساعتي وقت ونزيف
ومر في خاطري حزن وزفاف

آه وينك انا مثلك كفيف
وليه قمراك تطلع ما تشاف


الأمير بندر بن عبدالمحسن

[الحمدان]

في زمان الشح .. يصبح للقمر
مثل نور الشمس في الليل العتيم

في زمان الشح .. يصبح للحجر
مثل ما للسيف من قدرٍ عظيم

في زمان الشح .. يملانا الفخر
لا تحدى الظلم كهلٍ أو فطيم

في زمان الشح في وقت الدهر
كل مجدٍ فـ ارضنا يولد يتيم

وش نقول اليوم ياطفال القهر
في القصايد ذل والله العظيم

ما فقدنا السمع ولاكف البصر
مير بين اضلوعنا قلبٍ سقيم

أهلنا صرتوا عناوين وصور
انتذكركم مثل وجهٍٍ قديم

كن ما به ارض لا نهر وبحر
كيف جرح الأرض يشفي في الصميم

علمونا اليأس من صبر وحذر
علمونا القدس ننسى اورشليم

لا سقينا غيث هتاف المطر
كان خضنا الحرب باطفال وحريم


الأمير بندر بن عبدالمحسن

[الحمدان]

سلام يا رمشٍ كسى باهي الخد
سلام يا ذبح القلوب الخليه

انعم من النسمة على خدة الورد
وأغلى سلامٍ لو ترده عليه

كان الجفا منك حصل لي فلا بد
أرضى بعطفك لوه رد التحيه

رد السلام ولي تبسم على قد
ما توجب ظروف الوفا والحميه

وان كان لك قلبٍ غليلٍ على الصد
الله حسيبك صد .. أنا اش في يديه

والله ما يصبر على خاين الود
كود الذي قد خان أمانة خويه


الامير بدر بن عبدالمحسن

[الحمدان]

يا حابس النور في كفوفك
سلِّم عسى ينجلي همك

إنسى الزعل خلنا نشوفك
مدّ العتب نسبح فيَمِّك

الناس ما همها ظروفك
كود الذي يحزن لغمك

إنسى الزعل خلنا نشوفك
مدّ العتب نسبح فيَمِّك

و ان شلت حِملك على كتوفك
بتموت محدٍ ترى يمك

إنسى الزعل خلنا نشوفك
مدّ العتب نسبح فيَمِّك



الأمير بدر بن عبدالمحسن

[الحمدان]

فوق هام السحب وان كنت ثرى
فوق عالي الشهب يا أغلى ثرى

مجدك لقدّام وأمجادك ورا
وإن حكى فيك حسادك ترا

ما درينا بهرج حسادك أبد
أنتي ما مثلك بهالدنيا بلد

والله ما مثلك بهالدنيا بلد
ونستاهلك يا دارنا حنا هلك

أنتي سواد عيوننا شعب وملك
من على الرمضاء مشى حافي قدم يستاهلك

ومن سقى غرسك عرق دمعٍ ودم يستاهلك
ومن رعى صحراء الظمأ ابل وغنم يستاهلك

من دعا لله بشرع وحكم يستاهلك
ومن رفع رأسك على كل الأمم يستاهلك

ومن ثنى بالسيف دونك والقلم يستاهلك



الأمير بدر بن عبدالمحسن

[الحمدان]

وتِرحَل ..
صَرخَتي تِذبَل

في وادي .. لا صدى يوصل

ولا باقي أنين
زمان الصمت ..

يا عُمر الحُزن والشكوى

يا خطوة ما غدت تقوى

على الخطوة ... على هم السنين

حبيبي .. كتبت اسمك على صوتي

كتبته .. في جدار الوقت

على لون السما الهادي
على الوادي ..

على موتي ... وميلادي

حبيبي .. لو أيادي الصمت

خذتني ... لو ملتني ليل

أنا عمري .. انتظاري لك

لا تحرمني .. حياتي لك


الأمير بدر بن عبدالمحسن

[الحمدان]

سيدي قم...
ما خبرت اللي يحب يشتهي النوم

سيدي قم...
لاتنام وفي السماء باقي نجوم

يا جريح البارحه
كيف طبت اليوم

سيدي .. يا سيدي قم

سيدي ...الليل للعاشق نهار

قم معي ... نجمع نجوم الظلام

سيدي ... لو عرفت الانتظار

ما غفا لك جفن .. .يا عذب الكلام

اه لو تدري الهوى والسهر مقسوم

يا جريح البارحه
كيف طبت اليوم

سيدي .. يا سيدي قم

سيدي ... لا تناظرني بغضب

ودي تحس مثلي بالغرام

سيدي ... ما وراك الاالتعب

ليت عيني مثل عينك تنام

اه لو تدري الهوى والسهر مقسوم

ويا جريح البارحة كيف طبت اليوم

سيدي .... يا سيدي قم



الأمير بدر بن عبدالمحسن

[الحمدان]

صوتي تجرح ما بقى غير همسي
وعسى حروفي اليوم توفي بغرضها

کن السنين استكثرت طول عرسي
سبعين غيري ما حصلّه بعضها

ولا بدها يا سعود بتغيب شمسي
ذي سنة رب الخلايق فرضها

ولاعلها حريتي بعد حبسي
ولا علي ألقى عند ربي عوضها

لولاي أحبك ما تذكرت نفسي
ولا انتبهت لعجزها أو مرضها

ومادام أشوفك طاب حزني وأنسي
وما همني حلو الحياة ومضضها

لعل قبل سعود لحدي ورَمسي
أخوي من أثرى حياتي ونهضها

ويا من ذكرني ما تذكرت منسي
ذكرت من عد النجوم وقبضها

أنا الذي لو تلمس الريح خمسي
كان السحاب أرخى العباة ونفضها

هذا الشجن حرثي والأيام غرسي
قصيدتي يبطي الزمن ما نقضها


الأمير بدر بن عبدالمحسن

[الحمدان]

قلت المطر قالت من الـيوم ديـــمه
ما به رعد لا برق ماغير هتان

عشق جمع ما بين قـاع وغيمه
سيّل علي صدر الثري دمع الامزان

همس النديم اللي يـعاتب نديمه
صوت المطر كنّه تعاتيب خلان

تبسّمت لاجل اللـيالي القديمه
وقالت تذكّر قلت يابنت نسيـان



الأمير بدر بن عبدالمحسن

[الحمدان]

استبد..استبد احيان

استمد كل هذا الظلم من ألمي

اتحد من راسي .. لقدمي

واضرب بعواصفي وبزلزالي

واهّدم الناس .. واهدّم بحالي

لين استرد بعض اثيابي من الريح

ولحمي من الشوك..
وابتعد..ابتعد

واحيان ما املك العواصف ..
ولا الزلزال

ولا حتى .. فـ الهجير .. ظلال

لكن استبد..استبد باللي عندي

اضرب بيدي فـ الهوى..

بجبيني فـ الصخر
لين اتعب ..

اتعب..وانهمد

مثل طفل اضناه البكا.. والسهر

وانتي آخر ماأعد في عمري

واجمل ما أعد

اعشقي ظلم الغصون الخضر للحطاب

والجلد للأنياب..والجفن للسكين

اعشقي هالظالم المسكين...

واتركيني انصهر في الشمس

والا ارتعد في البرد

لكن استبد..واسترد اثيابي من الريح

ولحمي من الشوك

وابتعد .. ابتعد



الأمير بدر بن عبدالمحسن

[الحمدان]

ومرت سنه .. على فراقك

على صوتك .. واشواقك

غريب كيف االزمن يرحل

واحلام العمر .. تذبل ..

سنه مرت .. وانا أول ..

حبيبٍ يوقد الشمعه

لجرحه في يوم ميلاده

هلا .. بالحب .. واعياده

وكل عامٍ .. وجرحي بخير

مشيت دروبنا .. خطاوي قلوبنا

ومريت الوعد .. وعدنا العام

ماكان الوعد .. ولا الأيام .. هي الايام

وما ادري ليه هالشارع .. نسوه الناس

ومتى هالمقعد الخالي .. يجوه الناس

حبيبي .. ليه فـ غيابك .. يغيبوا الناس

حبيبي .. ايه والله حبيبي .. ايه والله

نساني العمر.. لو انساه

نساني الفرح .. لو انساه

احبه .. ما ظهر نجم ..

ونبت عشب .. وسرى براق

أحبه .. لا زمن يشقي

جروحي .. لا جفا .. وفراق

أنا هذا الهوى كله ..

وقلبي آخر العشاق ..



الأمير بدر بن عبدالمحسن

[الحمدان]

تخيل

تاقف على طرف الهدب ما تلمحك عيني

عاتبت أكيد إن العتب ما كان يعنيني

سلم أبرد السلام وهذا ترى كل الكلام

اللي بقى بينك وبيني تخيل

اليوم مشتاق لسما للشمس والأرض البعيد

اليوم ولغيرك أنا يطرى على بالي القصيد

اشتقت للقلب الخلي وش هم لو تعتب علي

جيتك أنا بليلة ألم قلبي على كفي

همست لي روح يا غريب الشوق ما يكفي

اللي بقى بينك وبيني تخيل

من وين ومنين ومتى بالله ذكرني

جيتك أنا فليلة شتا تهزني ريح الشمال تهزني

محتاج أنا لبسمة وشال محتاج لك

تركتني لبرد الطريق وأنا على بابك

أتذكر إنك قلت لي بالله وش جابك

ودعتني قبل السلام وهذا ترى كل الكلام

اللي بقى بينك وبيني تخيل


الأمير بدر بن عبدالمحسن

[حسن بن عبدالله]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير

[الحمدان]

احاكي الجدران عن وصف غرفه
ماتشبه الجدران ويطول وصفي

وتملني الجدران واظهر لشرفه
تحت السما واسكر الباب خلفي

ريحٍ تهب وتسكن العظم رجفه
وتموت ريح وتسكن اوراق نزفي

ياطاري الغدران والعمر رشفه
مع قلها ياليتها يوم تصفي

الحب واجد مير الاقدار صلفه
والأرض واجد لكن الحلم منفى

واللي اعرفه راح ماعاد اعرفه
ولاظن يذكرني الى أقبلت مقفي

ماهو حبيبي مورد القلب حتفه
ولا هو حبيبي يفرح بوقت ضعفي

مر ثمر هالليل وأمر قطفه
يالحنظل اللي قمت اذوقه بكفي

متى الشوارع تجمع اثنين صدفه
لا صار شباك المواعيد مجفي

يابنت تو الليل ماراح نصفه
وياليل بعض اللي مضى منك يكفي


الأمير بدر بن عبدالمحسن

[الحمدان]

‏تبكـي عليك اوراق شعـرك وترثيـك
‏حتـي الحبـر ينزف ويبكـي غيابـك

‏مـات الشـعر فـي موتت معاليك
‏عظـم الله اجـرنا فـي جنـابـك

‏يابدر لو غبـت ما غـاب طاريـك
‏نبقي نحبك ونذكرك في ترابك

...

[الحمدان]

على طريقة البدر الذي لا يغيب أقول :

لا غاب نور البدر في عتمة الليل
اشوف نور البدر في جوف صدري

أنا حزين الأمس واليوم بالحيل
لا جف دمع العين ما جف حبري

واقف مع المعنى نعيد التفاصيل
يقول مات البدر يا كسر ظهري !


أصّبر المعنى بـذكر المـواويل
و اصيح بأعلى صوت يا بدر بدري

بدري رحلت وعاد في لك مراسيل
قلت وأغاني من لظى حرف سرّي .

[الحمدان]

من أروع وأعذب قصائد العتاب للبدر.

‏جفا الكلام .. الكلام وجفت أشفاهي
يا مورق الهمس صوتك لا يناجيني

يا زين والله حسافة وردك الزاهي
ينبت على ما تهدم من بساتيني

[الحمدان]

جمع الرمل في ضلوعك غرامْ
واطوِ زندك على ضلعانها

عانق الرمث وعروق الثمامْ
واِصل خدك على صوانها

أرضك اللي بها البيت الحرامْ
أشرق النور من وديانها

ربعت بالمحبة والسلامْ
واعشبت بالفخر صمّانها

الأمير بدر بن عبدالمحسن

[الحمدان]

قالت قصيدك ليل .. سودٍ معانيه
رويانةٍ بالدمع ... وامدادها دم

الى متى يا شاعر الهم تخفيه
والى متى .. تحنى ضلوعك على هم

قلت البكا .. صعبٍ عليه وأنا بيه
لا واهني اللي بكى وما تندم

لي عبرةٍ يلعب بها الحزن والتيه
ولي صرخةٍ .. واتعبت ابلقى لها فم

لا ما كتبت الشعر .. لحدٍ بسليه
ولانيب مداحٍ .. ولا باترنم

احساس لابيعه ولانيب شاريه
مرٍ يجي شهدٍ ومرات علقم

الى لمحتي دم جوفي .. افـ خليه
علىالورق .. لا صار روحك تالم

قلت الشعر يوم إن لي .. راحةٍ فيه
وحزين أنا .. إلى متى .. الله يعلم


الأمير بدر بن عبدالمحسن

[الحمدان]

يا عاذلي .. ما تشوف العين مشتاقة
لولا الحيا جاوبتك بدمعها الصافي

عطني جلد .. كان تنخاني على فراقه
ودي الي من تركته ما أشبح خلافي

لاح الجبين .. وجذبني نوض براقه
حيثه ربيعي .. وورد الخد مصيافي

والغصن لولا المطر ما أخضرت أوراقه
يا كيف عشب الوسم يترك وينعافي


الأمير بدر بن عبدالمحسن

[الحمدان]

لا شاري عقدِ ولا مهدي سوار
لا تلحقي نفسك هموم وحسايف

تريثيي يا قرة العين مقدار
ما تشرب عروق القصيد الوصايف

لا من قدحت الشعر وشبيت لك نار
نارِ على روس الهضاب النوايف

يطرب لها الساري ويسري بها الطار
وتزهر بها عقب المحول الشفايف

باهديك أنا عمر ولاكل الأعمار
يفنى القلم قبله وتفنى الصحايف

قصيدة تولد ورى باب وجدار
سر الضلوع المرهفات النحايف

وإلى أصبحت طارت على متن الأسفار
وغنت بها قبل النفود الصحايف

غيبي وشيبي وإتركي كل ما صار
يبقى جمالك في قصيدي طرايف

وخلي الكواكب من سنا نورك تغار
ولا تلحقي نفسك هموم وحسايف


الأمير بدر بن عبدالمحسن

[الحمدان]

يا صاحبي .. والليالي سود
يا صاحبي .. والزمن صافي

اللي إلى احتجت له موجود
واللي إلى من وعد يافي

ما هو على المرجلة محدود
تقول مكتوف بكتافي

ما جور ياللي رقيت إسنود
عرض الجبل .. وانيٍ حافي

يوم الردى مسكنه فـ .. لحود
مسكنك في راس مشرافي

والله لوفي التحرص زود
كان العمر ما نقص .. وافي

وليت الرخا لا اجتمع والجود
تقاسمه شهم .. وسنافي

الأمير بدر بن عبدالمحسن

[الحمدان]

