قصيدة عابرة سبيل في رثاء نفسها قبل ...

السلام عليكم


هذه القصيده للشاعره المرحومه بأذن الله تعالى عابرة سبيل == أم فهد وقد قالتها لزوجها وهى علي فراش الموت



وسأل الله أن يسكنهي فسيح جنانه


ولكم هذه القصيده == والرديه من زوجها


ترا الذبايح وأهلها ما تسليني *** انا ادري ان المرض لا يمكن علاجه

ادري تبي راحتي لا يابعد عيني *** حرام ما قصرت يدك في حاجه

خذ وصايتي وامانه لا تبكيني *** لو كان لي خاطر ما ودي ازعاجه

أبيك في يدك تشهدني وتسقيني *** أمانتك لا يجي جسمي الثلاجه

لف الكفن في يدك وخل رجليني *** ما عندك احد كشف حسناه واحراجه

أبيك بالخير تذكرني وتطريني *** يجبرني خالق من نار وهاجه

سامح على اللي ما جرا بينك وبيني *** ايام نمشي عدل وايام معتاده

عيالي همي وانا اللي فيني يكفيني *** علمهم بالدين تفسيره ومنهاجه


وهذا رد زوجها عليها


حاولت انام وحاربت عيني النوم *** وجربت صوت مثل الربابه

الجفن كنه صاير وسطه هزوم *** ودموع عيني مثل رمش السحابه

على وليف قالوا اليوم مرحوم *** راح توه ما تهنا في شبابه

زرت القبور اللي على بعضها رسوم *** خطيت رسم على ذيك العصابه

قلبي من الدنيا عليك مرسوم *** والوسم توه عقب خطه كتابه

أحبها مير القدر صار مقسوم *** وتحبها كل الاهل والقرابه

الموت اخذها وودع القلب مسلوم *** جرح عميق ما يداوي صوابه

والموت اخذ شجعان وقروم ورخوم *** واخذ رسول الله وباقي الصحابه


واتمنى اكون قدم مانال أعجابكم


تحياتي

...سموالمشاعر...