مجاراة لقصيدة الشاعر / ابن منجية الشمراني وفقنا الله وإياه ...

يا سلام الله سلامٍ لا حضر عرضٍ وطول
يطرب السامع ، ترى ماهو بحيا الله سلام

للعوامر راس راس وبيت بيت وظول ظول
الحواضر والبوادي و الحجازي و التهام

في عطاياهم كرامٍ ، وان دعى الداعي سيول
في مواقفهم زحول وفي مجالسهم حشـام

وانت يبن منجية يا من صدق فيما يقول ..
ما عليكم زود يا سادات عاليــن المقــام ..

يا حلاحيلٍ وفـاهـم في طلوع وفي نزول
و المراجل ما تبدّل في صغار وفي عظام

آل حارث سلم للوافين ، حربٍ للنــذول
آل حارث نورهم نوّر على دنيا الظـــلام

كنّ كلماتك مناشي في زواياها طبول
تفرح اللي من ثمان سنين في حروة غمام

مرني من كل صنف وكل نوع .. وكل ذول ..
جزلهم صاحي ، ولكن ما يصحّي له نيـام ..

وانت يا شبّاب ضو الطيب شيّــال الحمول
العوامر تفتخر بالشعر لا جا من كـــرام

مبدعين القاف جزليـن المعاني و الفصول
إن حكوا ودك يكون العمـر كله من كلام

وان لفاهم ضيف يلقى في مجالسهم قبول
ما رضوا في رتبةٍ ما هي تقدم للأمــام

ربعك اللي يكرمون الضيف والعالم محول
ما تغير طبعهم ، لا في قلـيـل ، ولا زحــام

محتمين الدار والزوار ، مفنيـن الذلــول
في دروب اهل المراجل ما تلـوم و لا تـــلام

كنت مثل الغيمة اللي تنتظر وقت الهطول
يوم لاح البرق ، برق الشعر ، هلّت بانتظام

اسمح لقلبٍ عثا به جند فكره والفــلول
في فوادي ياخذ القــايد على جنوده تمام

ويش اسوي مع همومٍ في قفص صدري تجول
قلبي اللي ما بقى به غير نبضٍ ما ينام

لو صحى من ظلم بشار احرقه شتم الرسول
وان غفى بعد اليمن ناحت له جروح الشوام

ما قدرت انسى هموم الناس واحيا في خمول
لو عطس مسلم بشرق الأرض أشعر بالزكام

في فلسطين الحبيبة جرح عيا لا يزول
في دمشق احطام ديرة او بقايا من حطام

بورما ينحر بها المسلم كما نحر العجول
والدول ، أكبر دول ، ما عندهم غير الملام

يالله اني طالبك نسلم من خبال الخبول
وانك تباعد خطاوينا عن دروب الحرام

تجمع أمة من مية عامٍ وهي تذبل ذبول
لين يرجع مجدها اللي دافنينه بالركام

شعر ما هو يحكي الواقع ويبحث عن حلول
السكوت اخير واجمل يا رفيقي ، و السلام ..

أخوكم الشاعر / عطيه بن حمدان بن مصبح العامري - صباح الجمعة
5 / 11 / 1433 هـ

المشاركة الأصلية كتبت بواسطة ريح الشمال (المشاركة 341866) صح لسانك على الابيات الجزله لاهنت ولاهان طاريك اشكرك ولك مني الاحترام والتقدير

الاخوان تبريد منخفض شيهان شمران ابن منجية معقل العصاة صحت ابدانكم جميعاً ولا علاكم زود والقصيدة حقيقة ماهي بلي وهي لابن اخي ابن ابن عمي وهو الشاعر عطية بن حمدان العامري وانا ماوضحت ذلك خطأ مني مع ان القصيدة ذيّلتها باسمه ولكني شعرت انّا نتعارف ،،، عموماً انت شاعر جزل وكفو يابن منجية ومعروف وشمران ربعنا ورفاقتنا واهلنا ولو واحدٍ تعدّى حدوده على شمران قدام عامري يتحمّل مايجيه والعوامر مايعدون انفسهم الا منكم والعكس صحيح وقد ذكر ذلك شاعر العوامر الجد مصبح العامري في بعض قصائده وهذا التوجه مطلوب من جميع شعرائنا لزيادة الترابط والتلاحم أخوكم / سعد بن ضيف الله بن عبد الرحمن آل هواش العامري - الدمام -

بسم الله الرحمن الرحيم

السلام عليكم و رحمة الله وبركاته

يشرفني تواجدي بينكم يا عيال عمنا و رفاقتنا ، و الحمد لله على توفيقه ، وبارك الله بالشعر اللي يجملنا في عيون المطاليق
أشكر العم / سعد بن ضيف الله فعن طريقه تعرفت على الموقع كما أشكر الإخوة جميعاً الذين قاموا بالرد على الموضوع
أحرجتونا بطيبكم ، وافين و عيال وافين ، كما أقدم شكري و تقديري للشاعر الكبير / ابن منجية الشمراني ، والله يجمعنا على
الطيب و المعزة ، و لا عليك زود ، و أما بالنسبة لما قلته في أبياتي في حقك و حق ربعك فاسمحوا لي على القصور تستاهلون
أكثر و أكثر ولا توفي حقكم القصايد ، سعيد جداً بتواجدي معكم ، أسأل الله أن يجمعنا في جنته ..

و السلام عليكم و رحمة الله وبركاته

أخوكم / عطيه بن حمدان بن مصبح


عشّـــاق

تحياتي وتقديري لكل من مر قلمه او رأت عينه هذا المتصفح

رافع الهامة
سعد بن عبدالرحمن الشمراني
أبو نايف الشمراني
همس
صالح أبو غريب

صحت ابدانكم جميع وأشكر لكم مروركم الجميل