عيونك لاتوريها

لغيري لاتوريها

عيونك لي ولو أقدر

عيونك عنك أداريها

أنا لو بعت نظراتك

ابيع العمر واشريها

عيون الليل انا بالحيل

أحب أسهر لياليها

وأحب أبكي

وهي تبكي
وأفرح للفرح فيها

حبيبي لو ضمنت اليوم

أعيش الشك في باكر

يجي مستقبل الايام

يغير في هوى الحاضر

يغيرك الزمن بعدي

تعلم طبعه الغادر

أخاف عيون مايدرون

وش اللي يجرح الخاطر

وعيونك آه .. لو يدرون

حياتي فيها للآخر

عيونك لاتوريها

لغيري ..لاتوريها

الأمير بدر بن عبدالمحسن

[الحمدان]

لليل احبك مابقى في السما نور
والى ضواني الليل .. للصبح أحبك

واللحظة اللي كلها عند وغرور
أشوف قبري بين عينك .. وقلبك

في صدري سراجٍٍ حزينٍٍ .. ومكسور
رغم المطر والريح .. شلته في دربك

والله مابه غير لوعاتي قصور
وخوفي عليك الله ربي وربك

ما بي جهد ابني على صمتك جسور
لا حيرتني أسباب سلمك وحربك

العمر أحبك .. مابقى فيني شعور
والى جفاني العمر .. وشلون أحبك

الأمير بدر بن عبدالمحسن

[الحمدان]

نامت الشمس .. واستيقظ عناي
حال دون الكرى طيفٍ ضوى

ساعة أقبل نطحته من عماي
وصحت يا سيدي .. طال النوى

أحسب إنك معي ليتك معاي
يوم ضميت بيديني الهوى

يا بعيدٍ عليه انزف دماي
لاقضى الصبر .. ولا الشوق ارتوى

نبتة الدم .. تورق في حشاي
من سببها ترى حالي ذوى

وين أنادي ومين يسمع نداي
صرختي فيك .. وسكوتي سوى


الأمير بدر بن عبدالمحسن

[الحمدان]

كل ما أقفيت . . ناداني تعال
وكل ما أقبلت عزّم بالرحيل

وكل ما أجنبت واعدني شمال
يا أهل الحب ضيعت الدليل

الحقيقة غدت مثل الخيال
هو عدوّي . . وهو أغلى خليل

شفت أنا الظلم من بعض الدلال
يجرح القلب لو كانه جميل

أشهد إن الهوى ما به عدال
هو خلي . . وأنا قلبي عليل

وكل ما قلت له يا ابن الحلال
المحبة عطا . . وانت بخيل

التفت لي وهو عجل وقال
لذة الحب في الشي القليل

الأمير بدر بن عبدالمحسن

[الحمدان]

على النوى علمي .. بهم هجعة الليل
نجل العيون من البكا كحلها سال

واليوم غير الياس.. قل المراسيل
يا من يطمّني عسى ليلهم طال

الله على اللي ما صفط لي غرابيل
لاشك شرع الحب همٍ وغربال

قفّى ولي في حجر عينه تعاليل
تقول يا ذا البعد نجزيك بوصال

وتعلقت روح الليالي المقابيل
و يا عنك ما يامن من الوقت رجّال

لا ما علي لو دمع عيني هماليل
الموت دمع القلب لا صار همّال

الأمير بدر بن عبدالمحسن

[الحمدان]

أقوم بجبالٍ ولا أقيم في سفح
لو أطعموا لحمي لعوج المخالب

يابنت مابه ذنب يصعب على الصفح
كود الهوان وعيش سحم الثعالب

لاوالذي كرّم جديلك عن النفح
العز ماهو بين شاري وجالب

الله خلقنا .. تلفح وجيهينا لفح
حر السمايم في عزيز المطالب

سوى رضينا أوطفح كيلنا طفح
عض النواجذ طبع والطبع غالب

الأمير بدر بن عبدالمحسن

[الحمدان]

لا والذي سواك ما اريد سلواك
ما أخبر به نفسٍ تمنت قدرها

وكان التفرق يا ادعج العين عناك
أنا الذي روحي عذابه صهرها

والله لو ما اعي .. نفسي برجواك
واجزم وَكاد إنه يهمك خبرها

لأطفي شعاع العمر .. لا غيّب ضياك
عميت عيونٍ ما يطولك نظرها

أغلي حياتي .. من ثواني بها ألقاك
لولاك ما تسوى حياتي كدرها

ودنيا خلت من صافي الود وياك
يا عل تكسف شمسها مع قمرها


الأمير بدر بن عبدالمحسن

[الحمدان]

كل ما دعاني الشوق للقلب الأول
القى مكان القلب في الصدر تنهيد

وطيوف ذكرى في الحنايا تجول
تجمع صور وأوراق من باقي العيد

مدري سبقني الوقت والا تحول
أخلف ربيعي وادهرن المواعيد

أو هو الصبا .. نجمٍ رقى ثم حول
غاب وسما وجهي مشيب وتجاعيد

أحبابنا ليت الذي راح طول
وليت الذي باقي لما فات تجديد

انتم مثل قلبٍ عرفته امنول
وأصبح مكان القلب في الصدر تنهيد

الأمير بدر بن عبدالمحسن

[الحمدان]

على طريقة البدر الذي لا يغيب أقول :

لا غاب نور البدر في عتمة الليل
اشوف نور البدر في جوف صدري

أنا حزين الأمس واليوم بالحيل
لا جف دمع العين ما جف حبري

واقف مع المعنى نعيد التفاصيل
يقول مات البدر يا كسر ظهري !


أصّبر المعنى بـذكر المـواويل
و اصيح بأعلى صوت يا بدر بدري

بدري رحلت وعاد في لك مراسيل
قلت وأغاني من لظى حرف سرّي .

[الحمدان]

تنتظر مني حكي ..

المس على صدري و تشوف

كم خفقه اتعبها الوقوف !

وكم عبرة جت لك تشتكي !

المس على صدري شوي ..

ترى الشعور اللي قتلني

بغيبتك .. طوّل شوي!

شف كيف عيني تنكسر..

والخاطر اللي منكسر

قلبي.. و إحساسي .. و أنا !

شف كيف جرّحنا الظما ..

يا صاحبي قلبك عمى !

ولا إنت ما ودك تشوف ؟

عطني يديك ..اشتقتها ..

لو تدري كيف احتجتها..

احتجتها وعجزت اقول !

و إن قلت .. خالفني الكلام !

خايف علي من قسوتك يا قوتك

شفني بعد ما مرّ عام!

و الشوق ما مل و تعب

خذني و علمني الكذب

و إني انا ما عاد احب!

و ان الكلام اللي مضى
ماضي ولا اظنه يعود ..!

و لا تعال احضن يدك ..

و اسمعني لا قلت و حكيت

و اسمح لي لا مني بكيت !

يا صاحبي ليتك تعود ..

رجع لي قلبي .. ولا تعود

و ان ما حصل لك مرني ..

و المس على صدري وشوف..

وش كثر بعدك ضرني !


الأمير بدر بن عبدالمحسن

[الحمدان]

الـبارحـه والـقـلـوب اصـحـاب

كـنـت الـقـمـر وانـت تمدحني

والـيـوم لـي مـخـلبيـن وناب

ومـشـاهـد الـدم...يـفرحـني

كـذاب...هـذا الـمـدح كــذاب

وكـذاب ذمٍ ......يـجــرحـنـي

إنـسـان مـانـي نـجـم و شهاب

ولـيـتـك مـلاك... وتـصـلحني

لا صـرت عـاري وانت علي ثياب

بـالـلـه.. وشـلـون تفضحنـي

اخـطـيت واخطيت كـافـي عـتـاب

انـطـق بـحـكـمـي ...وريـحـني

يا صـاحـبـي.. ماقـطـعت رقاب عـدل قـصـاصـي ...وتـذبـحـنـي

ولانـي بـعــد أجـمـل الاحـبـاب

الأجـمـل انـك تـــسـامـحـنـي

*
البدر

[الحمدان]

لا والذي سواك .. ماريد سلواك
خبر بها نفس.. تمنى قدرها

كان التفرق .. يا دعج العين ..عناك
انا الذي روحي.. عذابه صهرها

والله لو ما اعيش روحي .. برجواك
اجزم وكاد انه .. يهمك …خبرها

لاطفي شعاع العمر.. لأغيب اضياك
عميت عيوني ما يطولك …نظرها


البدر

[الحمدان]

يالله لاتقطع رجا كل مشتاق
يا رب الحلم يصبح حقيقه

وانا ادري ان الوصل تاليه
لفراق
ولولا الامل ..ما تحمل النفس ضيقـه
امس سرى في تالي الليل براق
قلبي يفز لنوضته بتخفيقــه

وسم بكور صادق الوبل دفاق
لو شافه الظميان ..يبتل ريقه

عله على دار الوفا .. دار الاشواق
دار صفت لأهل القلوب الرقيقــه


البدر

[الحمدان]

ابا اتنفس دام لي بالنفس حق
ياللي قصيدي فيك من حر الانفاس

والله يالولا عبرة الحبر الازرق
دمع نثرته من عذابي بقرطاس

لا قول احبك .. لين بدموعي اشرق
وقبل الصديق يحس بي نايد الناس

الى متى .. وصلك من العمر يسرق
دونك ودون الوصل .. باب وحراس

انا فـ جبيني الشمس تظمي ..وتعرق
وانته بشوبا القيظ .. ري ونسناس


البدر

[الحمدان]

لا تجرحيني ..جرحك العام العام ما طالب
داوي بحنانك ما مضى ..واجرحيني

ياللي حنانك نظرة بين الاهداب
ردي علي بعض العزا ..ناظريني

خافي على قلب يحبك اذا ذاب
ذاب الهوى في خفقته ..والحنيني

لولاك ما زار القمر ليل الاحباب
ولا لوحت شمس المحبه جبيني

ولولاك ..ما يلفي على الدار غياب
ولا تبكي اللي فارق الدار عيني

في غيبتك كل الملا عندي اغراب
ما حد ابي قربه .. ولا حد يبيني

لا يا غلا كل القرابه والاصحاب
ضاع العدل في الناس لو ..تظلميني


البدر

[الحمدان]

سود العيون اللي انتثر وبلهنـه

رمح الشمال اللي طعن مهجـة الغيم

شق السحاب وسالت الشمس منه

ساعة غشاني دمعها كنـه الديم

دب الـوجل في المهجـة المرجـهنـه

وقمت اتذرى بالصـبر والتعازيم

بعضي يبـوح الخـوف وبعضي يكـنه

ناديتها واللي يغـيث المظاليم

انك ولا غيـرك لقلبي مضنـه


البدر

[الحمدان]

( تالي نهار )


تالي نهار وعاتق الشمس مذبوح
والوقت لو تدرين للوقت ذباح

كن السما صوتً من الذعر مبحوح
والليل خيلٍ سود للضي تجتاح

وسحايبٍ فوق الشفق كنها قروح
على جبينٍ ما شكى كثر ما طاح

لاذت عصافير المسا في ذرا الدوح
وتنفس سراج الوهن بين الألواح

حبيبتي ضاق الفضى وين باروح
وان رحت ظلم النفس للنفس ما راح

مجروح ماهو هم لو قلت مجروح
يالله عسى ما اصير في قلبك جراح

تبسمي برقٍ على ثغرك يلوح
بشد له مدام في العمر مـرواح

غزيت وجه الصبح من غير مصلوح
وانكفت دون الشمس هقوات ورماح


البدر

[الحمدان]

( تعبت اسافر)


تعبت أسافر في عروقي ومليت
من جلدي اللي لو عصيته غصبني

ياما تجاوزت الجسد واستقليت
عن الألم .. لاشك جرحي غلبني

أنا سجين الحال .. مهما تسليت
وانا الطليق وكل شيٍٍ قضبني

حريتي لاعل .. يا كود ياليت
اما شفت حيٍٍ جاد لي ماسلبني

وليت يا ليل التباريح وليت
اما محاني الحزن والاكتبني

كل السما في دفتري وان تجليت
مثل الشموس .. غبار قبري حجبني

لي صاحب وان ما تخلى تخليت
لا بد ما نهدم .. ولا بد نبني


البدر

[الحمدان]

أنا ما أشير بالفرقا ..

ولا أحدك على المقعاد

تخير في طريق الوصل ..

والا درب هجراني

حرام الوصل ما يجمع

قلوبٍ عن هواها بعاد

وبعض البعد لو عذب

يجمع بين خلاني

تحسب ان الهوى ضحكة

دقايق عشتها في ميعاد

إلى ما رحت تنساها

وتنسَى الوعد وتنساني

ألا يا صاحبي .. الرفقة

ترى مَا هِى ثياب جداد

تبدلها متى مليت

وتلبس غيرها ثاني

إلى ضاع الوفا .. مابه

هوى بارجيه أنا .. ووداد

ترى ذا الفرق ..

بين أقرب قريب ..

وبين عدواني

تحاكيني بطرف لسان

وهرجي من صميم فواد

وتاقف من بعيد ..

ويم درب الموت تنخاني


البدر

[الحمدان]

( تغريد )


ياللي خذا شعره من الطير تغريد
ومن مدلهم الغيث صافيه لا جاد

ومن كل روضٍ عله السيل ترديد
ريح الزهر ومداعب الريح الأفناد

ومن كل صبحٍ بدد الليل تبديد
دفا الشعاع وفرحة النور لاباد

جاني قصيدك مثل عقدٍ على جيد
الجادل اللي كلها زين وعناد

ما هي من اللي يدلهون المواعيد
حشا ولا هي في الهوي صيد من صاد

وتلفتت روحي لحسنا من الغيد
واشتب في قلبي من الشوق وقاد

ولمست قلبي لين كله تجاعيد
شاب الهوى يا ليت ما فات ميعاد

يا بو حمد ما عادلي في الهوى سيد
وغيره فلا والله ما نقبل اسياد

وين الذي وصله على العين تسهيد
(ولا ودي اقطع درب لاماك برقاد

يابوحمد وين وصلتنا التناهيد
ضاع العمر ما بين قرطاس وامداد

وانا احسب الشعر صعب المواريد
ماهو غديرٍ ينضحه كل قصاد

يوم امتلا هالجو حشو ومفاريد
راع الجمل معذور لو كسر إشداد


البدر

[الحمدان]

( البدر )

تل قلبي .. تل طيرٍ على طلعٍ وكيد
جود المقرود سبقه وعيا يطلقه

يوم فاع اركى جناحه على قاسي الحديد
وانكسر ريش النداوي ولا الله وفقه

يكفخ القلب المشقي على الخل العنيد
ما وفا بالعهد لا شك قلبي صدقه

واهني اللي على الحول ينبت له جديد
وش سواة اللي جناحين قلبه محرقه

يا لطيف الروح وبحق خلاق العبيد
اكرم المملوك بالوصل والا فاعتقه

البدر

[الحمدان]

( الهوى لو تمنى )


الهوى لو تمنى .. سلوته مستحيله
واعذاب المعنى كان روحه عليله

لا بغى الوصل منا من ضافي الجديله
عود موزٍ .. تثنى وش رماني بسبيله

سهم عينه رمنّى والرموش الطويله
خبروا الزين عنّى لي نشد عن قتيله

كل خلٍ .. تهنى في الهوى مع خليله
فاتنا السعد حنا يوم نفسه بخيله


البدر

*

[الحمدان]

