فوق هام السحب ( الشعر الشعبي) على متن القوافي

نامت عيون الناس ما جاني النوم
ما فيه احد يسهر على غير سبه

ضايق وبي عبره وبالخاطر علوم
ياغايتي قلبي معك خاف ربه

قال زواجك علي من دوب لا دوب
من بعدها قلبي مدينتً مستتبه

اما تبادلني بشعوري من اليوم
ولا ابتعد عن قلبي وكبه


.......

‏على ضوه القمر جيتك اسامر وحشة الغياب
عشير الروح مايبخل ونا مجنون بسكاتك

تعال نسامر القمرا وننقش بالحروف خضاب
ونيس اليل مايقوا على المزيون نظراتك

وأنا ياصاح نظراتي تجيب من الغلا طلااب
تكفكف دمعك المرهف على شباك حضراتك


.......

يا منــاة الـــــروح يالــــوجه الحــــشيم
ياربيــــع القلــــب يسعدلي مســـــاك

لــو تغيــب العيــن في قلبــي مقيـــم
واسعــد الاوقــات فــي لحظــة لقــــاك

الشعـــــر لــــولاك ما باح الصميــــــــم
والاغــــانــي دوم ما تحـــــلا بــــــــلاك

والقلــــب ولـــهان فــي حبــك يهيــــم
والســـرور اجـــتاح قلبــي مــن غـــلاك


.......

‏ياللي تحسـب الطيب يشــرى وينباع
الطيب كايـد والمواقــــف توافيــــــق

احدن نظـــر عينـــه على واطي القاع
واحدن طلـوعه فوق روس الشواهيق


.......

‏ما كل من ينظرلك أحيان يبغيك
‏ ولا تحسب إنه ياعزيزي مشبه

‏يمكن فقدله شخص ملامحه فيك
‏هذي عوايد فاقدين الأحبه


.......

غزال مذيّر من هوى غربي الانـسـام
‏لاهب الهوى يستقبل الغي ويـرده

‏سرقني مثل ما يسرق الواعي النيـام
‏ولا زلت فيه اهيم واغليه واوده

‏محبة ماهيب امحبة موزع الارقـام
‏لامنه سمح مما هوى خاطره هـده

‏بغيته وعيا الوصل عنه وبعده قـام
‏يجند جيوش الصد ب الهجر ويمـده


.......

يا زين شوف البدو بفياض أوساع
وبيت الشعر فيه الرجال المطاليق

ريحة سمر والبن وارطوبة القاع
انشهد انه تبعد الحزن والضيق


.......

قدرك على عيني وعالراس من فوق
واللـي شـرانـا بالوفــا مانبيعــه

لك منزله في داخل العين والمـوق
ولك مكانــه ياحيــاتـي رفيعـــه

ابشر ترى قلبي لكم ممتلي شـوق
ومحبتـك عنـدي بعــد فـالطليعــه


.......

‏مر الخيال بصورتك وأيقظ الروح
وإنزاح عن روحي ضبابة سماها

يامن تناجيك المشاعر لك البوح
عل وعسى في يوم تجلب رضاها

مفتاح قلبي بين أياديك مطروح
وأظن مافيه روح تجهل هواهـا


.......

‏إذا باعك اللي مارحم قلبك الحساس
‏تلفت وتلقى شمعة القلب تضوي لك

‏تعال وتذرى بين غصن الرجا والياس
‏تحت جذع صدري لين تاقف على حيلك

‏بعدها تعرف إن الذهب ذاك كان نُحاس
‏ولا فيه أحد كثري من الناس صافيك


.......