صقر العروبةُ
ماجور يا صقر العروبة سلامات
ياجعل ما صابك يمر بسلامة
من حد عرعر إلحدود الإمارات
ومن شرق الأحسا لين ساحل تهامة
الشعب يدعي لك كفوفه حمامات
ماوقعت الا بكبد الغمامة
ترجي لك المولى هو راعي الكرامات
يلبسك ثوب العافية والسلامة
حيث إن حبك فاق وصف العبارات
شف له على قلب الجزيرة علامة
لا تلوم شعب بمقدمك انشد ابيات
لعيون صقرٍ ذوبه في غرامه
يامعتلي صهوة علومٍ طويلات
المجد لك رايه بذروة سنامه
ماخترته الا اختارك انت .. انت بالذات
تمشي و تقضب في يمينك لجامه
تضرب بك أمثال و حكم واقتباسات
في المرجله يالشامخ وفي الشهامه
من سالمك يحظى بكل الإشادات
واللي يكيدك ينتحب في ظلامه
عبدالله اللي حاز اعلى الشهادات
بطيبته ومحبته واحترامه
بردٍ سلامٍ بالرخا وفي الشديدات
سيفٍ على رقاب العدا له صرامه
بو متعب اتعبت البيوت الجزيلات
مالوم شعري ان تاه بي في زحامه
مير احمد اللي جابك معافىً وجات
لْثغر كل مواطن الإبتسامه
وتعداد من صلى ويقرا التحيات
ياجعل ربي يحفظك للزعامة
04-05-2011, 03:52 PM
رد: صقر العروبة
المواضيع المتشابهه
العرض المتطور