( الوله )


يطري عليه الوله .. وأطري على باله
يامرحبا لاضوى خلي على بابي

هجيت حدب الضلوع ونوخ جماله
لاجله بكت دمعتي ولأجله ضحك نابي

وكل ما ضحك لي لمحت النور في آماله
والى تجهم سترت السقم بثيابي

وكل ما شكى من عنى همه وغرباله
أقول لعل به جرحٍ من أسبابي

طال الحكي ما لقيت الوصل بوصاله
لاني حبيبه ولا هو أقرب اصحابي

ناديت طاري المحبه مالنا وماله
بالحيل أنا وانت ربع وكننا أغرابي

يا زين كانك حزين .. فحالتي حاله
بكفيك همك وأنا بصبر على مابي

لو الشجر له نصيب فـ بارد ظلاله
ماحرق القيض جفني وأنت فـ أهدابي


البدر

[الحمدان]

( الوعد )


يا صـاحبـي طـالـت علـي المسـافـه
كل ما نشـدتـك قلـت لـي الـدرب قـدام

وعـدك مثـل بـاكـر أحبــه وأخـافـه
ولا ينقضـي بـاكـر علـى طـول الأيـام

ما اقـول ضـاع العمـر عنـدك حسـافـه
انت الـدقـايـق عشتـها وانـت الاعـوام

ودي ربـيـع العـمـر يـسبـق جفـافـه
يا مسقـي العطشـان من كـاس الأوهـام

كـانـك تعـاف الجـرح حنـا نـعـافـه
وما سهـرت عيـوني تبـي عينـك تنـام

ومـن لا ذكـر منـك جـميـل خـلافـه
ما يملكه وعـد تـرى السـعـد قـدام


البدر

[الحمدان]

( الندم )


خل الندم .. يا مضيع الود يسقيك
كاس الهوان .. وذل نفسٍ تمتك

وخل الهوى يملا بعذابه لياليك
مثلي .. وأنا ساهر جروحي بسبتك

شْف ما بقى لك من غلا كود طاريك
واتلى الذكر للي مضى من محبتك

انا الذي بجروح روحي اداويك
وبشفاي اجفف دمعةٍ فوق وجنتك

كان الدلال .. وزينك اليوم مطغيك
ترى الجفا كدّر على النفس لذتك

وكأنك قصدت تذلني في تماديك
روح المعزة عن ردى القصد ردتك

ياصاحبيى .. ما بعت ودّي وأبا أعطيك
غالي الوفا لو عاد ترجع مودتك


البدر

[الحمدان]

( اللوعة )


ياللي نسيت الزمن وقلوبنا تعده
كم ليلةٍ غبت والهاجوس يلعب بي

لا انت مع القلب يالغالي ولا ضده
كله سوى راحتي والا تعب قلبي

يسيل قلبي على الخدين .. وارده
خبرت قلبٍ من اللوعات ينحبي

وان قلت لا بد يبرد زادت الشده
شقيت انا منك والشكوى على ربي

يا من يغيب القمر لا من ظهر خده
الزين زينك وانا كثر الوله ذنبي

من عانق السيف لازم يجرحه خده
ومن يعشق الجمر فيه النار تشتبي


البدر

[الحمدان]

( القاع والمسافة)

انا احبك مابها زيف وخداع
رغم الذي نخفيه .. واللي نخافه

أودعك .. ليت الألم لحظة اوداع
إلى مضت .. ننسى الألم والحسافه

وأفارقك.. لوالسفر .. يم وشراع
وبعد الفراق .. اللي نوده نعافه

لا صار مافي البعد راحه لملتاع
بالله وش نفع التعب والكلافه

من الجفا والصد .. يكفيني اذراع
لا جف نهر الحبماتت اضفافه

املي يدك رمل وترى هذي القاع
ومدي النظر .. تدرين وش هي المسافه


البدر

[الحمدان]

( الغراب اللي نعق )


ليت ها العين ضاقت بالحدق
قبل جدرانها بوجهك تضيق

والله اني صحيت من الأرق
راحلٍ لا مكان ولا طريق

ما سمعت الغراب اللي نعق
وين مثلي .. على مثله يفيق

منزلي في الطويل الي شهق
ومنزله قاعة الوادي السحيق

قالو الحاقد بدمك شرق
قلت ما أظنه لمدحي يطيق

كنه الشوك في ثوبي علق
يوذي الشوك ولا يقطع طريق

كثر ما الريح تعبث بالورق
وتوقد أغصانه الصفراء حريق

وكثر ما شوه العج الشفق
وقص من جيده عقود العقيق

وكثر ما صابني وأخطا التفق
لين ما أصحبت من خوفي طليق

وكثر ما نز في كفوفي العرق
من سلام على غير الصديق

اتركيني على باقي عبق
غيمة العطر من عمري العتيق


البدر

[الحمدان]

( الليل والوعد )

الله عليم .. إني مليك وأنا حر
لأجل الهوى .. رضيت أنا بظلم سيدي

من عادتي .. مالي جلاده على الضر
واليوم أنا لرضاه باقطع وريدي

لأجله غديت أستعذب العلقم المر
وأضمد الجرح القديم بجديدي

اللي فــ .. وعده لو طال الليل يقصر
وكل لحظة تمضي .. فعمري تزيدي

وسحابه للدمع لاغاب تمطر
تسقي على شفاهي خزامي قصيدي

*البدر

[الحمدان]

( العمر أحبك )



لليل احبك مابقى في السما نور
والى ضواني الليل .. للصبح أحبك

واللحظة اللي كلها عند وغرور
أشوف قبري بين عينك .. وقلبك

في صدري سراجٍٍ حزينٍٍ .. ومكسور
رغم المطر والريح .. شلته في دربك

والله مابه غير لوعاتي قصور
وخوفي عليك الله ربي وربك

ما بي جهد ابني على صمتك جسور
لا حيرتني أسباب سلمك وحربك

العمر أحبك .. مابقى فيني شعور
والى جفاني العمر .. وشلون أحبك

البدر

[الحمدان]

( العين مشتاقه )


يا عاذلي .. ما تشوف العين مشتاقة
لولا الحيا جاوبتك بدمعها الصافي

عطني جلد .. كان تنخاني على فراقه
ودي الي من تركته ما أشبح خلافي

لاح الجبين .. وجذبني نوض براقه
حيثه ربيعي .. وورد الخد مصيافي

والغصن لولا المطر ما أخضرت أوراقه
يا كيف عشب الوسم يترك وينعافي

البدر

*

[الحمدان]

( العشق والعتب )

السهر وقدةٍ تصلى الجروح
والهوى ما بكت عين الجريح

في الجمر دلةٍ صفرا تفوح
وأنا قلبي على الشكوى شحيح

اقشر العشق عشقٍ ما يبوح
لين يفنا عتب أو يستريح

اقضب الليل تكفى لايروح
دام لي با الصدر عرقٍ يصيح

باكر وادع وفراق ونزوح
تطلع الشمس ونجومي تطيح


البدر

[الحمدان]

( الصاحب )

يا صاحبي .. والليالي سود
يا صاحبي .. والزمن صافي

اللي إلى احتجت له موجود
واللي إلى من وعد يافي

ما هو على المرجلة محدود
تقول مكتوف بكتافي

ما جور ياللي رقيت إسنود
عرض الجبل .. وانيٍ حافي

يوم الردى مسكنه فـ .. لحود
مسكنك في راس مشرافي

والله لوفي التحرص زود
كان العمر ما نقص .. وافي

وليت الرخا لا اجتمع والجود
تقاسمه شهم .. وسنافي

البدر

[الحمدان]

( الطير )

واطيري اللي زودوا فيه الأثمان
اشعل ظهر والصدر يجهر شعاعه

لو له شبيه في الملى هو غزالان
راجي عل زينه يزود بشـجاعــه

خذته ولاني يا هل الطير ندمان
من عادتي ما نيب اسوم البضاعه

الى ركز في مجلسي طير حوران
وتجمعوا عندي كثير الجماعه

وشلته على كفي كثير الغثا هان
عندي غدى للهم مثل المناعه

لا صرت فيما تطلب النفس بلشان
اترك طمان القاع وارقا برفاعه

وباكر تصاريفه على عالي الشان
من يضمن الدنيا ولو ربع ساعه


البدر

[الحمدان]

( السراب )

قال السراب وقلت ظامي لسـرابه
قال الهلاك وقلت لعيون الاحباب

يا لايمي في حب متـرف شـبابه
الموت حق ولاتبـرق بالاسباب

كانه ذبحني صـاحبي من عـذابه
ماابي لدمي يا هل اللـوم طلاب

الـجادل اللي فيه زيـن ومهابه يفز له قلبٍ .. وتخضع له أرقاب

في حجر عينة لي غديـر وسحابه
وفي وسط قلبي له تناهيت وعتاب

إن قلت أحبه يكفي القلب مـابه
وان قلت أنا مابيه ..باصير كذاب

البدر

[الحمدان]

(انتي المزين)


شبي الونس واملي الهبايب بالاصوات
وعدي ضواري وحشتي عن ضلوعي

روحي خلا .. سكانها خوف وسكات
وليلٍ ملا قلبي .. ظلامه يروعي

ما هوب صدري .. ذي مداهيل الآهات
وماهوب جفني .. ذي مقابر دموعي

حبيبتي وان قلتها بعض الأوقات
من عزتي .. ماهي ترى من خضوعي

أهواك لي فوق الشواهيق رايات
وعلى حصون الياس تزحف جموعي

واهواك ورقاب المغلين محنات
واننتي المزين تنتخيني فروعي

واهواك مراتٍ .. واعاتبك مرات
بالله .. لا تبكين بردي وجوعي

إن طحت فـ اطوي الياس من حب الأموات
هذا رحيلي عنك.. واتلى رجوعي


البدر

[الحمدان]

(اغفر لي الزله )

أبيك في كلمةٍ لو هي خطا تغفـر لي الزله
وردتك ظاميٍ وان عز وصـلك بااقطع حبالي

أحبك ذا ترى أول كلامي .. وآخره كله
ولكن وش يضر اليـوم لو تدري عن احوالي

وخذ ما جـاز لك من هالحكـي واللي تبي خلـه
انا لا قلت ما في خاطري والله ما بالي

ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي

وتقـدر تطـوي الدرب البعيد وتقـدر تفـّله
ولكن صعب تمنع في الهـوى صبري وترحالي

وتقـدر تغمد السيـف الرهيف وتقـدر تسلّه
ولكن عـند خلاّق البرية علم الأجالي

متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي

حبيبي من يعـزك في الهوى ما تقدر تذله
ترى قربك يزيدك بالغلا وان عفتني غالي


البدر

[الحمدان]

((أنا النخيل ))



بين القلم وأصابعي والورق شوق
عشرين حولٍ .. من كتبت القصايد

من يوم بان القلب .. واخفيت بالموق
دمع .. وغـدالي بالمحبه .. وعايد

كتبت ما كني على الشعر مسبوق
وقريت ماكن افـ قصيدي .. جدايد

ونزفت لين اتعبت لا حصل اعروق
وسهرت لين امست نجومي قلايد

وصرت الليالي بين عاشق ومعشوق
وصرت الوصل مابين حاضر وبايد

أنا النخيل وشعري اظلال وعذوق
وانا السحاب اللي على الناس جايد

وفـ ليلةِ حسيت من جرحي اعقوق
وقف النزيف وما بذي له عوايد

صار الورق مابين مهمل ومشقوق
وحار القلم ما بين ناقص و زايد

من الشعر مليت ياحادي النوق
و من الجروح اللي .. تمل الضمايد

و من الحروف ونقصها مع هل السوق
وكذب الحسود .. وهم راعي المكايد

ومجاد لي في كل ساذج ومطروق
وخوفي على غر المعاني الفرايد

عشر السنين وعشر .. والجوف محروق
ما غير أشب أطراف ليلي وقايد

مانيب ادور من ورى نزفي احقوق
و لا ابي من سهر عيني فوايد

لو ما بقالي في الملا غير مخلوق
لا من ذكر شعري .. جفته الوسايد

كني بجبين الشمس .. والليل مفروق
وكني بدمعٍ .. فوق خده نضايد

افداه عمرى .. ماشكى صاحبه عوق
لاشك ما في النفس لو قيل كايد


البدر

[الحمدان]

(( البتول ))


كـل أرضٍ تشيلك يـا ثـقيـل الحمــول

وكل وقتٍ كريمٍ بالرضا والزعل

وين مـارحت تلقى لك حبيب وعـذول

وين ما كنت تلقى مثل ياسـك..أمل

ياطـريق الترجي والوله والـنـحول

والله إني مـشيـتـك... لـين حد الـثـمل

مالقيت فوصولي لغـير قــبري وصول

ولا عـرفت فـحياتي مثل عرفي الجهـل

لا تظـن المـسافر مـن يسوق الـرحول

مـن وقف دون حلمه عاجزٍ ما رحـل

وما لمخلوق منجا في الحذر والجـفول

مـا تـصيب السـهام ولا يـطـيـش الاجــل

الـلـيـالي خـــــوات.. مــير مـنـهـي البـتــــول

والحــوادث عـشــــايـر مـير ويــن الفـحـل

ليلةٍ لـك .. وليله بـالفـــرح مــا تـطـــــــول

ولـيـلـةٍ مـن شــهــدهــا ذب راس الــجبـــل

أتذكّر في عين الشمس طفــلٍ خـجـــول

شـالـتـه فــي هــدبــهــا وقـت لــين إشـتـعــل

أعجب الناس وهجـــه بالجــدل والفـضــــول

ما دروا عن (جمـــال الجـرح) لــين إنـدمــل

والله اني كتـبـتـه في العطــش والذبـــــول

لــين غــصــنــه تــعـــدل بـالــورق وإعـتــدل

والله إنـي كــتـبـتـه لــــين قـــــــال الجـهــــــول

والله إنـي كـتـبـتـه وانــتــشـى واحـتـفــل

ما أتفه الشعر كانه هالحكي اللي نقول

لا تـعـدى الــمــــديــح ولا تـعــدى الـغـزل

إن لثمت الزهــــــور وصــــاحبتني الحقــــول

مـاهقيت ان صافـي الشهـد عيب النحل

مابقى في ضلـوعي كود ريـح مـعـمــــول

وثــــوب شـاشٍ عـليه مــن النــدامـه وحــل

ألـتـفـت للـطــــريــــق ومــا عـــبر مــنــه زول

فـــي جـفــوني تـزاحم عبرتي والـوجــل

طـلـت يالعـمر والا قــلــعـتـك لا تـطـــــــول

طــاولــتـنــا الـلـيــالي بالـســــهــر والــمــــلـل

إن تـعـبـنــــا نـــحـب ولا لــقــيــنــا قـبـــــــــول

مـا تــسـر الامـــانـي .. ولا يـفيـد الـعــذل

لكن .. الله كريم وكل همٍ يزول

مـا على الله بعيد .. ولا جـفـاك الـمـحـل

كـل أرضٍ تشيلك .. يـا ثـقيـل الحمــول

وكل وقتٍ كريمٍ بالرضا والزعل


البدر

[الحمدان]

