مجاراة قصيدة ابن منجية العوامر وحوالة وابن المنتشر

مجاراة لقصيدة الشاعر / ابن منجية الشمراني وفقنا الله وإياه ...

يا سلام الله سلامٍ لا حضر عرضٍ وطول
يطرب السامع ، ترى ماهو بحيا الله سلام

للعوامر راس راس وبيت بيت وظول ظول
الحواضر والبوادي و الحجازي و التهام

في عطاياهم كرامٍ ، وان دعى الداعي سيول
في مواقفهم زحول وفي مجالسهم حشـام

وانت يبن منجية يا من صدق فيما يقول ..
ما عليكم زود يا سادات عاليــن المقــام ..

يا حلاحيلٍ وفـاهـم في طلوع وفي نزول
و المراجل ما تبدّل في صغار وفي عظام

آل حارث سلم للوافين ، حربٍ للنــذول
آل حارث نورهم نوّر على دنيا الظـــلام

كنّ كلماتك مناشي في زواياها طبول
تفرح اللي من ثمان سنين في حروة غمام

مرني من كل صنف وكل نوع .. وكل ذول ..
جزلهم صاحي ، ولكن ما يصحّي له نيـام ..

وانت يا شبّاب ضو الطيب شيّــال الحمول
العوامر تفتخر بالشعر لا جا من كـــرام

مبدعين القاف جزليـن المعاني و الفصول
إن حكوا ودك يكون العمـر كله من كلام

وان لفاهم ضيف يلقى في مجالسهم قبول
ما رضوا في رتبةٍ ما هي تقدم للأمــام

ربعك اللي يكرمون الضيف والعالم محول
ما تغير طبعهم ، لا في قلـيـل ، ولا زحــام

محتمين الدار والزوار ، مفنيـن الذلــول
في دروب اهل المراجل ما تلـوم و لا تـــلام

كنت مثل الغيمة اللي تنتظر وقت الهطول
يوم لاح البرق ، برق الشعر ، هلّت بانتظام

اسمح لقلبٍ عثا به جند فكره والفــلول
في فوادي ياخذ القــايد على جنوده تمام

ويش اسوي مع همومٍ في قفص صدري تجول
قلبي اللي ما بقى به غير نبضٍ ما ينام

لو صحى من ظلم بشار احرقه شتم الرسول
وان غفى بعد اليمن ناحت له جروح الشوام

ما قدرت انسى هموم الناس واحيا في خمول
لو عطس مسلم بشرق الأرض أشعر بالزكام

في فلسطين الحبيبة جرح عيا لا يزول
في دمشق احطام ديرة او بقايا من حطام

بورما ينحر بها المسلم كما نحر العجول
والدول ، أكبر دول ، ما عندهم غير الملام

يالله اني طالبك نسلم من خبال الخبول
وانك تباعد خطاوينا عن دروب الحرام

تجمع أمة من مية عامٍ وهي تذبل ذبول
لين يرجع مجدها اللي دافنينه بالركام

شعر ما هو يحكي الواقع ويبحث عن حلول
السكوت اخير واجمل يا رفيقي ، و السلام ..

أخوكم الشاعر / عطيه بن حمدان بن مصبح العامري - صباح الجمعة
5 / 11 / 1433 هـ

صح لسانك على الابيات الجزله لاهنت ولاهان طاريك اشكرك ولك مني الاحترام والتقدير

المشاركة الأصلية كتبت بواسطة ريح الشمال

صح لسانك على الابيات الجزله لاهنت ولاهان طاريك اشكرك ولك مني الاحترام والتقدير

صح بدنك ولا علاك زود ولاتهون وشاكر مرورك

هلا وغلا بأبو رآكان
نورت المنتدى ..

صح بوحك
شآعـر جزل ورآئــع ..
كلمآت فيها من وصف الحآل للأمـة الإسلاميـة الشيء الكثيــر ..

لاتحرمنا جديـــدك ..



تبريـــــ د

صح الله لسانك

لحدود رضاك

جزلة من وافي

ومجاراة رائعة

وانت كفو والعوامر

روس رجال

ننتظر مشاركاتك وإبداعك

حياك الله يابو راكان تحيَّة السيل

واعز من جا

وصح لسانك ملايين وفي مدحك ماعلاك زود وفي فخرك ونعم وسبعة انعام بالعوامر الدوامر ربعنا واشرابنا

واشراكنا وانا مامدحتكم انا ماقلت الا الصحيح والمدح يعجز يوفيكم حقكم

وانتم لكم غلا ومعزه وتقدير وشرواكم من المنتشر وحوالة فانتم احلافنا ونعدّكم منا وفينا

فصح لسانك ومجاراتك شرف وذا من طيب اصلك الطيب ومعدنك

والمجاراه وصلت وكفيت ووفيت وغطيت المعنى وابدعت وتعديت الهقاوي

وحياك الله في منتداك واتمنى ان تتحفنا دايما هنا بمشاركاتك الشعرية وانت شاعر صميدع وكفو

دمت سالما ورعاك الله

تحياتي

صح لسانك على الابيات الجزله
لاهنت

الاخوان تبريد منخفض شيهان شمران ابن منجية معقل العصاة صحت ابدانكم جميعاً ولا علاكم زود والقصيدة حقيقة ماهي بلي وهي لابن اخي ابن ابن عمي وهو الشاعر عطية بن حمدان العامري وانا ماوضحت ذلك خطأ مني مع ان القصيدة ذيّلتها باسمه ولكني شعرت انّا نتعارف ،،، عموماً انت شاعر جزل وكفو يابن منجية ومعروف وشمران ربعنا ورفاقتنا واهلنا ولو واحدٍ تعدّى حدوده على شمران قدام عامري يتحمّل مايجيه والعوامر مايعدون انفسهم الا منكم والعكس صحيح وقد ذكر ذلك شاعر العوامر الجد مصبح العامري في بعض قصائده وهذا التوجه مطلوب من جميع شعرائنا لزيادة الترابط والتلاحم أخوكم / سعد بن ضيف الله بن عبد الرحمن آل هواش العامري - الدمام -

ونعم فيك يآســعد بن ضيف الله
وفي الشاعر عطيـه ابن حمدآن ..


مسرورين بتوآجدك
ويشرفنا أن تنقل لنا مثل هذه الروآئـع
وبإذن الله نجد الشاعر عطيـة معنا هنا في القريب ..


تبريــــ د

والله ونعم بك وبل العوامر ولك الشكر
قصيده رايعه وصح لسانك ابدعت ابيض وجه
والشكر موصول اللاخ ابن منجية فهو شاعر من الدرجه الاولي بيض الله وجهه