تقول لي بـدوي وانا اقول ايبله

تقول لي بـدوي وانا اقول ايبله
بدوي على عينك وعين السرايا

في دمنـا يجري الوفــا في محله
وفِي طبعـنا تلقي جميع المـزايا

بــدوي مدى دنيـاه خيـمة ودلة
ووقفــه مع ربعــه حماة المطايا

يا بنت تلقي البـدو في الكون كله
وتلقـي خطاهم فوق وجه المنايا

اذا قيل بـدوي.. قلت زبن المقلة
في الطــارفة.. والا كبـار القضـايا

ما ينحنـي بـدوي ورجله تشــله
راســه على صون الكرامة فــدايا

وان شـفت بـدوي عد به لا تـزله
كبـار العــرب والا عيـال الرعــايا

واهـل المــدن عالـم نعزه نجـله
وفيهـم عرفـنا من طـوال النهايـا

عرفنا النجوم الشامخات المطلة
لهم بالغ الحشــمة وكل التحــايا

شعــوب وقبــائل كلـن الله يــدله
ويالله عسى تغفــر جميع الخطايا


علوي الباشا