عن كل نجم ظهر بسدل أجفاني
لعل ما عيش حزني لحظة غروبه

وعن كل خلٍِ طويل الصمت كفاني
الصاحب اللي قليل الهرج عذروبه

وعن كل ثوبٍ جديد باالبس أكفاني
وأدله ولا ألقى رسايل هم في جيوبه

أنا الجفا ليه أخاف الناس تجفاني
وأنا الحبيب الذي من يعشق عيوبه

راعي الوعد وأن صدق مرة ولاقاني
يحتار بين السراب وقلب محبوبه

يامن عذابه يشققني ويرفاني
فرقاك غصب علي بالحيل مكتوبه

خبرت نصف تعب من نصفه الثاني
بعضي الرماد وبعضي نار مشبوبه

البدر

[الحمدان]

الله يحبك كثر ما شقّق البرق

سود الدياجي وانبت الغيث وارق

والله يثيبك كثر ما بان من شرق

نجمٍٍ وغاب فـ لجة الغرب شارق

ياسدرةٍ في نجد يلقى بها الورْق

للنوح غصن وللمعالي بيارق

لك الشموخ لباس.. عاليك للعِرق

وباقي النساء خرص الذهب والعشارق

والله ما مثلك كتم آهة الحرق

وما كن مسّك من لياليه حارق

وقتٍ إلى منه كسر رمحه الزرق

بالنار يودع في الحنايا مطارق

ياهيه حوّل مثل ما تشتهي وإرق

وإفطن لقبرك بين هاك المفارق

الوقت يسرق باقي أعمارنا سرق

ما نجتمع .. إلا وحنا نفارق

ياعمتي بعض العزا يتعب الطرق

ما ينكتب والحرف بالدمع غارق

كل شكى لوعة لياليه والفرق

في اللي يبي ما عند رب المشارق

البدر

اهداها الى صاحبة السمو
الملكي الأميرة
البندري بنت عبدالعزيز
بن عبدالرحمن آل سعود

[الحمدان]

يازين مافي العيون نعاس

والقلب مشغول بهمومه

اما معي نطرد الهوجاس

والا لك النوم وحلومه

هذي نجوم السما .. جلاس

وعيبٍ على العاشق القومه

لاجل الهوى عذبونا الناس

ومن بيح السد ما الومه

انفاسنا ماغدت انفاس

من حرها دوم مكتومه


البدر

[الحمدان]

أنشد البحار على سر الحنين

عن قصيد البحر .. وجروح السفين

عن حبال الشوق تظمأ للشطوط

عن حروق الملح في شفاه السنين

ما عرفت الغوص في اليم المخيف

ولا رهنت العمر في الدر الثمين

جيت أنا من نجد .. في قلبي الرياض

وفي عروقي التهم .. والبيت الأمين

في كفوفي تصرم نخيل الحسا

ومن ذواري الرمل غادي لي جبين

جيتكم .. والعشق يطرحني سؤال

هو صحيح الشط له صدر ويدين

عانقتني بيوتكم .. وأنا بعيد

ما عبرت الجسر .. ما شفت القطين

ياهوى البحرين مريت الديار

عابرٍ والقلب باللهفة ضنين

لين حطت بي رحالي في هواك

البدر

[الحمدان]

يا اجمل الحزن .. لدموعك سلام
من حبيبٍ ... بقى منه الكلام

وين انا منك .. غربني الزمان
وخانني النور ... وابعدني الظلام

لو بعزيك ... سالت دمعتي
تدري الدمع في حبك ... حرام

لو بواسيك ... مايكفي الهوى
ولو أبي ... عذر مايكفي الغرام

أعطنى من عذابك يا البعيد
صرخةٍ ... تجعل ظلوعي حطام

آه ...لو في يدي أبكي معاك
قطرةٍ مادرى عنها الغمام

ماابخل الوقت ... يحرمني البكا
وانت لجلك حرمني الإبتسام

يا اطهر الحزن ... لو كان القصيد
يكشف الغم عن بدر التمام

لكتب الشمس شعرٍ في سناك
وامحي إمن السما...عج وكتام

ياعسي البدر نوره مايغيب
عن حبيبٍ بقي منه الكلام
**
البدر

[الحمدان]

تل قلبي .. تل طيرٍ على طلعٍ وكيد
جود المقرود سبقه وعيا يطلقه

يوم فاع اركى جناحه على قاسي الحديد
وانكسر ريش النداوي ولا الله وفقه

يكفخ القلب المشقي على الخل العنيد
ما وفا بالعهد لا شك قلبي صدقه

واهني اللي على الحول ينبت له جديد
وش سواة اللي جناحين قلبه محرقه

يا لطيف الروح وبحق خلاق العبيد
اكرم المملوك بالوصل والا فاعتقه

البدر

[الحمدان]

قالوا حروفي عمي وعيونك بروق
مافي قصيدي جنح ليلٍ وبارق

قلت الذي له داخل ضلوعي حروق
أقرب من اللي في سما الناس شارق

غيري يشوفك وأجود الشعر مطروق
وأنا أحسـّك وأصدق الحب فارق

ياللي عيونك دم وعيونك عروق
ولهاث قلبٍ فـي نواعسك غارق

أقول أحبك يخرج البحر صندوق
تبرالغزاة وكنز سود البيارق

وأقول أحبك صدرالايام مشقوق
عن وجه غرناطه وعن مهر طارق

وأقول أحبك والله إني من الشوق
ألقا طيوفك في جميع المفارق

كتبت لك قلبٍ من القلب مسروق
ولا طاب لي وصفٍ من الوصف سارق

البدر

[الحمدان]

وغيبي ياشمس اللي ضيها لغيري..

اه .. لو تعرفي وش كثر انا

احبك.. لو كنتي تدري بي

ياعيونها السود.. مابه احد

موجود.. غيري انا الموعود

جرحي.. وتعذيبي..

ياحلوتي ضاع الوعد.. وباكر بعد...

مري على دروب الجراح..

وتلقين احد غيري...

البدر

[الحمدان]

كيف أبا أروي حنيني .. بالظما
يا ممنى حياتي .. بالسحاب

وين غيث المحبه .. ما هما
اجدبت بالحشا أرض العذاب

واشتكت من تجافيك السما
كيف ترضى عليّ .. طول الغياب

وانت حبك جرى مجرى الدما
يا حبيبي ذوى قلبي وذاب

من عذابــه وبيح ما كما
وعل عينٍ .. رضت فيك العتاب

البدر

[الحمدان]

ادري ان الوقت يذهب ما يعود
اربعينٍ فارقتني يالعنود

ماطر الايام من غيم الزمان
ما يبل الريق لو مهما يجود

كم شربته صافيٍ بارد قراح
ما دريت ان الظما سر الوجود

كل شمسٍ تلمس اشجار العمر
تحرق الاوراق وتجف الفنود

وكل ريحٍ تدفع شراع العمر
ينقطع به حبل ويميل العمود

اربعين مرت وتوني صغير
انتظر لعل تصدق لي الوعود

والغريب اني على هذا مغبوط
ادري اني بخير لا شفت الحسود

الزمن يا بنيتي كله زوال
ما تخلد كود لحظات السجود


البدر

[الحمدان]

من يطعن السيف ابـ حشاه ..

ويجرح السيف ..

من يضرب السيف ابدماه ..

ويقطع السيف ..

السيف .. المعدن البارد ..

نصل الشتا الحاد ..

له تحت جلدي .. طريق ٍ ضيق ٍ بارد ..

وله صرختين اجداد ..

حبيبتي .. يا نبتة الدم ..

السيف .. إما قتلتي اعناد ..

والا قتلتي هم ..

ومضة شعاع ٍ خاطفه .. السيف ..

الصمت قبل العاصفه ..

الألم .. لا فارق اللحم .. العظم ..

كم .. لحظة ٍ .. يا انتي

إنطحنتي خايفة ..

من موعدك .. قبل الوعد ..

ورديتها .. قلت ارجعي ..

وكم صرخة ٍ ..

ياللي ان جرحتي ..
توجعي ..

ولو انجرحتي توجعي ..

اطلقتها بعد العد ..

وشقت ضلوع العاطفة ..

من يطعن السيف ابحشاه حبيبتي

ومن يضرب السيف ابدماه ..

ويقطع السيف ..

وقفت وضلوعي ( الصفاه )

اغطي عيون الأمل ..

ابغترة الحزن .. واركعه ..

كان الجفا .. سيف ٍ يسيل ..

في لحظة قصاص ..

وكانت عيوني تودعه ..

تشتاق .. للموت .. الخلاص ..

يا نبتة الدم .. السيف ..

مره قتلني عناد ..

ومره قتلني هم ..

البدر

[الحمدان]

ومرت سنه .. على فراقك

على صوتك .. واشواقك

غريب كيف االزمن يرحل

واحلام العمر .. تذبل ..

سنه مرت .. وانا أول ..

حبيبٍ يوقد الشمعه

لجرحه في يوم ميلاده

هلا .. بالحب .. واعياده

وكل عامٍ .. وجرحي بخير

مشيت دروبنا .. خطاوي قلوبنا

ومريت الوعد .. وعدنا العام

ماكان الوعد .. ولا الأيام .. هي الايام

وما ادري ليه هالشارع .. نسوه الناس

ومتى هالمقعد الخالي .. يجوه الناس

حبيبي .. ليه فـ غيابك .. يغيبوا الناس

حبيبي .. ايه والله حبيبي .. ايه والله

نساني العمر.. لو انساه

نساني الفرح .. لو انساه

احبه .. ما ظهر نجم ..
ونبت عشب .. وسرى براق

أحبه .. لا زمن يشقي

جروحي .. لا جفا .. وفراق

أنا هذا الهوى كله ..
وقلبي آخر العشاق ..


البدر

[الحمدان]

ما بقى لي قـلب يشفع لك خطيّه
ذوبـته اجروح صدّك والخطايا


صاحبي بالله … لا تعـتب عليه
العَـتـب ما عاد تاسَعه الحنايا


كلّ جرحٍٍ فات لي منك هديّه
وش بلاك اتخاف من ردّ الهدايا


الله أكبر … كيف مالك مقـدريّه
وكل ما تحمله من هـمّي بقايا


لا تمنّيني … سَرَاب المهـمهـيّه
الـقـرَاح اليوم … ما يروي ظمايا


وان غَدى للحب في قلبك شظيه
وش يقـول اللي غدى قلبه شظايا




الامير : بدر بن عبدالمحسـن

[الحمدان]

وجه خادم الحرمين الشريفين الملك سلمان بن عبدالعزيز آل سعود – حفظه الله – بناءً على ما رفعه صاحب السمو الملكي الأمير محمد بن سلمان بن عبدالعزيز آل سعود ولي العهد رئيس مجلس الوزراء – حفظه الله – بإطلاق اسم صاحب السمو الملكي الأمير بدر بن عبدالمحسن بن عبدالعزيز آل سعود – رحمه الله – على أحد طرق مدينة الرياض، الواقع غرب جامعة الأميرة نورة بنت عبدالرحمن، ويحدّه شمالاً طريق الملك سلمان وجنوباً طريق الثمامة، وذلك تقديراً للدور الوطني الفاعل للأمير الراحل، وتثميناً لتجربته الشعرية التي تمثل مدرسة فريدة جددت القصيدة النبطية، وكان لها أثر بالغ في الأدب السعودي والعربي.
وقد أسهم الأمير بدر بن عبدالمحسن – رحمه الله – الذي وُلد بمدينة الرياض في الثاني من أبريل عام 1949م الموافق 4 جمادى الآخرة 1368هـ، عبر نصف قرن في تعزيز الشعور الوطني بقصائده التي تغنى بها أبرز الفنانين السعوديين، ورسم بكلماته أوبريتات وطنية راسخة في الأذهان، كما انتشر إبداعه وإثراؤه في الوطن العربي بعذوبة كلماته وجمال أبياته ونظمه الفريد الذي جعل من الأمير الراحل أيقونة سعودية عربية خالدة، وعرف عنه – رحمه الله – تشجيعه للمثقفين والفنانين السعوديين، وقد ترأس أول مجلس إدارة للجمعية العربية السعودية للثقافة والفنون عام 1973م.
ويأتي التوجيه الكريم امتداداً لتقدير القيادة الرشيدة لإرث الأمير الراحل، حيث كرمه خادم الحرمين الشريفين الملك سلمان بن عبدالعزيز آل سعود ـ حفظه الله ـ عام 2019م بمنحه وشاح الملك عبدالعزيز، كما كرمته منظمة الأمم المتحدة للتربية والعلوم والثقافة (اليونسكو) في العام نفسه تزامناً مع اليوم العالمي للشعر.

[الحمدان]

باقي مني ليل وباقي نجمة

‏و ضيّ ضحكة ما ذبلت

‏باقي مني في المواعيد القديمة

‏الف ذكرى ما رحلت

‏هات كل الحب هات الشوق كلّه
‏هات كل العمر انواره وظلّه

‏وقابلني فـ المكان اللي عسى قلبك يدلّه

‏لي زمن ما قلت احبّك

البدر

[الحمدان]

أنت الشعور الصادق و غيرك سراب
‏و أنت المقرّ الثابت و غيرك ممر

‏غلاك بضلوعي تربّع لين ذاب
‏يفوح مثل العود من فوق الجمر

‏يا أغلى البشر وجهك علاج الإكتئاب
‏و مْواصلك مثل السحاب المنّهمر

‏حتى و لو قلبي شَعر بـ الإغتراب
‏أنت الوطن و أجمل ملذّات العمر


البدر

[الحمدان]

وحشتيني كثير ‏وفات وقت اللوم
‏
‏عساك بخير .. من بعدي ومرتاحه
‏
‏ورب البيت من غبتي إلين اليوم

‏أنام من التعب ما نمت من راحه


البدر

[الحمدان]

أنا تدري إني شخص ماني سريع إعجاب
‏ولا كل حاجه عابرّة تكسب إعجابي

‏غلبت الهوى فترة لكن الهوى غلّاب
‏تمادى ووقف في طريقي وأنا مابي

‏دخلت فـ حياتي عرض من أوسع الأبواب
‏وأنا للحبايب ماني مشرّع أبوابي

‏وعطاك الله من الود والحُب والإعجاب
‏مايجعلك سيّد قلبي وسيّد أحبابي


البدر

[الحمدان]

قبل موتك كان عندي كل شي
‏من مكان ومن أمان ومن حنان

‏عقب موتك كن ما بالكون حي
‏ماصفا لي لا مكان ولا زمان


البدر

[الحمدان]

فاقدك ، والكون بـ غيابك كئيب
‏لا أحد قبلك ولا بعدك أحد

‏عفت خلق الله من بْعيد وقريب
‏وأعتزلت الناس بعدك لـلأبد

‏كل واحد صار بعيوني غريب
‏مافقدتك كنّ فاقد لي بلد

‏كان همّي في حياتي لا تغيب
‏الحياه بدون ضحكاتك نكد

‏ماني أول شخص فاقد له حبيب
‏بسّ بـ غيابك أنا أكثر من فقد


البدر

[الحمدان]

عشاني لاتنام الليلة إلا والقلوب أحباب
‏عشاني قول أحبك وأمسك أحلامي من يديها

‏دخيلك لاتساومني على الفرقا وأنا مرتاب
‏أعيش العمر فاقد ضحكةٍ ماني بـ ناسيها


البدر

[الحمدان]

