فوق هام السحب ( الشعر الشعبي) على متن القوافي

‏مسامحك جعل كل اللي فعلته فداك
‏ضيعت فرصة عمر واخترت غلطة عمر

‏لاتحسبـني ليا مـن رحت بطـرد وراك
‏لا غابت الشمس ياتـي من وراهـا قمر

فتى الجوف

‏حـب الـبـشر والكُـره ماهو بمقياس
‏بـعـض الـبشـر لأنـك كـفو يكرهونك
‏
‏ومافيه أحد يقدر يحقق رضا الناس
‏حـتـى أنـت مـا كل البشر يعجبونك

.....

قوي العزآيم ما يهمه كلام الناس
‏يسوق الطموح لغايته لين يدركهآ

صحيح الهبوب تهب وتطيرالقرطاس
لاشـك الجبال الراسيه ماتحركها

.....

محتزم لظروف الايام بالصبر الجميل
ومن نشدني قلت طيبّ واموري طيّبة

مارجيت من البشر لا كثير ولا قليل
في رجا اللي من رجا رحمته ماخيّبه

.....

يامهجتي يانبض قلبي على الكون
ياصاحب اوصاف الملوك والسلاطين

في بعـدكم كني مكبل ومسجون
و من الحـروف اكتب لبعدك دواوين

.....

‏نطوي مع الايام عام ورا عام
تمر ساعات الفرح في دقايق

ايام راحت بالعمر مثل الاحلام
يوم بها زعلان وايام رايق

درست من دنياي واتعبت الاقدام
وبدلت عن بعض الطرايق طرايق

وكفخت بافكاري كما الطير لاحام
وما عاقني عن ماكر العز عايق

مطلق الثبيتي رحمه الله

‏يا سرعها سرعاه دورات الايام
العام كنّه شهر واليوم ساعه

اعمارنا في نقص عام ٍ بعد عام
وتزيدنا سود الليالي بشاعه

تلبّس الصادق من الوهم هندام
وتلبّس الكاذب ثياب القناعه

وتقول للصاحي ترا الوعد قدام
وتقول للمجنون سمعاً وطاعه

سعيد العلياني

نطوي سنه مرت بها ضيق وافراح
‏ونبدي سنه فيها العلوم السعـيده

‏يالله تجعل مامضى العام ينزاح
‏ونلقى السعاده في سـنتنا الجديده

.....