سلّم اليمنى خطام العشق يامال السلامة

سلّم اليمنى خطام العشق يامال السلامة
‏دام أنا لا رحت ولا جيتني عاشق بليا

‏الكراهية مثل حال البخيل اللي نظامه
‏انّ عطيته مايردك وانّ طلبته شي عيا

‏والغلا مثل الكريم اللي على طيب وكرامه
‏لو وجوده فالثراء مجده على سطح الثريا

‏فالمحبة مايفيدك لا ميول ولا استقامة
‏كان ماشدك غلا ماهيب جاذبتك حميا

‏ياتباشير الغلا والشوق ماحولي ملامة
‏كل يوم ارقب مجيّك من هناك ومن هنيا

‏انت من نسل البشر ولا القمر ولا الغمامة
‏ولا من نسل الورود اليانعة ولا من ايّا

‏فيك عنق وفيك خصر وفيك جيّد وفيك شامه
‏وفيك من عين الوحش لفته وفيك امن العبيا

‏لاوقفت اقول وقفت من يحبون الزعامه
‏وان مشيت اقول ممشى من يحبون الكفيا

‏لو ماشوفك من خيار اهل البلد قدر ووسامه
‏كان ماكنت في كنف حبك من الحزن اتفيا

‏والله انّ اقسى ليال العمر وأكثرها ندامه
‏يوم ارتب لي معك فرصة وصال ولا تهيا

‏ودي اني عشت لي يومٍ مثل يوم الرغامه
‏ولا لقيت إللي بعد ماقفيت رحبي وحيا

‏ينتهي عقد الشغف وتموت كلمة وابتسامة
‏كان مالي من وجودك حظ ياسمح المحيا


؟؟؟