مالي غنا عنك.. أنا الله فيك مغنيني
ولالي عوض عنك.. أنا الله فيك عوضني

ماغيرك انسان.. يسعدني ويشقيني
وصلك دوا.. والغياب إن طال يمرضني


البدر

[الحمدان]

‏صبري طويل وغيبتك هدّت الحال
‏عطني فرح عمري بشوفتك مرّة
‏
‏ليتك تمر العين وتفارق البال
‏حسدت بالي من كثر ما تمرّه

البدر

[الحمدان]

‏يقول خالد الفيصل :

من يقول الزِين مايكمل حلاه
كل شيء في حبيبي اكتمــل

ويقول بدر بن عبدالمحسن :

علمهم ان الزين في غيرك ما أنخلق
وأنك البدر وطول عمرك مكتمــل

[الحمدان]

‏ما انته امْحول كيف انا يمّك أرقا
والحَيّ مثلي بتَالي العمر مكتوفْ

حَبل الصّبر مَشدود والكف عرقا
كيف اتقضب لاغدَت قيض وشعوفْ

البدر

[الحمدان]

كلما اقفيت ناداني تعالْ
وكلما اقبلت عزّم بالرحيلْ

الحقيقة غدت مثل الخيالْ
هو عدوي وهو أغلى خليلْ

البدر

[الحمدان]

عطشت لشوفتك والّا عطشت لشوفتك والمَا
حبيبي واسقني قبل المطر ثم اسقني بعدَهْ

حشا منت البحر من يشربك لو يرتوي يظما
ولكن يشبهك موج البحر في جزره ومدّهْ

البدر

[الحمدان]

أنا سجين الحال مهما تسليتْ
وانا الطليق وكل شيٍٍ قضبني

حريتي لاعل يا كود ياليتْ
ما شفت حيٍٍّ جاد لي ما سلبني

البدر

[الحمدان]

حبيبتي وإن قلتها بعض الأوقاتْ
من عزّتي ما هي ترى من خضوعي

أهواك لي فوق الشواهيق راياتْ
وعلى حصون الياس تزحف جموعي

البدر

[الحمدان]

عاشقٍ هالرمل من خلقني الله لين أموتْ
عاشقٍ جرد الروابي والفيافي والخبوتْ

عاشقٍ طين البيوتْ وفتلة خيوط الوبرْ
عاشقٍ مافي البشوت من عطا وطيب وفخرْ

البدر

[الحمدان]

كذب من قال ورد العاطفة ينبت بظلّ السورْ
وجبان اللي يخاف الناس لو وقّف على بابكْ

كتب لك كلّ ما في الحبّ من عذْب الكلام سطورْ
ولكنَّه عجز يا طفلتي لا يكتب كتابكْ

البدر

[الحمدان]

جديلة ما وراها صبحْ
ألا يا طول مسراها

وعينٍ ما تملّ الذبحْ
كأنّ أحبابها عداها

البدر

[الحمدان]

من يقول اللقا غير الوداعْ
بينهم فرق واجد، ما صدقْ

أول اليوم عانقت الشفقْ
وآخر اليوم عانقني شفقْ

البدر

[الحمدان]

ضاع القصيد وما بقى غير الأشواقْ
وأحلى الشعر ما يكتب الشوق في الشوقْ

إن خان بي الشاعر فأنا جيت عشّاقْ
وكل عاشق لا بد ما يطلب حقوق

يا سودة أبها خاشري كل شعاقْ
كبد السما لا شك لدّي لي بموقْ

البدر

[الحمدان]

إن شكيت من الهوى قالوا فضيحهْ
وإن سكت استنقضوا جرحي عليّهْ

وإن نويت البعد ضاقت بي الفسيحهْ
وإن بغيت القرب خان القرب فيّهْ

البدر

[الحمدان]

الجادل اللي لفتته ورد وشموعْ
يا حيف قلبي اللي احترق في لهبها

يمد لي حبلٍ من الود مقطوعْ
غير السلام وبسمته ما عبقها

البدر

[الحمدان]

قلبي زوال الرجا راعهْ
ما ارتاح يوم ابعدوا منّي

وقّفت أنا لحظة وداعهْ
أبكي وأنا ضاحكٍ سنّي

مسكين من صاحبه باعهْ
وعيّن لياليه يشرنّي

البدر

[الحمدان]

اجمع الرمل في ضلوعك غرامْ
واطوِ زندك على ضلعانها

عانق الرمث وعروق الثمامْ
واِصل خدك على صوانها

أرضك اللي بها البيت الحرامْ
أشرق النور من وديانها

ربعت بالمحبة والسلامْ
واعشبت بالفخر صمّانها


البدر

[الحمدان]

الناس ما همَّها ظروفكْ
كود الذي يحزن لغمّكْ

وإن شلت حملك على كتوفكْ
بتموت ما احدٍ ترى يمّكْ


البدر

[الحمدان]

عوّد الليل .. اوقد سراجك
واحبس الليل .. واطلق حجاجك

احبس هموم الغرام
واطلق البسمة سلام

إن شكى العاشق يلام
رحت يابدر التمام
عوّد الليل
فـ الضحى .. شدوا الركاب
وابحروا .. يم السراب

كانت عيونه حبيبي شمس
وعيوني سحاب

وآه يا سهيل اليماني
شدوا البدو بأماني

ليتهم ردوا الركايب
وربعوا بين المحاني

أوقدوا فـ النار نار
ما ورا ليلي .. نهار

من خذا فجرك حبيبي
ومن ترك لي .. الانتظار

آه يا رمل وهبايب
تدفن جروح الحبايب

يا ترى لو مر عام
يرجع الفجر اللي غايب

احبس هموم الغرام
اطلق البسمة سلام

إن شكى العاشق يلام
رحت يابدر التمام

وعوّد الليل

البدر

[الحمدان]

شعرك كساه النور ما باج ظلماه
وخدّك غشاه الليل ما غاب نوره

فـ .. عيونك جنود .. وبواريد ورماه
غزو .. ورمشك صار مقدم سبوره

صبّح به اللي داله القلب بحماه
قبل النذير .. وقبل يملك شعوره

أنا الصويب اللي غشت صدره دماه
شلفا عيونك هشمت مش زوره

يامن يبي ذبحي .. وأبي منع لاماه
روحٍ شكت ظلمك تراها معذوره

البدر

[الحمدان]

ياضاوي الليل .. نورك أخلف سراجي
خلاّ السفر .. وانطفي في عتمة عيونك

أقبلت .. صبحٍٍ نثر في متنه الداجي
جدايلٍٍ مشّطت بضلوع مضنونك

تسابقتك العيون وجرحي اللاجي
في القلب طفلٍٍ لمحته يقضب ردونك

يا مرحبا .. من ضميرٍٍ ظاميٍٍ راجي
كم ليلة قد طواني الياس من دونك

ليت الليال وعدك .. وكل من داجي
انت .. وجميع الثرى تذكر به ضعونك

البدر

[الحمدان]

ليلة شديد الرمل جتنا ركايب
من الشمال وبركت بين الأيام

طوي التراب وشل فوق النجايب
والجو ثارت به معاصير وعسام

علمي بوجهك فـ اسود العج غايب
والريح تدفعني وانا ما لي اقدام

لولا الشجر شدت غصونه نهايب
جلدي وثوبك قلت انا وانت الاوهام

لا خيمة لا طنب لا صوت شايب
لا صرخة لا طفل لا كحل وزمام

طاح الرواق وطاح حلم الحبايب
لا ناي في روحي غدت روحي حطام

ما غيرها ضلوعي في صدري حطايب
وشم الجروح اللي بكبدي من العام

إن كان ذا قبري فـ ابي له نصايب
قبر الورق خلوا شواهده الاقلام

يامعمر الدنيا عمارك خرايب
ما حدٍ ورث جدرانها غير الأيام

العمر شدة والليالي ركايب
والرمل يمحي الرمل والموت قدام


البدر

[الحمدان]

يا بنت أنا للشمس في جلدي حروق
وعلى سموم القيظ تزهر حياتي

أطرد سراب اللال في مرتع النوق
ومن الظما يجرح لساني لهاتي

عاري جسد والليل هتّان وبروق
دفاي أنا والبرد سمل العباتي

إن عذربوني بعض خلانك صدوق
يا بنت أنا عشق الخلا من صفاتي

وشمٍ على رمال( المتاييه) مدقوق
لاشك من منهم يسوي سواتي

أنا بدوي ثوبي علىالمتن مشقوق
ومثل الجبال السمر صبري ثباتي

ومثل النخيل خلقت أنا و هامتي فوق
ما عتدت أنا احني قامتي إلا فصلاتي

وإلى إفتخر بأفعال يمناه مخلوق
يا بنت انا فعلي شهوده اعداتي

الله خلقني وكلمة الحق بوفوق
وملكت الأرض وراس مالي عاصاتي


البدر

[الحمدان]

أخي العزيز الحمدان
شكرا لك على هذه التواجد الفعال
والمشاركات النافعه والمفيده
فبارك الله فيك وجزاك الله خير




أخي الغالي ابو تركي
أشكرك جزيل الشكر لتعقيبك الرائع والمميز
لك مني أجمل تحيه وتقدير لاعدمتك

... المعذره ماشفت رسالتك الا الان
ارجو ان تقبل اعتذاري
والاجواد عذاره

[الحمدان]

أتعب على المعنى ويسهرني القاف
ويلذ لي تجريح عذب القوافي

وإلى مزج حبر القلم دم الأطراف
يصير لي معنى على الناس خافي

عندي معاني الشعر تلمس وتنشاف
أنما جرحك الشعر ما هو ب كافي

وان ما لمس في القلب .. احساس وشغاف
عدّك كتبته فوق رمل السوافي

لاتحسب ان البحر موج ومجداف
ترى قليل البحر ما كان طافي


البدر

[الحمدان]

وتِرحَل ..
صَرخَتي تِذبَل

في وادي ..
لا صدى يوصل

ولا باقي أنين
زمان الصمت ..

يا عُمر الحُزن والشكوى
يا خطوة ما غدت تقوى

على الخطوة ... على هم السنين
حبيبي .. كتبت اسمك على صوتي

كتبته .. في جدار الوقت
على لون السما الهادي

على الوادي ..
على موتي ... وميلادي

حبيبي .. لو أيادي الصمت
خذتني ... لو ملتني ليل

أنا عمري .. انتظاري لك
لا تحرمني .. حياتي لك


البدر

[الحمدان]

قال السراب وقلت ظامي لسرابه
قال الهلاك وقلت لعيون الاحباب

يا لايمي في حب مترف شبابه
الموت حق ولاتبرق بالاسباب

كانه ذبحني صاحبي من عذابه
ماابي لدمي يا هل اللوم طلاب

الجادل اللي فيه زين ومهابه
يفز له قلبٍ .. وتخضع له أرقاب

في حجر عينة لي غدير وسحابه
وفي وسط قلبي له تناهيت وعتاب

إن قلت أحبه يكفي القلب مابه
وان قلت أنا مابيه ..باصير كذاب


البدر

[الحمدان]

وليله كانت الفرقا
و قالت لي فـ أمان الله

و ليله ذكرها يبقى
على جرحي .. و لا انساه

و جت تاخذ رسايلها
و خصله من جدايلها

و تديني جواباتي
بقايا عمر بسماتي

و قالت لي .. فـ أمان الله
و ليله زي ذي الليله

و هبتك في الأمل عمري
و يا ليت البسمه ما كانت ولا الاحساس

وياليت الدنيا خانتني و كل الناس
و لا خنتي هواي انتي

و لا قلتي .. فـ أمان الله
لا تردين الرسايل ويش اسوي بالورق

لو تركتيني في ليله بسمتك عند الرحيل
دمعة العين الكحيله عذرها الواهي دليل

و ليله كانت الفرقا
و قالت لي فـ امان الله

و ليله كانت الفرقا
و قالت لي فـ امان الله


البدر

[الحمدان]

لو كان في كفي رميته في كفك
يفداك مافي الحب من صادق الحب

تحبنّي؟..ياعلّني بعض ضعفك
قلبي جرادٍ باد ما حصّل العشب

أنا قديم الهم وأنفع لعطفك
أما الهوى ياسيدي مركبه صعب

يا ليت لي صهوة جوادٍ وأخطفك
للشمس لنجوم المجرات.. للشهب

تحبني..وأقول من زود لطفك
شكراً صدقت .. وألف شكراً على الكذب


البدر

[الحمدان]

يا الله لا تقطع رجا كل مشتاق
بامرك يا رب الحلم يصبح حقيقه

وأنا أدري أن الوصل تاليه لفراق
ولولا الأمل .. ما تحمل النفس ضيقه

أمس سرى في تالي الليل براق
قلبي يفز لنوضته بتخفيقه

وسمٍ بكور صادق الوبل دفاق
لو شافه الظميان يبتل ريقه

عله على دار الوفا .. دار الأشواق
دار صفت لأهل القلوب الرقيقه

فارقتهم ما ليلةٍ خاطري ضاق
واليوم للسلوان ما أجد طريقه

يا كود حرفٍ لي كتبته بالأوراق
مثل السراب اللي يسلي بريقه

والله لو كل المخاليق عشاق
ما شفت لك نفسٍ تعذب دقيقه


البدر

[الحمدان]

أول اليوم عانقت الشفق
وآخر اليوم عانقني شفق

وأنا بين التلاقي والفراق
أدفن العمر وأحفر لي نفق

يا حبيبي وأنا مثلك غريب
عن حمى النوم غربني أرق

اقطع الليل لديار النهار
واغسل الدمع من شط العرق

ولا جمعني بك الموعد لمحت
ألف نجمٍ توهج .. واحترق

أجمل العمر طفلٍ من غلاه
قمت أضمه لصدري واختنق

وباقي العمر لو عمره يطول
ما يجي سطر في ذهن الورق

من بقول اللقا غير الوداع
بينهم فرق واجد ما صدق

أول اليوم عانقت الشفق
وآخر اليوم عانقني شفق


البدر

[الحمدان]

يا عذولي .. وش تفيد به النصيحه
لا تعذل القلب .. وجروحه طريّه

من يداوي علة الروح الجريحه
ومن يسلي دمعة العين الشقيه

ان شكيت من الهوى .. قالوا فضيحه
وان سكت استنقضوا جرحي عليه

وان نويت البعد .. ضاقت بي الفسيحه
وان بغيت القرب .. خان القرب فيه

من عذلني في الهوى الله يبيحه
ومن عذرني .. ما حصل مني خطيه


البدر

[الحمدان]

سافري كان يرضيك السفر
جربي لو ورى ليلي صباح

بدلي الرمل بأمواج البحر
واتبعي الغيم تحملك الرياح

سافري لين تبكين المطر
واضحكي لين ما يضيق البراح

ولا تعبتي وحسيتي بضجر
خلي الشوق لديارك جناح

أرجعي في ابتساماتك عذر
مثل ما الدمع في عيني سماح

انتي العين من طول النظر
وانتي القلب من كثر الجراح


البدر

[الحمدان]

