ولا أدري وش اللي جاب ذكرك على بالي❤️

ولا أدري وش اللي جاب ذكرك على بالي



تـِذَكّــــرتك.. وحبيت أمسي عليك.. بخير
ولا أدري وش اللي جاب ذكرك على بالي؟
ولانك عزيز وكنت في عشرتك لي.. غير
أبسالك وش حالك واطمنك عن حالي
سرح هاجسي مع أمس بالبعد والتقصير
وحمدت الله بما صار في كل الأحوالي
صحيح الكلام اِتعثر وخانني التعبير
وحنين الأمل يعزف له القلب موالي
سؤال.. وتطمئن.. وسلام مع التقدير
بدعوة لك بتحقيق حلمك والآمالي
بعدما جرى وما كنت أحبذ علينا يصير
جفاء سنين دوم يساوي.. المر بالحالي
وبالموقف اللي صار ما أخفيت أنا التأثير
وكنت أتوقعني عن أمس ِمضى.. سالي
مواقف تُمر وما نلاقي لها تفسير؟
تحرك مشاعرنا وتجيب.. أول وتالي!



الشاعر/سعد الشليل