انا للرفيق الوافي المحزم المليان

انا للرفـــيق الوافي المــحــزم الملـيان
وبوفي مــعه مادام وانه مـعــي وافي

وعهد الوفاء قد خالـط الدم والشريان
وظاهر مـباديـــنا تـدلك على الـخـافي

ظروف الزمان الحالكة تفرض النسيان
وحنا نصون الــعــهد ونــطـوع الهـافي

وما كل شي مخلوق فطره في الانسان
حملنا عنان الـــمــرجله فـوق الاكـتافي

وطبع البشر اشكال ياصــاحبي والـوان
وكم في حـــياتي ريـت انواع وصنافي

رفيق يسلي خـــاطرك لو ملان احزان
وصاحب يعكر لا حظر جــوك الصافي

وكم صاحب يسوا قبـــيله وهو طفران
وكم صاحب اكـبر خــطأ جيـبه الدافي

وكم صاحب لا غاب ما كــــن به سكان
وكن السماء في غــيبــته نــــورها طافي

وكم صاحب تلقــاه فيه الــوفاء عنـوان
ودون الخوي يدعس لهيب الجمَر حافي

؟؟؟