في دروبي رمل لامن جيت ساري
ينبت الأشواك لامن رحت ساري

صاحبي ماجيتك إلا وفي طريقي
من ربيع العام نوّار وخباري

ولا تواعدنا وبه في الأرض زهره
ولا تفارقنا وبه للبرق طاري

لا تأخر دام لي في العمر ساعه
ولا تقدم لين أشوفك في انتظاري

الزمن ورده .. سهرت أحسب ورقها
وإن قضا ماجيت في دموعي عواري

حبّني كثر اللذي نلقى بوعدنا
من ظلال وريح ونجوم وغداري

صاحبي مثل الخجل لو تكتسي بي
قبل أصير الشال يذهلني انحساري

ياقريب البعد .. للشكوى أسامي
الجفا .. والخوف .. وآخرها حذاري

وانت لو خان الزمن بقول وافي
لا أنا تركي .. ولا أظنك مشاري


البدر

[الحمدان]

شكرا سحايب على لطفك
انتي مطر والصحاري الناس

قلبك شكا من كثر عطفك
لا باس هذا التعب لاباس

أغليك وان كنت ما عرفك
اخوين يجمعهم الاحساس

رسمك لحن رائع وعزتك
على القلم نوَّرالقرطاس


البدر

[الحمدان]

تلعب وانا .. ما عاد لي بالطرب شف
لعبك بروحي بدل الفرح بجراح

زل الطرب يا موجع الطار بالكف
شابت قوافي الليل .. نور الضحى لاح

كانك تدق القلب .. دقك على الدف
عسى الضلوع توقي القلب لا طاح

شفتك .. ولا ادري من قضب بعدك الصف
ناس ٍ كثير .. وكنهم عندي أشباح

نورك دعاني عندك الشوف وقف
كنه فنارٍٍٍ لاح في عين ملاح

من له ثمان اسنين من راح منكف
خلّى السفين وعارض الموج سباح

من فرحته ما حسب االحيل يتلف
غلب عليه الموج والقاع منزاح


البدر

[الحمدان]

يا زين .. للعاشقين ذنوب
كثير واللي يحب يغفر

بالحيل .. طول الزعل عذروب
إلى متى الكسر ما يجبر

با أخطي .. وأعيد الخطا وأتوب
والصاحب .. اللي علي يصبر

وإن ما دمح زلتك محبوب
ما أظن من يكرهك .. يعذر


البدر

[الحمدان]

يا بنت أنا للشمس في جلدي حروق
وعلى سموم القيظ تزهر حياتي

أطرد سراب اللال في مرتع النوق
ومن الظما يجرح لساني لهاتي

عاري جسد والليل هتّان وبروق
دفاي أنا والبرد سمل العباتي

إن عذربوني بعض خلانك صدوق
يا بنت أنا عشق الخلا من صفاتي

وشمٍ على رمال( المتاييه) مدقوق
لاشك من منهم يسوي سواتي

أنا بدوي .. ثوبي علىالمتن مشقوق
ومثل الجبال السمر صبري ثباتي

ومثل النخيل خلقت أنا و هامتي فوق
ما عتدت أنا احني قامتي إلا فصلاتي

وإلىإفتخر بأفعال يمناه مخلوق
يا بنت انا فعلي شهوده اعداتي

الله خلقني وكلمة الحق بوفوق
وملكت الأرض (وراس مالي عاصاتي)


البدر

[الحمدان]

ليلة شديد الرمل .. جتنا ركايب
من الشمال .. وبركت بين الأيام

طوي التراب وشل فوق النجايب
والجو ثارت به معاصير وعسام

علمي بوجهك فـ اسود العج غايب
والريح تدفعني وانا ما لي اقدام

لولا الشجر .. شدت غصونه نهايب
جلدي وثوبك قلت انا وانت الاوهام

لا خيمة .. لا طنب لا صوت شايب
لا صرخة ..لا طفل لا كحل وزمام

طاح الرواق وطاح حلم الحبايب
لا ناي في روحي غدت روحي حطام

ما غيرها ضلوعي في صدري حطايب
وشم الجروح اللي بكبدي من العام

إن كان ذا قبري فـ ابي له نصايب
قبر الورق خلوا شواهده الاقلام

يامعمر الدنيا عمارك خرايب
ما حدٍ ورث جدرانها غير الأيام

العمر شدة والليالي ركايب
والرمل يمحي الرمل والموت قدام


البدر

[الحمدان]

ياضاوي الليل .. نورك أخلف سراجي
خلاّ السفر .. وانطفي في عتمة عيونك

أقبلت .. صبحٍٍ نثر في متنه الداجي
جدايلٍٍ مشّطت بضلوع مضنونك

تسابقتك العيون وجرحي اللاجي
في القلب طفلٍٍ لمحته يقضب ردونك

يا مرحبا .. من ضميرٍٍ ظاميٍٍ راجي
كم ليلة قد طواني الياس من دونك

ليت الليال وعدك .. وكل من داجي
انت .. وجميع الثرى تذكر به ضعونك


البدر

[الحمدان]

شعرك كساه النور ما باج ظلماه
وخدّك غشاه الليل ما غاب نوره

فـ .. عيونك جنود .. وبواريد ورماه
غزو .. ورمشك صار مقدم سبوره

صبّح به اللي داله القلب بحماه
قبل النذير .. وقبل يملك شعوره

أنا الصويب اللي غشت صدره دماه
شلفا عيونك هشمت مش زوره

يامن يبي ذبحي .. وأبي منع لاماه
روحٍ شكت ظلمك تراها معذوره


البدر

[الحمدان]

واطيري اللي زودوا فيه الأثمان
اشعل ظهر والصدر يجهر شعاعه

لو له شبيه في الملى هو غزالان
راجي عل زينه يزود بشجاعه

خذته ولاني يا هل الطير ندمان
من عادتي ما نيب اسوم البضاعه

الى ركز في مجلسي طير حوران
وتجمعوا عندي كثير الجماعه

وشلته على كفي كثير الغثا هان
عندي غدى للهم مثل المناعه

لا صرت فيما تطلب النفس بلشان
اترك طمان القاع وارقا برفاعه

وباكر تصاريفه على عالي الشان
من يضمن الدنيا ولو ربع ساعه


البدر

[الحمدان]

لو هو غضب بيحت ما ضم جوفي
من الغثا واظهرت عقب االعقل جهل

ولو هو الم ما طال عندك وقوفي
ولا جيت أبا اسمع قصة الذيب والحمل

ولو هو ندم كسرت .. باقي سيوفي
على دروب الوصل ومفارق الشمل

صوت العظام اللي تكسر حروفي
مابه كلامٍ تنطقه شفتي سهل

إن جيت امش الدمع تبكي كفوفي
وإن جيت أقول الشهد يوذيني النحل

الحمل ماهو اللي تشيله كتوفي
الموت لا صارت كتوفي هي الحمل

ومن قال باكر .. قلت باكر حتوفي
والباقي إنشد عنه ضراية الرمل


البدر

[الحمدان]

ما أقول أنا لبيه .. وما أقول سمّى
ياعيونه اللي ما صفت لي وتكدّرت

يا صاحبي بكفيك مدحي وذمّي
كان الجفا تقصير يا زين قصرت

يا من نثر برماح الأهداب دمي
لو للجروح ضماد وصلٍ تصبّرت

لا شك ما انته يا دعج العين يمّي
لا والذي اطغاك زين وَتكَبّرت

ظامي هوى وشربت من فيض همّي
ويوم ارتوت روحي من الدمع صدرت


البدر

[الحمدان]

في دربكم يا راحلينٍ ٍ مناكيف
تالي ليالي القيظ وأول خريفه

ردّوا سلام أهل القلوب المواليف
على الوليف اللي نشد عن وليفه

ردّوه لعذوق النخيل المهانيف
وعلى القصور اللي بوادي حنيفه

دارٍٍ لها بالقلب عشق وتكاليف
ياعل عينٍٍ ماهوتها كفيفه

طبنا وشبنا وأتعبتنا المشاريف
والمرقب العالي هبوبه عنيفه

يا واردين العد .. كفّوا المغاريف
اللي بقى دمعٍ هماجٍٍ ذريفه

والله لو دمّي يغيث الملاهيف
قطعت عرقي لين يصفى نزيفه

ويا حظ من لا عرف منهو ولا شيف
إن طاب ..يحمد وإن تردّى .. بكيفه

وحنا ورثنا العز عظم وغضاريف
لا ما ورثنا العز تاج وقطيفة


البدر

[الحمدان]

أبا اتنفس دام لي بالنفس حق
ياللي قصيدي فيك من حر الأنفاس

والله يالولا عبرة الحبر الأزرق
دمعٍ نثرته من عذابي بقرطاس

لاأقول أحبك .. لين بدموعي اشرق
وقبل الصديق يحس بي نايد الناس

إلى متى .. وصلك من العمر يسرق
دونك ودون الوصل .. بابٍ وحراس

أنا فـ جبيني الشمس تظمى .. وتعرق
وانته بشوب القيظ .. ريٍ ونسناس


البدر

[الحمدان]

قالت قصيدك ليل .. سودٍ معانيه
رويانةٍ بالدمع ... وامدادها دم

الى متى يا شاعر الهم تخفيه
والى متى .. تحنى ضلوعك على هم

قلت البكا .. صعبٍ عليه وأنا بيه
لا واهني اللي بكى وما تندم

لي عبرةٍ يلعب بها الحزن والتيه
ولي صرخةٍ .. واتعبت ابلقى لها فم

لا ما كتبت الشعر .. لحدٍ بسليه
ولانيب مداحٍ .. ولا باترنم

احساس لابيعه ولانيب شاريه
مرٍ يجي شهدٍ ومرات علقم

الى لمحتي دم جوفي افخليه
على الورق .. لا صار روحك تالم

قلت الشعر يوم إن لي راحةٍ فيه
وحزين أنا إلى متى الله يعلم


البدر

[الحمدان]

يا عاذلي .. ما تشوف العين مشتاقة
لولا الحيا جاوبتك بدمعها الصافي

عطني جلد .. كان تنخاني على فراقه
ودي الي من تركته ما أشبح خلافي

لاح الجبين .. وجذبني نوض براقه
حيثه ربيعي .. وورد الخد مصيافي

والغصن لولا المطر ما أخضرت أوراقه
يا كيف عشب الوسم يترك وينعافي


البدر

[الحمدان]

لا شاري عقدِ ولا مهدي سوار
لا تلحقي نفسك هموم وحسايف

تريثيي يا قرة العين مقدار
ما تشرب عروق القصيد الوصايف

لا من قدحت الشعر وشبيت لك نار
نارِ على روس الهضاب النوايف

يطرب لها الساري ويسري بها الطار
وتزهر بها عقب المحول الشفايف

باهديك أنا عمر ولاكل الأعمار
يفنى القلم قبله وتفنى الصحايف

قصيدة تولد ورى باب وجدار
سر الضلوع المرهفات النحايف

وإلى أصبحت طارت على متن الأسفار
وغنت بها قبل النفود الصحايف

غيبي وشيبي وإتركي كل ما صار
يبقى جمالك في قصيدي طرايف

وخلي الكواكب من سنا نورك تغار
ولا تلحقي نفسك هموم وحسايف


البدر

[الحمدان]

يا صاحبي .. والليالي سود
يا صاحبي .. والزمن صافي

اللي إلى احتجت له موجود
واللي إلى من وعد يافي

ما هو على المرجلة محدود
تقول مكتوف بكتافي

ما جور ياللي رقيت إسنود
عرض الجبل .. وانيٍ حافي

يوم الردى مسكنه فـ .. لحود
مسكنك في راس مشرافي

والله لوفي التحرص زود
كان العمر ما نقص .. وافي

وليت الرخا لا اجتمع والجود
تقاسمه شهم .. وسنافي


البدر

[الحمدان]

لليل احبك مابقى في السما نور
والى ضواني الليل .. للصبح أحبك

واللحظة اللي كلها عند وغرور
أشوف قبري بين عينك .. وقلبك

في صدري سراجٍٍ حزينٍٍ ومكسور
رغم المطر والريح .. شلته في دربك

والله مابه غير لوعاتي قصور
وخوفي عليك الله ربي وربك

ما بي جهد ابني على صمتك جسور
لا حيرتني أسباب سلمك وحربك

العمر أحبك .. مابقى فيني شعور
والى جفاني العمر .. وشلون أحبك


البدر

[الحمدان]

نامت الشمس .. واستيقظ عناي
حال دون الكرى طيفٍ ضوى

ساعة أقبل نطحته من عماي
وصحت يا سيدي .. طال النوى

أحسب إنك معي ليتك معاي
يوم ضميت بيديني الهوى

يا بعيدٍ عليه انزف دماي
لاقضى الصبر .. ولا الشوق ارتوى

نبتة الدم .. تورق في حشاي
من سببها ترى حالي ذوى

وين أنادي ومين يسمع نداي
صرختي فيك .. وسكوتي سوى


البدر

[الحمدان]

كل ما أقفيت . . ناداني تعال
وكل ما أقبلت عزّم بالرحيل

وكل ما أجنبت واعدني شمال
يا أهل الحب ضيعت الدليل

الحقيقة غدت مثل الخيال
هو عدوّي . . وهو أغلى خليل

شفت أنا الظلم من بعض الدلال
يجرح القلب لو كانه جميل

أشهد إن الهوى ما به عدال
هو خلي . . وأنا قلبي عليل

وكل ما قلت له يا ابن الحلال
المحبة عطا . . وانت بخيل

التفت لي وهو عجل وقال
لذة الحب في الشي القليل


البدر

[الحمدان]

على النوى علمي .. بهم هجعة الليل
نجل العيون من البكا كحلها سال

واليوم غير الياس.. قل المراسيل
يا من يطمّني عسى ليلهم طال

الله على اللي ما صفط لي غرابيل
لاشك شرع الحب همٍ وغربال

قفّى ولي في حجر عينه تعاليل
تقول يا ذا البعد نجزيك بوصال

وتعلقت روح الليالي المقابيل
و يا عنك ما يامن من الوقت رجّال

لا ما علي لو دمع عيني هماليل
الموت دمع القلب لا صار همّال


البدر

[الحمدان]

أقوم بجبالٍ ولا أقيم في سفح
لو أطعموا لحمي لعوج المخالب

يابنت مابه ذنب يصعب على الصفح
كود الهوان وعيش سحم الثعالب

لاوالذي كرّم جديلك عن النفح
العز ماهو بين شاري وجالب

الله خلقنا .. تلفح وجيهينا لفح
حر السمايم في عزيز المطالب

سوى رضينا أوطفح كيلنا طفح
عض النواجذ طبع والطبع غالب


البدر

[الحمدان]

كل ما دعاني الشوق للقلب الأول
القى مكان القلب في الصدر تنهيد

وطيوف ذكرى في الحنايا تجول
تجمع صور وأوراق من باقي العيد

مدري سبقني الوقت والا تحول
أخلف ربيعي وادهرن المواعيد

أو هو الصبا .. نجمٍ رقى ثم حول
غاب وسما وجهي مشيب وتجاعيد

أحبابنا ليت الذي راح طول
وليت الذي باقي لما فات تجديد

انتم مثل قلبٍ عرفته امنول
وأصبح مكان القلب في الصدر تنهيد


البدر

[الحمدان]

لا والذي سواك ما اريد سلواك
ما أخبر به نفسٍ تمنت قدرها

وكان التفرق يا ادعج العين عناك
أنا الذي روحي عذابه صهرها

والله لو ما اعي .. نفسي برجواك
واجزم وَكاد إنه يهمك خبرها

لأطفي شعاع العمر .. لا غيّب ضياك
عميت عيونٍ ما يطولك نظرها

أغلي حياتي .. من ثواني بها ألقاك
لولاك ما تسوى حياتي كدرها

ودنيا خلت من صافي الود وياك
يا عل تكسف شمسها مع قمرها


البدر

[الحمدان]

عيني عن النوم جزاعه
وكثر الهواجيس قزّني

وأشبح متى عقرب الساعة
يطوي ظلام الكدر عني

قلبي زوال الرجا راعه
ما ارتاح يوم ابعدوا مني

وقفت انا لحظة وداعه
أبكي .. وأنا ضاحك سني

مسكين من صاحبه باعه
وعيّن لياليه يشرني


البدر

[الحمدان]

ياللي نسيت الزمن وقلوبنا تعده
كم ليلةٍ غبت والهاجوس يلعب بي

لا انت مع القلب يالغالي ولا ضده
كله سوى راحتي والا تعب قلبي

يسيل قلبي على الخدين وارده
خبرت قلبٍ من اللوعات ينحبي

وان قلت لا بد يبرد زادت الشده
شقيت انا منك والشكوى على ربي

يا من يغيب القمر لا من ظهر خده
الزين زينك وانا كثر الوله ذنبي

من عانق السيف لازم يجرحه خده
ومن يعشق الجمر فيه النار تشتبي


البدر

[الحمدان]

ليت ها العين ضاقت بالحدق
قبل جدرانها بوجهك تضيق

والله اني صحيت من الأرق
راحلٍ لا مكان ولا طريق

ما سمعت الغراب اللي نعق
وين مثلي .. على مثله يفيق

منزلي في الطويل الي شهق
ومنزله قاعة الوادي السحيق

قالو الحاقد بدمك شرق
قلت ما أظنه لمدحي يطيق

كنه الشوك في ثوبي علق
يوذي الشوك ولا يقطع طريق

كثر ما الريح تعبث بالورق
وتوقد أغصانه الصفراء حريق

وكثر ما شوه العج الشفق
وقص من جيده عقود العقيق

وكثر ما صابني وأخطا التفق
لين ما أصحبت من خوفي طليق

وكثر ما نز في كفوفي العرق
من سلام على غير الصديق

اتركيني على باقي عبق
غيمة العطر من عمري العتيق


البدر

[الحمدان]

اللي طعنّي بين الاضلاع وأدمى
هذاك ندٍ لي ونعمين فارس

ومن ينطح الوقت الردي قلبه أعمى
كم عامرٍ خلاه بالقاع دارس

يابنت مالي قلب بالحب يرمى
كفي سهام الفاترات النواعس

الما عيوني أظهريني من الما
وأنا غريق الدمع والريق يابس

ظميان من مثلي من الناس يظما!!
وأنا على أحلى الينابيع حارس

والله يالولا فيّة عيون سلمى
ماشوف كل الناس ضاحك وعابس

من طاب لي بالنور ماني بظلما
ومن جادلي بالغيث ماني بحابس


البدر

[الحمدان]

ليلي مثل ليلك او همومنا غير
قلي صباحك مشرقه مع صباحي

إنت السما عندك نجومه نواوير
ومن الفرح عجعج سناها وفاحي

وانا نجومي في الغداري مسامير
على السما دقت بكل النواحي

جاك الظلام وجاك ربع ومسايير
وجاني الظلام وكل ما احب راحي

علمي بنور الشمس وقت المعاذير
قال الوداع وقلت دربك سماحي

كان الالم.. غيثٍ فدمعي محادير
وكان الندم سيلٍ فخدي بطاحي

تقول خل الهم واكفخ كما الطير
عطني سما ياخوك والوي جناحي


البدر

[الحمدان]

شمالٍ هبت ورذرذمطر ما به ذرى وخطار
تبي تدفا في تالي الليل
والخشبان مبتله

ألا ياضيف وش جابك عسى ما جيتني دوار
مضيع والنياق اللي تدور عنها مندله

سرحت افـ خاطري ذودك
ذلول وفاطرٍ وحوار
تبي تاكل ربيع المجرهده دقه وجله

ألا يا شين لو ذودك رعايا تحتميها امهار
أظنك ما تراعي للخلايق سلمٍ أو مله

ترى ضرب الفيافي ما يجي للخايف المحتار
أمانه لاتعقد الحبل ثمٍ تعجز تحله

سرت عنك المطايا والمطايا عينها للدار
تبي تشوف البلاد وصابها خالي الخلا بخله

ضوى همك وشبيت اف ضلوعي نار للخطار
فريت المجذوي قلبي دفنته قرص في المله

تعش ولا بدى نور الفجر خل الهقاوي يسار
وعوّد وان سمعت الشور لا تبعد عن الحله


البدر

[الحمدان]

لامن غديتي شمس .. وشلون اعذلك
لابد مايظهر مع طلتك نور

ماالومهم لو لدت عيونهم لك
من ناظرك ياربة الحسن معذور

تلطفي وان كحل التيه نجلك
وتواضعي لوبك غدى الحسن مغرور

أغار لو بالزين قد ذكر مثلك
وأغار لو غيري سبقني لك شعور

لاصار لي قلبك .. وروحك ووصلك
لاقافلٍ بابٍ .. ولا بانيٍٍ سور


البدر

[الحمدان]

كثر النهار أشتاق و إنتي بعيده
الين أشوفك كثر ما تنبت أشجار

ومثل الرمال أحس روحي وحيده
الي أجدبت عامين ما طاحت أمطار

طال السهر والليل ينزف وريده
في صدري اهموم وهواجيس وأسرار

كل الحروف المبطية والجديده
تطري علي لاشك في شوقي احتار

قبل الورق وانتي فـ بالي قصيده
وبعد الورق ضيعت أنا كل الأشعار


البدر

[الحمدان]

حبيبي من هو غيرك قد عشق فكره
طيف وخيال ونحولٍ يكسر الخاطر

ما حذرك عاذلك من غيه وسحره
ما قال قلبه خراب وموسمه باير

لا بر في دفتره لا شهد في حبره
لا ضي في غربته متبعثر وحاير

كني سمعتك وكل العين منتثره
دمعٍ صرختي ما بين السيف والحافر

لا تذبحونه ألم وأن طال به عمره
فاق بخياله جمال الماضي والحاضر

اللى طعنتوه خلوا شبر في صدره
يلقى به العشق وقت يقيم ويسافر

الكوكب اللي تقول الناس ياصغره
من كثر ما هو بعيد وشوفهم قاصر

لا تحسدونه خذا من خبزكم كسره
للجوع وأعطي شباب القلب والناظر

اللي قليله قليل ٍ فاض من كثره
واللي كثيره قليل الجوهر النادر

اللي قليله قليل ٍ فاض من كثره
واصابعه وان حسبتوا مالها اخر

اصابعه وان حسبتوا كلها عشره
وفي كل صخرٍ بياض عظامها نافر

في كل ارضٍ حفروديناها ظفره
وكل ما بكى كل دمعةٍ تولد بشاعر

كل ما انجرح شع نزفه واشتعل فكره
وكل ما بكى كل دمعه تولد بشاعر


البدر

[الحمدان]

لو ما تحب العين ما ضمت دموع
يا عاذلي بالله جز عن عتبها

اربع ليالي كلها سهد وولوع
استغفر الله ما تلاقي هدبها

تكاثرت من همها ساعة اهجوع
الله حسيب اللي غدى هو سببها

الجادل اللي لفتته ورد وشموع
يا حيف قلبي اللي احترق في لهبها

يمد لي حبلٍ من الود مقطوع
غير السلام وبسمته ما عقبها

يا قلب .. يا قلب الخطا دونك ضلوع
يا شين قل لي راحتي هو نهبها


البدر

[الحمدان]

ليه أحس إني وأنا اشوفك حزين
وقلبي الليله بهمي ممتلي

كانها الفرقى طلبتك حاجتين
لا تعلمني ولا تكذب عليّ

خلني ما بين شكي واليقين
السكوت رضاي عنك وزعلي

باكر اللي خافيٍ لازم يبين
والوعد بلقى مكانك به خلي

وانتظر لي ليلة او ليلتين
لين ما يقفي السحاب وينجلي

ولا طويت الياس بذرف دمعتين
للهوى الغالي وبا وادع هلي

صاحبي بموت من كثر الحنين
خلني بختار لحظة مقتلي


البدر

[الحمدان]

انتي مثل قمراً على صفحة الما
له صورة عندي وهي في السّما فوق

اتصافحك عيني وأنا كفي أعمى
مَالي جدى إلا مصافح الموق للموق

ياما شربتك شوف من خوف لا أظما
وياما الوله للوصل يّبس بي عروق

وياليتني بدلت نورك بظلما
واخترت لي غيرك من الناس مخلوق

اقول أحبك يا عذابي أو أكما
لا حاصلٍ قربٍ ولا نافعٍ شوق


البدر

[الحمدان]

انا احبك مابها زيف وخداع
رغم الذي نخفيه .. واللي نخافه

أودعك .. ليت الألم لحظة اوداع
إلى مضت .. ننسى الألم والحسافه

وأفارقك.. لوالسفر .. يم وشراع
وبعد الفراق .. اللي نوده نعافه

لا صار مافي البعد راحه لملتاع
بالله وش نفع التعب والكلافه

من الجفا والصد .. يكفيني اذراع
لا جف نهر الحبماتت اضفافه

املي يدك رمل وترى هذي القاع
ومدي النظر .. تدرين وش هي المسافه


البدر

[الحمدان]

عوّد الليل .. اوقد سراجك
واحبس الليل .. واطلق حجاجك

احبس هموم الغرام
واطلق البسمة سلام

إن شكى العاشق يلام
رحت يابدر التمام
عوّد الليل
فـ الضحى .. شدوا الركاب
وابحروا .. يم السراب

كانت عيونه حبيبي شمس
وعيوني سحاب

وآه يا سهيل اليماني
شدوا البدو بأماني

ليتهم ردوا الركايب
وربعوا بين المحاني

أوقدوا فـ النار نار
ما ورا ليلي .. نهار

من خذا فجرك حبيبي
ومن ترك لي .. الانتظار

آه يا رمل وهبايب
تدفن جروح الحبايب

يا ترى لو مر عام
يرجع الفجر اللي غايب

احبس هموم الغرام
اطلق البسمة سلام

إن شكى العاشق يلام
رحت يابدر التمام

وعوّد الليل

البدر

[الحمدان]

شعرك كساه النور ما باج ظلماه
وخدّك غشاه الليل ما غاب نوره

فـ .. عيونك جنود .. وبواريد ورماه
غزو .. ورمشك صار مقدم سبوره

صبّح به اللي داله القلب بحماه
قبل النذير .. وقبل يملك شعوره

أنا الصويب اللي غشت صدره دماه
شلفا عيونك هشمت مش زوره

يامن يبي ذبحي .. وأبي منع لاماه
روحٍ شكت ظلمك تراها معذوره

البدر

[الحمدان]

ياضاوي الليل .. نورك أخلف سراجي
خلاّ السفر .. وانطفي في عتمة عيونك

أقبلت .. صبحٍٍ نثر في متنه الداجي
جدايلٍٍ مشّطت بضلوع مضنونك

تسابقتك العيون وجرحي اللاجي
في القلب طفلٍٍ لمحته يقضب ردونك

يا مرحبا .. من ضميرٍٍ ظاميٍٍ راجي
كم ليلة قد طواني الياس من دونك

ليت الليال وعدك .. وكل من داجي
انت .. وجميع الثرى تذكر به ضعونك

البدر

[الحمدان]

ليلة شديد الرمل جتنا ركايب
من الشمال وبركت بين الأيام

طوي التراب وشل فوق النجايب
والجو ثارت به معاصير وعسام

علمي بوجهك فـ اسود العج غايب
والريح تدفعني وانا ما لي اقدام

لولا الشجر شدت غصونه نهايب
جلدي وثوبك قلت انا وانت الاوهام

لا خيمة لا طنب لا صوت شايب
لا صرخة لا طفل لا كحل وزمام

طاح الرواق وطاح حلم الحبايب
لا ناي في روحي غدت روحي حطام

ما غيرها ضلوعي في صدري حطايب
وشم الجروح اللي بكبدي من العام

إن كان ذا قبري فـ ابي له نصايب
قبر الورق خلوا شواهده الاقلام

يامعمر الدنيا عمارك خرايب
ما حدٍ ورث جدرانها غير الأيام

العمر شدة والليالي ركايب
والرمل يمحي الرمل والموت قدام


البدر

[الحمدان]

يا بنت أنا للشمس في جلدي حروق
وعلى سموم القيظ تزهر حياتي

أطرد سراب اللال في مرتع النوق
ومن الظما يجرح لساني لهاتي

عاري جسد والليل هتّان وبروق
دفاي أنا والبرد سمل العباتي

إن عذربوني بعض خلانك صدوق
يا بنت أنا عشق الخلا من صفاتي

وشمٍ على رمال( المتاييه) مدقوق
لاشك من منهم يسوي سواتي

أنا بدوي ثوبي علىالمتن مشقوق
ومثل الجبال السمر صبري ثباتي

ومثل النخيل خلقت أنا و هامتي فوق
ما عتدت أنا احني قامتي إلا فصلاتي

وإلى إفتخر بأفعال يمناه مخلوق
يا بنت انا فعلي شهوده اعداتي

الله خلقني وكلمة الحق بوفوق
وملكت الأرض وراس مالي عاصاتي


البدر

[الحمدان]

‏تفارقوا من بعد ماهم محبين
‏كلن تصنع فرحته وقال مرحى

‏جايز يكون البعد مطلب الاثنين
‏لكن تأكد ان الاثنين جرحى

البدر

[الحمدان]

أنا بدوي.. ثوبي على المتن مشقوق
ومثل الجبال السمر صبري ثباتي

ومثل النخيل خلقت أنا وهامتي فوق
ما اعتدت أنا احني قامتي إلا فـ صلاتي

البدر

[الحمدان]

لابدها ياسعود بتغيب شمسي
ذي سنةٍ رب الخلايق فرضها

و لعلها حريتي بعد حبسي
و لعلي ألقى عند ربي عوضها

البدر

[الحمدان]

علمتني.. أعقد صداقه بالنظر
مع ساعتي.. قبل اللقا..
وكيف الثواني ما تمر..
والشمس.. ما تنوي المغيب
علمتني إن الحبيب
دايم حبيب
مهما هجر..

البدر

[الحمدان]

أحسب انك معي ليتك معاي
يوم ضمّيت بيديني الهوى

يا بعيدٍ عليه انزف دماي
لا قضى الصبر ولا الشوق ارتوى

نبتة الدم.. تورق في حشاي
من سببها ترى حالي ذوى

وين أنادي ومن يسمع نداي
صرختي فيك.. وسكوتي سوى

البدر

[الحمدان]

‏شفت انا الظلم من بعض الدلال
يجرح القلب لو كانه جميل

أشهد ان الهوى ما به عدال
هـو خليٍّ... وانا قلبي عليل

البدر

[الحمدان]

إن هويت لا تهوى إلا الصعب الثمين
ولا يروي ضماك بير كل عابر ارتوى منه

البدر

[الحمدان]

عطيني عيونك الليلة وباكر يا عساه صدود
أمانة لا مسحتي الكحل خلي طيف أحلامي

البدر

[الحمدان]

تحبني يا علني بعض ضعفك
يفداك مافي الحب من صادق الحب

أنا قديم الهم وأنفع لعطفك
أما الهوى ياسيدي مركبه صعب

تحبني وقول من زود لطفك
شكراً صدقت وألف شكر على الكذب

البدر

[الحمدان]

جابك ﺎلله يوم قالوا معوض خخير
آشھد ان الخير وجهك و ٺرحابك

البدر

[الحمدان]

ترا الليالي لاخلت منك تنعاف

مثل الليالي لاخلت من قمرها


البدر

[الحمدان]

‏عجايب ناسٍ ودنياً عجايبها بدون قياس
‏سحاب فالسما يعسف على البيداء عواصيفه

‏من المرتاح والانسان من يخلق وهو عساس
‏الى زانت مرابيعه نهبها من يده صيفه

‏نموت من التعب لكن في طرد السبب لا باس
‏ثقيل الحمل اعده مع ثقيل الهم تخفيفه

البدر

[الحمدان]

العطر واحد بس الاذواق شتان
ما كل شي لاعجبكم عجبني

انا اتعطر بالوله بعض الاحيان
واحيان عطري شوق قلب غلبني

[الحمدان]

اعرف طريق السنع وامشيه وادلّه
مايملي عيوني من الاطباع حيّالله

[الحمدان]

‏ماعبس وجه الزمان الا لقيتك من وراه
‏ضحكةٍ تطرد سراب الخوف وتغيث الطريق

[الحمدان]

من عزتي لو يكسر الشووق ساقي
اعرج بها وامشي ولا اقول تكفى

[الحمدان]

نروح ونجي وتمر الايام والأبيات هذي لها طابع وشعور مُختلف :

‏عمر مع جنابك والعمر معك ما امله
‏الايام ساعتها تسابق دقايقها

‏ولي قلب واحد! وانت من جيت محّتله
‏معك ذقت لذات الغلا وانت ذايقها

‏تعدت مراحل خلٍ يموت في خلّه
‏انا ادمنت بك حتى العذاريب عاشقها

[الحمدان]

‏لو نسا وجه الفجر صبحٍ يصبّر ساهرينه
‏ما نسيتك يا أوَّل أحبّك نطق فيها لساني

‏كيف ينسى من غفى وجهك على راحة يمينه
‏كيف ينسى من تفاصيله بقربك عمر ثاني .
‏

[الحمدان]

‏ما بين الصعب وبين الخوف والتجريب
‏أحاول ما أميل بيوم ولا تتشرد أفكاري

‏أمر بمرحلة صح أو خطأ أو صدق أو تكذيب
‏كأني تايه في شيء ولاني عارف أقداري

‏أنا يا رب ما أدري وش اللي ينكتب بالغيب
‏ولكن رحمتك أكبر من اللي فيه أنا داري

[الحمدان]

‏مهما ومهما صار تبقئ انت حُبي
‏أغليك لو عني تباعد خطاويك

‏لاطحت من عيني تلقّاك قلبي
‏ولا طحت من قلبي علئ الكف اداريك

[الحمدان]

مشتاق لك تعال انا وانت والليل
‏ناخذ علوم الهمس باحلا كلامه

‏اقول احبك حب مايقبل الميل
‏وتقول احبك حب مابه ملامه

[الحمدان]

ياسعود لاتنشد ترى ماني مجيب
خل الذي خافي له شهور خافي

إن شفتني زعلان لي حق ومصيب
ياسعود مزعلني جديد اكتشافي

الصاحب اللي كان من قلبي قريب
بيني وبينه صار مثل التجافي

صرنا من الصدّة سواة المصاويب
كلٍ نقل جرحه وقال متعافي

البدر

[الحمدان]

قـالهـا البدر :

‏دايما الحاجه اللي تحبها تكون بعيده عنك

‏يـا بالمـسافه يـابـالشـعُـور

[الحمدان]

‏يقول ‌البدر :

‏استخرت الله وبرجع استخير
‏كان فيك الخير ماتبعد أبد

‏وكان فيك الشّر يمحيه ويصير
‏فيك خير وما تفارقني بعد

[الحمدان]

ماقارنك بالعين والعين ثنين
اقارنك بالقلب والقلب واحد


البدر

[الحمدان]

من تعنا لوصلك لا ترده كسير
ومن تباها بهجرك أتركه للعنا

البدر

[الحمدان]

حاولت في كل الطرق ما اخليك
لاكن شفتك صامل في رحيلك


البدر

[الحمدان]

مدري اواسي حلمي الي اتمناك
والا اواسي قلبي الي خيبت ظنه


البدر

[الحمدان]

خل الليالي تعلمك وش كثر حبيتك
وانا الليالي تعلمني كثر غلطاتي


البدر

[الحمدان]

‏جابك الله يوم قالو معوّض خير
‏
اشهد ان الخير وجّهك وترحابك

البدر

[الحمدان]

الي يحبَك بالكلام حبَه على قد الكلام

‏والي يحبك بالفعل حقق لعينه مافعل

البدر

[الحمدان]

يقول البدر :
الشوق اللي يزور قلبي ياترى يزورك

[الحمدان]

يهزني برد الشتاء
واحتاج انا لفروه ودفاء
واحتاج لي أرض وسكن
أنا أحبك يا وطن
وضيعت انا باقي الكلام

البدر

[الحمدان]

تاقف على طرف الهدب
ما تلمحك عيني
عاتبت أكيد إن العتب
ما كان يعنيني
سلم أبرّد السلام
وهذا ترى كلّ الكلام
اللي بقى بينك وبيني


البدر

[الحمدان]

تهزني ريح الشمال
محتاج أنا لبسمة وشال
تركتني لبرد الطريق وأنا على بابك
أتذكر إنّك قلت لي بالله وش جابك
ودعتني قبل السلام
وهذا ترى كلّ الكلام
اللي حصل بينك وبيني

البدر

[الحمدان]

النعم لاجيت اعددها أعدك
انت نعمه ماتكررها الليالي

البدر

[الحمدان]

ياقمر نور علئ منهو يودك
في غيابك مضلمه ياويل حالي

البدر

[الحمدان]

‏خذاني خياله بين مسرا وسجة بال
‏وسرى بي مثل مسرا الهبوب الشماليه

[الحمدان]

‏اجلس بقُربك وأهتني في مراعاك
وصوتي يترنّم في رباعي حروفك

[الحمدان]

ياهل التعازي والمراثي والأحزان
إن كان غاب البدر ماغاب نوره

عليه من مولاه رحمة ورضوان
لازال رغم الفقد طاغي حضوره

في كل دارٍ له ترانيم واوزان
واصدق مشاعر نابعة من شعوره

في كل معزوفة وفي كل ديوان
وفي كل قلبٍ منه صوتٍ وصورة


عبدالله الطلحي

[الحمدان]

يستحيل ان تكون قهوتي مره
وأنت ضيف أفكاري


البدر

[الحمدان]

من عرفتك اشوف النس بطرف عين
احس اني ملكت شي مايملكون

البدر

[الحمدان]

تركتك للغياب وانا خاطري فيك
ماتعوده انادي على حاجة مهملتني

البدر

[الحمدان]

اللي يحبك بالكلام حبهَ على قد الكلام
والي حبك بالفعلُ حقق لعينه مافعل


البدر

[الحمدان]

‏مابقالي قلب يشفع لك خطيه
ذوبته اجروح صدك والخطايا

صاحبي با الله لاتعتب عليه
العتب معاد تاسعه الحنايا

البدر

[الحمدان]

يقول البدر :
حتى ليالي الشتاء جابت طّواريك
بين القمر والغيم ترسل وصوفك

[الحمدان]

افارقك ليله يا طولها ليله
واجيك انا باكر وقلبي على إيدي

البدر

[الحمدان]

يقول البدر :
ابعتذر عن كل شي إلا الهوى
ما للهوى عندي عذر

[الحمدان]

إن هويت لا تهوى الا الصعب الثمين
ولا يروي ضماك بير كل عابر ارتوى منه

البدر

[الحمدان]

‏يقول البدر...

‏ابختصر كل المشاعر في نص بيت
‏ليت الأماكن والبشر والعمر أنت

[الحمدان]

كل دار تضمك ليتها صدري
وكل عين تشوفك ليتها عيني

البدر

[الحمدان]

من عرفتكِ اشوف الناس بطرق عين
احس اني ملكت شي ما يملكوونه

البدر

[الحمدان]

يستحيل ان تكون قهوتي مره
وانت ضيف أفكاري


البدر

[الحمدان]

يشهد الله اني احبك
لين ضاقت ضلوعي وصوتي

وصاحت عيوني من الوجع
والحب يوجع والطمع قاتل

ابيك العمر كله هالقيل الراحل
ويشهد الله اني احبك

البدر

[الحمدان]

أينما وليت وجهي في جهاتي
أنت قبلةٍ للغلا وجرعة سعاده

النظر بعيونك أكثر من حياتي
النظر في محجر عيونك عباده

البدر

[الحمدان]

لا غاب نور البدر في عتمة الليل
اشوف نور البدر في جوف صدري

أنا حزين الأمس واليوم بالحيل
لا جف دمع العين ما جف حبري

واقف مع المعنى نعيد التفاصيل
يقول مات البدر يا كسر ظهري

البدر

[الحمدان]

انتي اصلاً بينهم ما تشبهين
غير نور الشمس او نور القمر

لك عيون الله يعين الناظرين
كل نظره منها شبت جمر

و لك خطاوي قبل حتى لَتخطين
لجلها اللا ممر يصبح ممر

لا بديتي طالبك لا تنتهين
انتي اكثر شي ودي يستمر

البدر

[الحمدان]

انا لعيونها بس ... لعيونها

قلبي سراب بدونها

وعيني سراب

ما اقول أعشقها بعقل

مجنونها...مجنونها

البارحة مريت في أحلى الفصول

صيف وشتاء

وناظرتها

وقلبي يقول هذي العيون إلى متى

حبيبتي ياكثرها عيونك على هالليل

وين ما التفت اشوفها

حبيبتي يازينها عيونك على هالليل

سحرني برق سيوفها

ما أقول أعشقها بعقل

مجنونها ... مجنونها

قمري .. يا شمس الذهب

سفري وراء عيونك تعب

قلبي تعب... وصبري تعب

ومن الهدب لين الهدب...

بحر ومراكب من لهب

أمواج تبحر برضاه ..

وأمواج تلعب بي غضب

وانا لعيونها بس ... لعيونها

قلبي سراب بدونها

وعيني سراب

ما اقول اعشقها بعقل

مجنونها ... مجنونها

البدر

[الحمدان]

كيف أكتب الشعر وعُيونك قصيد
وكيف أوصفك وأنتِ القصايد كلها

البدر

[الحمدان]

قال .. قهوتھم ذقتها حيل مرة
‏وفنجالها ما هوب مثل الفناجيل

‏قلت الفخر في طعمها والمسرة
‏وما عابــها مـــرارة البــن والهيل

‏هي رشــفة لا شعھ ما هيب مرة
‏تطول ما طالت علــوم الرجاجيل

‏دلالهــــا تصلــى بجمــر المجرة
‏وفنجالهــا يضوي سواة القناديل
‏
‏ِبدر بن عبدالمحسن

[الحمدان]

كيف اكتب الشعر وعيونك قصد
وكيف اوصفك وانت القصايد كلها

كيف اوصفك ماتوفيك الحروف
مليون مرة أفكر فيك قبل اقولها

اختصرك بكلمة يازين الوصوف
شوفتك سعاده وضحكتك اضمها


البدر

[الحمدان]

من زعلك في عيونك السود نظره
لا شفتها حسيت بالحزن والياس

من زعلك طاحت من الليل قمره
خلت طريقي من المواعيد والناس

لو هو انا بالله شوفيني مره
وأنا أعتذر للتبر للدر للماس

أبعتذر لنجومها في المجره
وللما القراح اللي شربته من الكاس

حبيبتي أرجوك في القلب حسره
كافي زعل اشغلتي الفكر هوجاس

والله لو تدرين ها الحب جمرة
بين الضلوع تشب من حر الأنفاس

غديت طفلٍ ضايع فيه عبره
محدٍ سأل وشفيه ماقال لا باس

وهذا الغرام الله يكفيني شره
بعيش أحساسه وباموت أحساس

البدر

[الحمدان]

مايموت الود لو مات الكلام
لك مكان وذكريات ولك شعور

منت عابر في حياتي والسلام
انت حتى في غيابك لك حضور


البدر

[الحمدان]

الناس من بعدك هلا وانت لبيه
الحاضر انت وماضي الناس ماضي


البدر

[الحمدان]

مدري اواسي حلمي الي تمناك
‏ولا اواسي قلبي الي خيبت ظنه

البدر

[الحمدان]

‏ما نشدت الشمس عن حزن الغياب
‏علمتنا الشمس نرضى بالرحيل

‏البدر

[الحمدان]

أنا فدا اللي ما انتظر مني أعذار
وما لامني وأنا أستحق الملامة

ما غير ينشد عن علومي والأخبار
أخَّر عتابه لي وقدم سلامه

البدر

[الحمدان]

اخاف انساك وتطلع منتظرني
واخاف انتظرك تطلع ناسيني

البدر

[الحمدان]

استخرت الله وبرجع استخير
كان فيك الْخير ماتبعد ابد

وكان فيك الشّر يمحيه ويصير
فيك خير وماتفارقني أبد

البدر

[الحمدان]

احتريته في صباح النايمين
ووجهي الذابل تعابيره أفا

ياعيوني لبه باقي تحترين
لو يحبك عن وصالك ما غفا

البدر

[الحمدان]

يطيح جفن الليل واهز كتفه
يفز شمع وباقي الليل مطفي

واحاكي الجدران عن حلم غرفه
ما تشبه الجدران ويطول وصفي

وتملني الجدران واظهر لشرفه
تحت السما واسكر الباب خلفي

ليت الشوارع تجمع اثنين صدفه
لا صار شباك المواعيد مجفي

وليت الروابي تشرب دموع وطفه
ويصب لمع بروقها وسط طرفي

يا طاري الغدران والعمر رشفه
مع قلها ياليتها اليوم تصفى

الصبر واجد مير الأقدار صلفه
والأرض واجد لكن العزم منفي

اللي أعرفه راح ما نيب أعرفه
ولا اظن يذكرني إليا اقبلت مقفي

ما هو حبيبي مورد القلب حتفه
ولا هو حبيبي يفرح بوقت ضعفي

تهب ريح وتسكن العظم رجفه
وتغيب ريح وتسكن اغصان نزفي

مر ثمر ها الليل وأمر قطفه
ذقته قبل يلمس شفاهي بكفي

هذا وتو الليل ما راح نصفه
يا ليل بعض اللي مضى منك يكفي

البدر

[الحمدان]

بـنلتقي واحضن كفوفك في يدي
واسولف لعينك كيف كانت لهـفتي

البدر

[الحمدان]

القصايد ما تجيب أقصى جمالك
كل شي فيك يستاهل قصيده

البدر

[الحمدان]

انا سجين الحال مهما تسليت
وانا الطليق وكل شي قبضني

البدر